• Astearteetik ostiralera: 11:00 — 19:00
• Larunbata: 11:00 — 14:00

Elur-maluta ez da inoiz erortzen okerreko lekuan.

Ilunabarra da. C Erdi Aroko kale estuetan barrena doa, uretara bidean, geldiezina eta erabat ekialderantz. Garaikidetu dezagun. Kaltzada zahar apurtuek kafetegiz jositako hiribide dotore bati lekua uzten diote, bertan Red Bull koktelak, ardo zuriko esprizeak eta kafesnea pastel lehorrarekin zerbitzatzen dutela. Uda da. C murgiltzen da, turisten zurrunbilo handian. Hainbat estilotako zubiak daude ibai gaindi: zubi arrunt bat autoentzat, zubi eseki bat afera-oinezkoentzat, beste bat autoentzat, burdinazko zubi zahar bat giltzarrapo heterosexualez apaindua, beste bat autoentzat, gero art déco bat, trenbide-zubi bat eta, azkenik, konexiorik gabeko berdegune zabal bat. Azpian dago Europako datu-banku handiena eta seguruena. Gaizki portatzen den edozein tokitatik urrun, eremua zainduta dago eta ia debekatutako Viridian bat bezala dizdiratzen du. Patinatzaileak, spikeballeko jokalariak eta segurtasun-kamerak daude. Begi gorriak dir-dir egiten dute.