artekaria

Euskal Herriko
Artearen ataria

aktualitatea

Iruñeko Topaketen irekiera aurreratu bat, laurehun ikasleren "begiradek" osatutako erakusketa batekin

Topaketen Eskola programaren harira hamahiru ikastetxetan eginiko tailerretako esperientziak bildu dituzte, eta Kondestablearen jauregian dira ikusgai. Landutako gaiek lotura zuzena dute biurtekoaren aurtengo egitarauarekin; etzi (urriak 2) hasiko da ofizialki.

iruneko-topaketen-irekiera-aurreratu-bat-laurehun-ikasleren-begiradek-osatutako-erakusketa-batekin
Iruñeko Topaketen Eskola egitasmotik abiatuta Kondestablearen jauregiko patioan jarritako erakusketa, inaugurazio egunean. JAGOBA MANTEROLA / FOKU

Uxue Rey Gorraiz [BERRIA.eus]
| 2026ko Urriaren 1a

Ez guztien begien bistara, baina, aurten, udaberria ailegatzerako ere batzuk hasiak ziren aurtengo Iruñeko Topaketen fruituak biltzen. Ofizialki, ostiral honetan abiatuko da bi urtean behin 1972ko Arte Topaketak gogoratzeko hirian egiten duten programazioa, eta, hilaren 12ra bitarte,dozenaka solasaldi, musika emanaldi eta arte instalazio dituzte antolatuak hirian barna. Ordea, ez da ordura arte itxaron beharrik dardara artistikoaantzemateko, festibalaren irekiera ekitaldirako bi egun falta direla zabaldu baitute haren babesean ondu dituzten erakusketetako bat. Topaketen Eskola izeneko programatik tiraka ondutako mostra da zehazki, Kondestablearen jauregian dago ikusgai, eta iragan martxotik ekainera Nafarroako hamahiru ikastetxetan eginiko arte tailerretan du sorburua. Udaberri betean, alegia.

Topaketen Eskola antolatu duten hirugarren aldia izan da aurtengoa. Erakusketaren komisario Garbiñe Ortegak zehaztu gisara, guztira 403 haur eta gaztek parte hartu dute, eta, hortaz, haien guztien "begiradak" jaso dituzte. Haur Hezkuntzako, Lehen Hezkuntzako eta Batxilergoko ikasleak dira, Nafarroako ikastetxe publikoetakoak guztiak, eta landa eremuko zentroetakoak asko: hala nola Eloko Santa Barbara eskolakoak, Iruritako Herri Eskolakoak, eta Pitillasko, Beireko eta Uxueko eskoletakoak.

Gainera, Zubiriko Gloria Larrainzar ikastetxeak ere parte hartu du aurten, eta, hain zuzen, zentro horretako hainbat ikaslek lagunduta egin dute mostraren aurkezpena gaur Iruñean, Ainhoa Artxanko irakaslea ere haiekin zela, besteak beste.

Iruñeko Topaketek landa eremuko ikastetxeei zabaldutako aukera eskertu die Artxankok antolatzaileei, baina, orobat, zentrook kultur programetarako eta oro har kultur jardueretarako daukaten sarbideari buruzko diagnostiko mikatz bat ere plazaratu du, zorrotz. Kasurako, nabarmendu duenez, "adierazgarria" da haren ikasleetako batzuentzat oraingo hau izatea Kondestablearen jauregian izan diren lehenbiziko aldia, eta, hala, iradoki du dauzkaten baliabideak ez zaizkiela aski.

Ibilbideetan barna eskolara

Nolanahi dela, orain Topaketen Eskola programaren bitartez ikasleek izandako esperientzia "guztiz aberasgarria" izan dela nabarmendu du Zubiriko irakasleak. "Balio izan digu ikasleei erakusteko artistak bizirik daudela, are hezur-haragizkoak direla, ez direla soilik liburuetan dauden horiek", kontatu du. Mirari Etxabarri eta Marina Lameiro artistak aipatu ditu orduan. Haiek gidatu zituzten ikasleentzako tailerrak Zubirin, eta haiekin eginiko lanaren erakusle da erakusketa bera orain, besteak beste.

Indar ikusezinak izeneko tailerra gidatu zuen Etxabarrik. Aprobetxatuta haren taldean aritzekoak ziren ikasleek eguzki sistemari buruzko eskolak hartuak zituztela, unibertsoari erreparatu zion hark ere ikastarorako. Gorputz mugimenduekin, batetik, eta arte plastikoei loturikoak diren beste teknika batzuekin, bestetik, "unibertsoan elkarri loturik" diren elementuei begira jarri zituen haurrak. Gainera, Iruñeko Topaketen egitarau nagusian jorratuko den ibilbideetako bati ere egiten dio keinu tailer horrek:Zergatik eraiki gara horrela?.

Izan ere, hau da eskolekin elkarlanean ondutako proiektuaren beste helburuetako bat: festibalean lantzen diren ardatz batzuk egokiturik eramatea eskoletara. Etxabarrik egin bezala, adibidez, antzera jardun zen Lameiro ere, eta Zinema, amore ematen ez duen irudia ibilbidea eraman zuen gidatutako tailerrera; Maite Arroitajauregi Mursegok Izan ginen ahotsak ibilbidea izan zuen abiapuntu Barañaingo Alaiz institutuan Soinua soinean izeneko ikastaroa diseinatzeko, eta hari berari begiratuta aritu ziren, preseski, Peru Galbete eta Xabier Erkizia ere; Iruritan bata, eta Lizarran bestea.

"Esperimentazioa guztiz erdigunean izan da prozesuan, asmoa ez baitzen artista bat eskolara joatea eta arte garaikideari buruzko zerbait esplikatzea"

GARBIÑE ORTEGA Erakusketaren komisarioa

Erakusketa urriaren 18ra arte izanen da zabalik Iruñean, astelehenetik ostiralera, goizez eta arratsaldez. Garbiñe Ortegak, gainera, gonbita egin du ikasleek sorturiko piezei ez ezik aretoan barna paratutako argazki bildumari eta ikus-entzunezko laburpenari ere erreparatzeko. "Esperimentazioa guztiz erdigunean izan da prozesuan, asmoa ez baitzen artista bat eskolara joatea eta arte garaikideari buruzko zerbait esplikatzea; jolasa, pentsamendua eta esperimentazioa izan dira gure ezinbesteko zutabeak. Orain, bideoak eta argazkiak ikusita ere agerian gelditzen da hala gertatu zela".

web

Web

Mona Hatoum

Iruñeako Zitadela (Iruñea, Nafarroa)

2026ko Urriaren 01etik
2026ko Azaroaren 15era

fontana-n-3

Fontana nº 3

Susana Solanoa

Iruñeako Zitadela (Iruñea, Nafarroa)

2026ko Urriaren 01etik
2026ko Urriaren 12ra


erretratu-intimoa

Erretratu intimoa

Pilar Belzunce

Txillida leku (Hernani, Gipuzkoa)

2025eko Ekainaren 05etik
2026ko Abenduaren 26ra

ever-is-over-all

Ever is Over All

Pipilotti Rist

Guggenheim Bilbao (Bilbo, Bizkaia)

2026ko Urriaren 01etik
2027ko Urtarrilaren 17ra

itsasoaz-haraindiko-ikuspegiak

Itsasoaz haraindiko ikuspegiak

Patricia Phelps de Cisneros Bilduma

Arte Ederren Bilboko Museoa (Bilbo, Bizkaia)

2026ko Urriaren 06tik
2027ko Urtarrilaren 21era

xabier-morras

Xabier Morrás

Kubo Kutxa aretoa (Donostia, Gipuzkoa)

2026ko Urriaren 23tik
2027ko Otsailaren 07ra

bloke-eta-malda

Bloke eta malda

Julen Agirre Egibar

La Taller (Bilbo, Bizkaia)

2026ko Urriaren 03tik
2026ko Abenduaren 04ra

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 2026ko Azaroaren 20a

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 2026ko Azaroaren 20a

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 2026ko Azaroaren 20a

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 2026ko Azaroaren 13a

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 2026ko Azaroaren 12a

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 2026ko Azaroaren 12a

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 2026ko Azaroaren 4a

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 2026ko Azaroaren 4a

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.