Izenburua, "leihoa" esan nahi du arabieraz, metafora bat da eskualde horrekin partekatzen ditugun harreman historiko eta kulturalei buruzko ikuspegi berriak zabaltzeko.

Migrazio-prozesuen ondoren sortzen diren identitatearen eta pertenentzia senaren konplexutasuna du aztergai, eta arreta berezia jartzen du estatuen memoria ofizialaren eta ahozko memoriaren edo memoria pertsonalaren arteko kontrastean, sarritan testuliburuetatik kanpo geratzen diren historiak berreskuratzeko. Programa hau ikuspegi kulturaletik landu da, erresistentzia sortzaileari tresna gisa balioa emanda, prozesu historiko horien kronologia eta errealitatea kontatzeko modua osatzen duten iruditeriak birdefinitzeko.

Topagune, ikustaldi eta eztabaidagune honen programazioa antolatzeko, Tabakalerak hainbat eragile kultural eta kolektibo gonbidatu ditu, gai hauei berariaz heltzen dieten ikus-entzuneko proposamenak erakutsi ditzaten. Lan horietan honako hauek parte hartzen dute: Sarah Mounia Kachiri (Film w Glissa kolektiboa) eta Rim Mejdi (SAAED Meetings) komisario eta zinemagileak; Elías Querejeta Zine Eskolaren "C3: Lerrokatu gabeko zinema-artxiboak" ikerketa-proiektuak, Léa Morin buru dela; Fermin Muguruza musikari eta zinemagileak; eta Donostiara iritsi berri diren gazteen Harrotu Ileak kolektiboak, Nabil Aniss artistarekin eta Lucía Feuillet artxibozainarekin lankidetzan.

Nāfidharen osagarri, filmak, artxiboko materialak, lantegiak eta hitzaldiak eskaintzen dira, Afrikako testuingurua ondo ezagutzen duten artista, kazetari eta adituen eskutik.