Erakusketak mendiaren irudikapen fotografikoa eta haren sinbolismo anitzak aztertzen ditu, Mendebaldeko tradizio bisualean errotutako arketipoak berrikusiz eta gure paisaiaren pertzepzio kulturalak zalantzan jarriz. Boisierrek paisaia menditsuaren inguruko irakurketa anitz eta irekia proposatzen du, artxibo historikoak eta sorkuntza garaikidea uztartuz.

Proiektuak La Araucanía, Bizkaia eta Asturiasko mendien arteko elkarrizketa proposatzen du, eta gai hauek jorratzen ditu: igoera, isiltasuna, gelditasuna, akatsa eta lekukotza. Artistak, bere irudiak eta Gerediaga Elkartea (Durango) eta Muséu del Pueblu d'Asturies (Gijón) bildumetatik jasotako argazkiak uztartuz, artxiboaren eta gaur egungo sorkuntzaren arteko zubia sortzen du.