Bogolanfiniaren herentzia. Maliko emakumeen legatua, Ezinbesteko Afrika Iruñeko Udaleko Kultura Alorrarekin elkarlanean antolatutako erakusketa da.

Bogolanaren munduari buruzko erakusketa monografikoa da. Tindagai naturalez eta buztinez oihalak tindatzeko teknika da Bogolana. Antzinatik gaur egunera, Bamanan emakumeak omentzen ditu, jatorrizko teknikaren eta hizkuntza sinbolikoaren aitzindariak, eta argazkiak eta taafe oihalak beren sinbologiarekin erakusten ditu. Ibilbideak gaur egungo Bogolanera garamatza arte garaikidearen, artisautza komertzialaren, modaren, zinemaren eta dekorazioaren bidez.

Komisariotza: Irene López de Castro (Malin aditua den espainiar margolari eta idazlea. Bogolanari buruzko hainbat erakusketatan komisario izandakoa)

BOGOLANFINI bamanan hitza da: Bogo buztina, lan emaitza, fini oihala. "Oihalaren gaineko lokatzaren emaitza" esan nahi du. Gaur egun, BOGOLAN hitza Maliren nortasun kulturalaren sinonimoa da, eta haren sinboloek inspirazio iturri gisa balio dute mundu osoan.

Erakusketak bogolanaren jatorrira eta teknikara garamatza, antzinako taafeetatik (emakumezkoen oihala, pareo estilokoa) abiatuta, eta "buztinezko pinturak" arte garaikidean, artisautza komertzialean, formazioan, dekorazioan, zineman eta modan izan duen bilakaera erakusten du.

Ezinbesteko Afrika irabazi-asmorik gabeko 8 erakundek osatutako partzuergoa da: Bakerako Lankidetza Batzarra, Felipe Rinaldi fundazioa, Medicus Mundi, Ojos del Mundo fundazioa, Oxfam Intermon, Proclade Yanapay, SED (Elkartasuna/Hezkuntza/Garapena) eta TAU fundazioa. 2025ean 25. edizioa ospatuko dute eta, erakusketaz gain, egitarau zabala antolatu dute.