Sekzioak / Intersekzioak
2022ko Irailaren 08tik
2023ko Urtarrilaren 22ra
2022an 25 urte betetzen ditu Guggenheim Bilbao Museoak eta, urteurrena ospatzeko, areto guztiak hartzen dituen erakusketa handi bat antolatu du Bildumako lanekin. Erakustaldia triptiko handi baten moduan dago taxututa, elkarrekin hartu-emanean diharduten hiru gairen inguruan egituratuta. Museoaren barrualdea eta kanpoaldea historikoki definitu dituzten obrak bestelako argitan behatu ditzake horrela ikusleak. Eraikineko solairu bakoitzean Bildumaren atal bat dago aurkezgai: Sekzioak/Intersekzioak. Bizitza materiala, 105. aretoan [irailak 8]; Narratibagintza, bigarren solairuan [urriak 19]; eta Historiaren mugarriak, hirugarrenean [irailak 20]. Hiru gai horiek ardatz hartuta, sortu zenetik gaur egun arte Museoak eskuratu dituen funtsen ikuspegi panoramikoa eskaintzen du, lehen aldiz, erakusketa-triptiko honek. Halaber, 25. urteurrenaren ospakizunaren baitan, Yayoi Kusama artistaren instalazio berezi bat dago ikusgai 103. aretoan [urriak 19].
Komisarioak: Lekha Hileman Waitoller, Manuel Cirauqui, Geaninne Gutiérrez-GuimarÀƒÂ£es, Lucía Agirre, Maite Borjabad
El Anatsui | Itsaso gorakorra (Rising Sea), 2019 | Aluminioa eta kobrezko haria | 800 x 1400 cm | Guggenheim Bilbao Museoa
Guggenheim Bilbao | Abandoibarra Etorb., 2 - Bilbo (Bizkaia)
Xehetasunak
Ekainaren 17tik irailaren 22ra: 10:00 - 20:00 egunero
25. urteurreneko ospakizunak alderik alde hartu du Guggenheim museoa
Urr. 19 | Iñigo Astiz [BERRIA.eus]
Eraikin osoa hartzen duen erakusketa bakar erraldoi bat zabalduz ospatu du mende laurdeneko ibilbidea Bilboko Guggenheim museoak. Haren funtsen parte diren 110 lan inguru jarri ditu ikusgai horretarako.