Dan Flavin: Argi apur bat erakusketak 1960ko eta 1980ko hamarkada bitartean artistak landutako obraren handitasunean sakontzen du. New Yorkeko Guggenheim Museumen Panza Bildumako funtsetako hogei pieza handi baino gehiago biltzen ditu, hiri bereko Dia Art Foundationen mailegu garrantzitsuekin batera.

Erraz eskuratzeko moduko material industrialen soiltasunak, oinarrizko formetan jarritako enfasiak, eta ikusleak espazioarekiko bizi duen esperientziari jartzen zion arretak minimalismoaren funtsezko figura bihurtu zuten Flavin.

Erakusketako lanik nabarmenenen artean daude Flavinen lehenengo hesia, berdeak berdeetan zehar (Piet Mondrian berdegabeari) [greens crossing greens (to Piet Mondrian who lacked green)], 1966eta aretoa alderik alde hartuta espazioa kolorez blaitzen duen argi fluoreszente urdin, gorri eta urdinezko hesi artifiziala (Flavin Starbuck Juddi) [an artificial barrier of blue, red and blue fluorescent light (to Flavin Starbuck Judd)] (1968).