Mundua gudu-zelai bat al da?

Mundua gudu-zelai bat al da? arte garaikideko erakundeen eta munduko arma-industriaren artean dauden lotura finantzario eta politiko ezkutuak eta sakonki uztartuak aztertzen ditu.

Data: 2013. Iraupena: 39'53". Bi bideo-kanalez osatutako instalazioa Instalación formada por dos canales de vídeo

NOVEMBER. 2014.

25'19''. Kolorea, txuri-beltza. Soinua.

November-en, Hito Steyerlek aztergai du irudiek iraultzan duten eginkizuna, eta Andrea Wolfen ibilbidea kontatzen du, Turkian kurduen askapen mugimenduarekin bat egin zuen laguna. Obrak uztartzen ditu telebista kurduaren irudi dokumentalak, bi lagunek nerabeak zirenean filmatu zuten film amateur baten eszenak, Bruce Leeren filmen zatiak eta Steyerlen beraren narrazioa. Hainbat gai jorratzean –besteak beste, generoa altxamendu politikoetan eta protestaren estetika–, pieza honek ezarri zuen Steyerlen ondorengo lanaren ildoa.

Museo Reina Sofiaren lagapena.

Hito Steyerl

Artista bisuala, zinema-zuzendaria eta saiakeragilea. Duela urte batzuetatik komunikabideen arloan eta irudien zirkulazio masiboaren analisian jarduten da. Filosofian doktorea da Vienako Unibertsitatean, eta Arte eta Baliabide Berrien irakaslea Berlingo Unibertsitatean. Bere saiakera idatziek nahiz ikus-entzunezkoek feminismoa, indarkeria politikoa eta teknologia digitalak lantzen dituzte, besteak beste. Gai horiei ironiaz baliatuta eta beste batzuen ikus- eta testu-materialez jabetuta heltzen die. Artista eta dokumentalista gisa, munduko hainbat lekutako biurtekoetan parte hartu zuen, eta bere obra arte garaikideko bilduma eta museo nagusien parte da. Bere saiakeren artean, honako hauek nabarmentzen dira: Los condenados de la pantalla (2014) eta Arte Duty Free (2018) eta Medios calientes. Las imágenes en la era del calor (2025), Caja Negra argitaletxeak argitaratuak.