Basterretxea-Oteiza. Espazioaren arazoa erakusketa. Erakusketak Néstor Basterretxea (1924-2014) eta Jorge Oteiza (1908-2003) artisten arteko harreman artistiko eta pertsonala aztertzen du. Biak funtsezko protagonistak izan ziren XX. mendearen bigarren erdialdeko artearen berrikuntzan.

Erakusketak bi sortzaileen ibilbide partekatuari buruzko begirada berria proposatzen du, 80 obra, jatorrizko dokumentu, argazki zein argitaratu gabeko materialen bidez. Ibilbidean zehar, haien arteko harremana markatu zuten hainbat proiektu eta gertakari ezagutzeko aukera dago. Harreman hori kidetasunek eta desadostasunek ezaugarritu zuten, baita artearen, kulturaren eta haren funtzio sozialaren inguruko eztabaidek ere.