LANBROAN Enkarterriko artista gazteen elkarteak, 2026 eta 2027 artean burutuko den erakusketa ziklo bat antolatu du. Myriam Gesalagaren erakusketak, [L]URTU, hasiera emango dio zikloari irailean.

Myriam Gesalaga (Zarautz, 1987), Paisaia Grafikoaren nozioan murgilduta, paisaiaren esparruan egon daitezkeen oinarri grafikoen irakurketak proposatzen ditu. [L]URTU paisaia definitzen duten elementu batzuen abstrakzio formalaren bidez eraikitzen da: ura eta lurra. Erakusketan dauden piezak, teknika grafikoetan eginak, formatu handiko serigrafia batez ere, aurretik sortutako serie-zatietatik abiatzen dira.

Erakusketaren ordutegia:

Irailak 9-20: asteazkenetik igandera ikusgai Zallako Krisol Aretoan, 10:30-13:30 eta 16:30-19:00 ordutegiarekin.

Irailaren 11n, ostirala, 18:00etan Myriam Gesalaga egilearekin topaketa informala ospatuko da bertan, non artistak bere obra eta prozesuari buruz hitz egingo duen.

Sarrera doakoa da.