66–76–26 instalazioa Guggenheim Bilbao Museorako propio sortua da eta Wild is the Wind kantaren bi grabazio enblematiko biltzen ditu: Nina Simonek 1966an egin zuen interpretazioa eta David Bowieren 1976ko bertsioa, biak a capella.

Steve M^cQueen (1969) Londres eta Amsterdam artean bizi den artista, zinemagile eta gidoilaria da, eta gai pertsonalak zein kolektiboak aztertzen ditu mugimendudun irudien bidez. Emozio konplexuak narratiba zehatz eta minimalistetara eramateko daukan gaitasunagatik da ezaguna, eta esan izan du "nor bere buruaz, gorputzaz eta arnasaz erabat jabetzera behartzen duten egoeretan" jarri nahi duela publikoa. Bere obrak ikusteko baldintza fisikoak —proiekzioaren eskala, soinua, argia nahiz ikuslearen eta espazioaren arteko harremana— ingurunea bera bezain garrantzitsuak dira M^cQueenen lanean, eta horrek izaera eskultoriko nabarmena ematen dio haren arteari.

Aretoa: 105

Komisarioa: Lekha Hileman