Maite dituen unibertso anitzen artean, Irène Jonas-ek bereziki gogokoa duen horietako bat gure itsas bazterrarena da. Itsasoa eta lurra elkartzen diren tokian, itsasgora eta itsasbeheraren arteko muga aldakor batean, agerian geratzen diren hondartzen eta ekaitzek urpean hartzen dituzten itsasertzen artean. Eta batzuetan, uhinaren azpian bertan ere bai.

Irène Jonas

1958an jaioa, Paris-en eta Le Guilvinec-en (Bretainia hego mendebalde muturrean) bizi da. 2016az geroztik Révélateur agentziako kidea da. Soziologo eta argazkilari lanen bidez, idazketa eta irudia beti egon dira presente bere bizitza profesionalean. Hala ere, idazketa soziologikotik eta argazki-erreportajetik askatu da, adierazpen pertsonalerako forma garatu ahal izateko. Azken hamar bat urteotan, bere ikerketa pertsonala eta artistikoa argazkigintza plastikoaren aldera bideratu du, bereziki argazki-kopien gainazalean pintura gehituz. Paradoxikoki, bere argazkien gaineko estaldura piktoriko horretan, eskuzko manipulazioan, agerian geratzen da arkeologia intimo bat. Horrela, formak bat egiten du bere galderen funtsarekin; galdera horiek, azken batean, gureak ere bihur daitezke.