artekaria

Euskal Herriko
Artearen ataria

erakusketak

Trashumantes #3

Erakusketa kolektiboa

2026ko Maiatzaren 07tik
2026ko Ekainaren 04ra

trashumantes-3

Amurrio eta Laudiotik igaro ondoren, Trashumantes proiektu ibiltaria Zigoitiko Gizarte eta Kultura Zentrora iritsi da.

Zas Kulturrek sustatuta, Trashumantes mugikortasunean eta lurraldearekiko egokitzapenean oinarritzen da. Ez da areto handietarako edo guztiz ekipatutako espazioetarako pentsatutako erakusketa. Oinarrian dagoen premisa da Arabako udalerri askok badituztela kultura-espazio aktiboak, baina ez beti azpiegitura expositibo konplexuak. Egoera horren aurrean, proposamenak ideia argi bat planteatzen du: artea espazioetara egokitzea.

Erakusketa auto batean bidaiatzeko diseinatuta dago. Lan guztiak maleta batean garraiatzekoak dira, eta maleta hori bera ere erakusketaren parte da. Ez da elementu logistiko hutsa, baizik eta lan egiteko modu baten adierazpena: mugikortasuna, baliabideen ekonomia eta eskalara egokitzea. Muntaketa bakoitza espazioaren arabera berrantolatzen da, arkitekturarekin, neurriekin eta testuinguruarekin harreman zuzena ezarriz.

Iaz abian jarritako edizio honetan Arabarekin lotura duten artistek dute parte hartzen: Natalia Albeniz, Zirika, Marcos Ramos, Dorleta Ortiz de Elguea, Miriam Isasi, Anabel Quincoces eta Zigor Urrutiak. Hautaketak hizkuntza eta formatu askotariko lanak biltzen ditu, hasieratik zirkulaziorako pentsatuak: desmuntatu, garraiatu eta testuinguru berri bakoitzean berraktibatu daitezkeen piezak. Erakusketak ez du espazioa menderatu nahi; aitzitik, harekin doitzen da eta haren baldintza materialekin eta eskalarekin elkarrizketa zuzena ezartzen du.

Trashumantesek izaera irekia mantentzen du. Arabako edozein udalerri edo kultura-espaziok eska dezake erakusketa hartzea, arte garaikidearen zirkulazioa sustatuz eta lurraldeko lankidetza-sareak indartuz.

Proiektuak Eusko Jaurlaritzaren, Arabako Foru Aldundiaren eta udal erakundeen babesa du, eta horrek aukera ematen du kultura-jarduera deszentralizatzeko eta testuinguru ezberdinetara egokitutako programazioa garatzeko.

trashumantes-3

Zigoitiko Kultur Zentroa | Bengolarra Kalea, 1a, 01138 Ondategi - Ondategi (Araba)

Xehetasunak
Astalehenetik ostiralera: 10:00-13:00 / 16:30-20:00


Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.