Laugarren erakusketa hau Gernikako Bakearen Museoaren eta MHLI (Memoria Historikoa Iberiar Literaturetan) ikerketa-taldearen artean antolatu da, eta Verónica Domingo Alonsoren instalazioa aurkezten du.

Bilbotik Gernikara. Desmemoriaren bideak ikerketa eta ekoizpen plastiko proiektu bat da, non arteak zubi lana egiten duen Bizkaiko Memoria Historikoa berreskuratzeko.

Denboraren igarotzeak Espainiako Gerra Zibilaren arrastoak desagerrarazten dituen lurralde batean, erakusketa honek gure iraganeko gertakariak errespetuan oinarritutako esperientzia estetiko bilakatu nahi ditu. Erakusketako obrak errealitatearen eta bizi gabeko memoriaren arteko dualtasunean antolatzen dira, bitartekoen bidez jasotako oinordetza moduan, errelatoari bizi-subjektibotasun geruza bat emanez. Fusio honek ikuslearen hautematea aberasten du, erregistro historikoak isilduak edo suntsituak izan diren hutsune horiek arteak bete ditzan ahalbidetuz, presentzia itzuliz denborak ezabatu nahi izan zuenari.

Erakusketak babesleku antiaereotan jartzen du arreta, ikusezintasun eta ahanztura sistematiko egoera batek ezaugarritzen dituen defentsa pasiboko guneetan. Ezkutua ikustarazteko nahiak arkitektura beliko hauek argitara ematea ez ezik, iragana eta oraina lotuko dituen konexio bat ezartzea ere bilatzen du.