artekaria

Euskal Herriko
Artearen ataria

erakusketak

No pasarán

Matthias Malefond

2026ko Azaroaren 20etik
2027ko Urtarrilaren 24ra

no-pasaran

"Erakusketa honetan, Uharteko Zentroko Kometak nire egonaldian sortutako lanen sorta bat dago: instalazio bat, album bat eta bideo bat.

Euskal musika tradizionalari buruzko ikerketa batetik abiatuta gauzatu da egitasmoa, batez ere ahotsean eta klarinetean oinarrituta. Peru Galbeterekin egindako grabaketak eta Amaren Alabak taldearen grabazio bat tartekatu ditut neure grabazioekin, ehundura elektronikoekin eta nire egonaldian aurkitu nituen paisaietan jasotako hotsekin.

Musika da eraldatzen duen, gainjartzen den eta dabilen materiala.

Ikerketa hau egurrez, oihalez, argazkiz, metalez eta zinta magnetikoz osatutako instalaziora hedatzen da. Eskulturan ageri diren gaiak, errepikapenak eta bukleak islatzen dira musikaren bidez garatutako egituretan.

Abiapuntutzat Espainiako paisaian aurkitutako elementu bat hartzen du bideoak: magnolia. Zuhaitz hau, lekuz aldatua eta beste ingurune batzuetan txertatua, paisaiari, haren eraketari eta gure ikuskerari buruz pentsatzeko era bat da. Musikak, orduan, irudiak besterik gabe lagundu ordez, horiek eten eta aldatzen ditu.

Interes komun batek lotzen ditu hiru lanak: errepikatzea, lekuz aldatzea eta eraldatzea. Soinua material espazial bihurtzen da, irudia konposatzeko elementu bat, eta eskultura forma horiek dabiltzan espazio."

— Matthias Malefond

Erakusketa hau Etxepare Euskal Institutuak, Zebra3k eta Huarte Arte Garaikideko Zentroak sustatutako Kometak egonaldi programaren baitan kokatzen da.

no-pasaran

Iruñeako Zitadela | Armadaren etorbidea - Iruñea (Nafarroa)

Xehetasunak
Asteartetik larunbatera: 11.30 - 13.30 / 18.00 - 20.30.
Igande eta jaiak: 11.30 - 13.30


Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.