Marie Garayri eskaini erakusketa, 2022an antolatutako Léon Bonnat, margolari duela ehun urte erakusketari kontrapuntuan, euskal jendartea moldatu duten emazteei eskaini zikloaren bigarren atala da. Zientzia eta Kultura Egitasmoan sartzen da, gure museoko bilduma biziarazten duten erakusketa-tematikoen baitan. Joan den urtean abiatu zen Eugénie de Montijori eskaini erakusketa batekin:Aldare bat Eugeniarentzat,bere bizi "pribatua" Biarritzen, 1848 eta 1870 artean aurkezten zuena.Ondotik etorriko dira beste maila goreneko emazte eta artista batzuk, Euskal Herrian arteen eta jendarteko biziaren beste ikuspegi batzuk garatzeko izan duten eragina dela-eta.

Marie Garay (1861-1953)Baionako auzo-herria den Hiriburuko senide askotako famili pobre batean sortu zen. Haren aita errienta zen eta hortik datorkio arteei erakutsi irekidura, alabei eman dien heziketaren ondorioz.Baionako Eskolako artista margolari emazte bakarra zen Marie Garay. Léon Bonnat eta Achille Zo biziki goiz ohartu ziren honen trebetasunaz. Azken hau Baionako Hiriari zuzendu zitzaion artista gazteari Parisen Carolus-Duran emazteen atelerian ikasketak bukatzeko (1880tik 1884ra) diru laguntza bat eman diezaion, Arte ederretako eskola ez baitzitzaien emazteei irekia.