artekaria

Euskal Herriko
Artearen ataria

aktualitatea

IREKIAK Gallery Weekend-en laugarren edizioa aurkeztu dute

Irailaren 12tik 15era, Donostiak zirrara egingo du erakusketa-denboraldiaren hasiera bihurtu den ekitaldi honekin, galerien indarrak erakundeekin batzea helburu hartuta, arte garaikidearen bidez sare kulturala sendotzeko. Hiriko zenbait espazio artistikotan jarduera eta erakusketa ugarie gingo dituzte.

irekiak-gallery-weekend-en-laugarren-edizioa-aurkeztu-dute
Berte Jayo artistaren Take Away erakusketaren obra bat - Ekain Arte Lanak galerian.

| 4 Septembre 2024

Donostiako Arte Garaikideko Galerien Elkarteak (DAGGE) aretoen ateak irekiko ditu aurten ere, jendarteak gertutik ezagutu ditzan sorkuntza garaikideena erakusten duten espazio horiek. DAGGEk, Donostia Kulturak eta Tabakalerak antolatu eta koordinatzen duten IREKIAK jaialdiak beste hiri batzuen ereduari jarraitzen dion urteroko hitzordu artistiko bihurtu da Donostian. Giltzarri, arlo sozial, turistiko eta kulturalean. Urtero, eskaintzen dituen ezinbesteko bisita gidatuek zirkuitu inspiratzaile bat osatzen dute, artea mota guztietako publikoengana hurbiltzeko eta diziplina desberdinetatik sortzaileek egiten duten lana ezagutzera emateko.

Instalazioak eta performanceak, argazkilaritza, eskultura, pintura, marrazkia, arte digitala, proiekzioak… ugariak dira IREKIAK 2024 edizio berri honek eskaintzen dituen aukerak artezaleen gozamenerako. Oraingoan parte hartzen duten galeriak bost dira: Cibrián, La Central Art Gallery eta Arteko Grosen; Ekain arte lanak Alde Zaharrean eta Arteztu Antigua auzoan. Tabakalerako erakusketa-areto nagusiko kontzertu iradokitzaileak eta Kursaaleko fatxadako proiekzioak osatuko dute lau eguneko egitaraua.

IREKIAK irailaren 12tik (osteguna) 15era (igandea) izango da, ordutegi jarraituan.

Ekitaldi honen eskaintza zabala da: ibilbide bat bisita gidatuekin, ostegunetik igandera bitartean eta egun osoz, ateak zabalik izango dituzten erakusketa-aretoetan barrena; Hotaru Visual Guerrilla kolektiboak Kursaaleko pantailarako sortutako Lurrazala site-specific obra bisualaren proiekzioa; eta Garazi Navas eta Manu Gaigneren "Sonografia Irudipenak - Urteaga" kontzertua, Tabakaleraren Topalekuak erakusketaren testuinguruan. Galeriek, bestalde, euren espazioetan izango diren ekitaldietarako gonbidapenak banatuko dituzte. Besteak beste kontzertuak, performanceak, solasaldiak, instalazioak…

Aurreko edizioetan bezala, obra erosketa sariaren deialdia egingo da, San Telmo Museoaren eta Kutxa Fundazioaren bildumek babestuta.

Hitzorduak

Osteguna, irailak 12

  • 17:00 - 21:00 - Galerietako erakusketen inaugurazioak
  • 17:00 - Ekain Arte Lanak: TAKE AWAY. Instalazioa / performancea NON STOP igandera arte (irailak 15). Berta Jayo, José Anievasen eta Amaya Dresneren lankidetzarekin
  • 19:00 - Cibrián: Yun Ping artistak performance bat egingo du
  • 20:30 - Hotaru Visual Guerrillaren Lurrazala lanaren proiekzioa Kursaalen

Ostirala, irailak 13

  • 16:00 - Bisita gidatuak gaztelaniaz Arteztu eta Ekain galerietan. Publiko orokorrarentzat.
  • 11:00 - Arteko Gallery: Artea aro digitalean: Tokenak eta artelanen ziurtapen digitala. Bildumagintza eta teknologia berriei buruzko topaketa ziurtapen digitaleko Bakarts enpresarekin eta Jaime de los Ríos artistarekin
  • 20:30 - Hotaru Visual Guerrillaren Lurrazala lanaren proiekzioa Kursaalen

Larunbata, irailak 14

  • 11:00 eta 16:00 – Lau bisita gidatu galeria guztietan barrena egunean zehar. Bi euskaraz eta bi gaztelaniaz. Publiko orokorrarentzat.
  • 11:30 - Arteko Gallery: Teknologia berriak artean gaiari buruz elkarrizketa Jaime de los Ríos artistarekin
  • 13:00 - Tabakalera: Garazi Navas eta Manu Gaigneren "Sonografia Irudipenak - Urteaga" kontzertua Topalekuak erakusketaren testuinguruan
  • 20:30 - Hotaru Visual Guerrillaren Lurrazala lanaren proiekzioa Kursaalen

Igandea, irailak 15

  • 11:00 - Bisita gidatuak euskaraz Cibrián, Arteko eta La Central galerietan. Publiko orokorrarentzat.
  • 12:00 - La Central Art Gallery: MUSIKA KOLORETAN performancea Iker Sánchez eta Eñaut Zubizarretarekin
  • 20:30 - Hotaru Visual Guerrilla Lurrazala lanaren proiekzioa Kursaalen

Erakusketak

Ekain Arte Lanak galerian

  • Izenburua: TAKE AWAY
  • Artista: Berta Jayo, Santander, 1971

Ekain galeriak Berta Jayo (Santander, 1971) diziplina anitzeko artista kontzeptualaren lana aurkeztuko du. Arte Ederretan lizentziatua da Euskal Herriko Unibertsitatean.

TAKE AWAY izenburupean bi instalazio aurkezten dira: horietako bat ekintza-instalazio bat IREKIAKen asteburuan, eta bestea, 24 argazki, adimen artifizialarekin sortutako fotomuntaiak eta prozesu digitalak.

Arteko Gallery gelarian

  • Izenburua: EXPAND3D: Formaren arazoa
  • Artista: Jaime de los Ríos, Donostia, 1982

EXAND3D multimedia lanen Formaren arazoa erakusketaren luzapen bat da. Lan horiek adierazpen piktorikoaren eta sorkuntza digitalaren arteko muga aztertzen dute, teknologia berrien eta paperezko obraren arteko elkarrizketak sortuz, NFT ziurtagiriekin.

Bere egite algoritmiko eta konputazionalaren bidez, Jaime de los Ríosek geometriaren oinarrizko elementuak erabiltzen ditu unibertso matematiko eta poetiko bat eraikitzeko, eta arrazoimenari eta poesiari buruzko bidaia autobiografiko batera gonbidatzen gaitu, bere algoritmo infinitu eta pintura digital ezagunen bidez.

La Central Art Gallery galerian

  • Izenburua: LILIK
  • Artista: Iker Sánchez, Irun, 1976

Iker Sánchez Silva artista plastiko eta musikariaren lanek kolore eta forma abstraktuen erabilera ausarta ezaugarri dute, eta musikarekiko lotura sakona islatzen dute, pinturaren bidez mugimendua eta emozioa agertuz.

Musikarako eta arterako bere pasioak uztartzeak konposizio dinamiko eta adierazkorrak sortzen ditu, bizitzaz eta kolorez beteak.

Arteztu galerian

  • Izenburua: DANTZA AMAIGABEA
  • Artista: Jose Zugasti, Eibar, 1952

Diziplina anitzeko erakusketa non egilea itsasoaren hizkuntza ezberdinak ulertzen saiatzen den… Forma eta kolorea, testua eta soinua Funtsean, oinarrizko zeinuen diskurtso baten instrumentuak dira… Non fluxua eta errefluxua betiko borroka kosmikoan kulunkan dabiltzan bere masa pisutsutik askatu eta istant batzuz hegan egin ahal izateko… Non poesia soilik herabeki azaleratzen den armonia anitz eta betierekoetan amestua…

Cibrían galerian

  • Izenburua: Bigarren bertsioa
  • Artistak: Itziar Bilbao Urrutia, Iñaki Garmendia eta Yun Ping
  • Komisarioak: Aimar Arriola eta weecolors

Cibriánek atsegin handiz aurkezten du Bigarren bertsioa erakusketa kolektiboa, Itziar Bilbao Urrutia, Iñaki Garmendia eta Yun Ping artisten lanekin osatua eta Aimar Arriola eta weecolors komisario dituena. Erakusketaren izenburuak –Bigarren bertsioa– aldaketaren eta transformazioaren ideiak iradokitzen ditu, prozesu batean forma desberdinak hartzeari buruzkoak. Zerbaitetara itzultzeko eta jarreretan tematzeko beharraren ingurukoak ere bai. Ideia horiek, aurreikusi gabe, hiru artisten lanean presente daude, eta erakusketan ageri da ezaugarri partekatu hori, esaterako, imajinario eta prozedura propioetara itzultzeko keinuan.

Galerien ordutegiak

  • Osteguna, irailak 12 - inaugurazioa 17:00 - 20:00
  • Ostirala, irailak 13 - ordutegi jarraitua 11:00 - 20:00
  • Larunbata, irailak 14 - ordutegi jarraitua 11:00 - 20:00
  • Igandea, irailak 15 - 11:00 - 14:00

Tabakalera

  • Izenburua: TOPALEKUAK
  • Artistak: Elena Aitzkoa, Josu Bilbao, Eduardo Chillida, Laia Estruch, Sheroanawe Hakihiiwe, Juf (Bea Ortega Botas eta Leto Ybarra), Christian Salablanca Díaz, Marianna Simnett.

Erakusketa honek Eduardo Chillidaren lanaren irakurketa egin asmo du, praktika artistiko garaikidetik abiatuta. Bere helburua testuinguru bat sortzea da, honako honen inguruan hausnartzeko: intuizioaren inguruan, bilaketa lanerako elementutzat hartuta, tokiarekiko loturaren inguruan, eta beste ezagutza modu sentikor eta sentsorialago batzuen inguruan, lan-metodologiatzat hartuta. Proiektu honetan Chillidaren obra eta idatziak abiapuntu bihurtzen dira elkarrizketarako, hausnarketa zabalagoei bide emateko "mundua sortzeko" moduaren inguruan.

Tabakalerako erakusketen ordutegia

Ostegunetik igandera - 12:00 - 14:00 / 16:00 - 20:00

Kursaaleko proiekzioaren ordutegia

Ostegunetik, irailak 12, igandera, irailak 15, arte. 20:30 - 22:00.




guillaume-fauveau

Guillaume Fauveau

Guillaume Fauveau

DIDAM (Baiona, Lapurdi)

Du 24 Janvier 2025
Au 23 Mars 2025

greet-strangers

greet strangers

Kate Newby

Cibrían (Donostia, Gipuzkoa)

Du 05 Décembre 2024
Au 22 Février 2025

ukitu

Ukitu

Maider López

Tabakalera (Donostia, Gipuzkoa)

Du 24 Octobre 2025
Au 07 Février 2026

figural

Figural

Gabriel Coca

Iruñeako Zitadela (Iruñea, Nafarroa)

Du 24 Janvier 2025
Au 23 Mars 2025

synthese

Synthèse

Exposition collective

L'Angle (Hendaia, Lapurdi)

Du 22 Janvier 2025
Au 16 Février 2025

emakumea-ijitoa-eta-margolari-abangoardista-frankismoan

Emakumea, ijitoa eta margolari abangoardista frankismoan

10 Fév. | Garbiñe Ubeda [BERRIA.eus]

Mari Paz Jimenezek euskal artearen historian merezi duen tokia aldarrikatzea du helburu 'Misterioa argitzea' haren atzera begirako erakusketak. Abstrakzioaren aitzindari eta margolari informalista izan zen, besteak beste.

gonbita

Gonbita

06 Fév. | Haizea Barcenilla [BERRIA.eus]

Ziur nago ez dakizula, baina aurten Maria Paz Jimenezen urteurrena ospatuko dugu. Orain 50 urte, diktadorearen urte berean, hil zen frankismo garaiko euskal pintorerik garrantzitsuena.

agerikoegi

Agerikoegi

06 Fév. | Garazi Ansa [BERRIA.eus]

'Metralla zauriak' | Artista: Veronica Domingo-Alonso. | Noiz: 2025eko urtarrilaren 24tik 2025eko martxoaren 16ra arte. | Non: Montehermoso, Gasteiz.

gasteizko-amarika-erakusketa-aretoa-itxiko-dute

Gasteizko Amarika erakusketa aretoa itxiko dute

30 Janv. | Edurne Begiristain [BERRIA.eus]

Arabako Foru Aldundiak jakinarazi du "gogoeta sakon" baten ondorioz hartu duela erabakia. Aurrerantzean, ekintzailetza eta berrikuntza zentro bilakatuko dute.

bidezidorrak

Bidezidorrak

30 Janv. | Jone Rubio Mazkiaran [BERRIA.eus]

'EGITURAZKO POBREZIA' | Artistak: Ariana Rac, Itxaso Diaz, Itzal Garcia, Gezus Ramirez, Txaro Arrazola, Lucia Jaio, Zaloa Ipiña eta Zirikar. | Non: Monehermoso kulturgunean, Gasteizen. | Noiz arte: otsailaren 2ra arte.

labea-aretoa-arte-instalazioen-nazioarteko-i-lehiaketa

"Labea Aretoa" Arte-Instalazioen Nazioarteko I. Lehiaketa

| 29 Janvier 2025

AEDAS Homesek "Labea Aretoa" Arte-Instalazioen Nazioarteko I. Lehiaketa jarri du abian. Lehiaketaren ardatz nagusia hiriko Ziudadela ezagutarazi eta zabaltzen laguntzea da, Ziudadelako Labea Aretoa zehazki, arte garaikidea eta esperimentala sustatzearekin bat.

erakusketa-aretoak

Erakusketa aretoak

29 Janv. | Ismael Manterola Ispizua [BERRIA.eus]

Bilboko Rekalde aretoak bere ateak zabaldu ditu berrikuntza lan handiak egin ondoren. Beste garai eta testuinguru batean zabaldutako arte aretoak (Guggenheim museoaren garaia baino lehen) norabide eta helburu ezberdinak izan ditu azken 30 urteotan.

rekalde-aretoak-datorren-astelehenean-zabalduko-ditu-ateak-berriro

Rekalde aretoak datorren astelehenean zabalduko ditu ateak berriro

24 Janv. | Beñat Mujika Telleria [BERRIA.eus]

Berritze lanen ondorioz, hainbat hilabetez egon da itxita Bilboko gune artistikoa, eta sarrera berria izango du hemendik aurrera, Iparragirre kalean. Inaugurazioa dela eta, hamabi eguneko programazio berezia antolatu dute.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'Åöuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).