Ostertzaz gaindi
Giovanni Anselmo
2024ko Otsailaren 09tik
2024ko Maiatzaren 19ra
Giovanni Anselmo (Ivrea, Italia, 1934), Arte Povera mugimenduko kidea bera, hirurogeiko hamarkadako belaunaldikoa da, bai adinez, bai konbikzioz. Hamarkada horrek corpus sendo eta homogeneoa ekarri zuen kontzeptuari dagokionez; zalantzan jarri zuen aurrerapenaren ideia arrazionalista, eta sormenari lotutako hurbilketak beren osotasunean berreraikitzen eta berrikusten saiatu zen. Ezegonkortasuna, ausazkotasuna, indeterminazioa, interdependentzia eta konplexutasuna bezalako kontzeptuek behin betiko eragina izan zuten diziplina guztien oinarrietan. Gizakiak paisaia taxutzen duen behatzaile bereizia izateari utzi zion; aitzitik, paisaiarengan eragina izatera pasa zen hura preziatzen, neurtzen eta ezagutzen ahaleginduta. Hori bereziki nabarmena da Anselmok sormena ulertzeko duen moduan; izan ere, haren lana, povera artista askoren lana bezala, naturara hurbiltzen da ahalmen fisikoak eta energetikoak berraurkitzeko.
Giovanni Anselmo. Ostertzaz gaindi erakusketaren komisarioa Gloria Moure da, artistarekin berarekin lankidetza estuan. Erakustaldiaren asmoa zera da, Anselmok sormenaz duen ikuspegia erakustea berrogeita hamarren bat obraren bitartez; tartean, argazkiak, proiekzioak, marrazkiak, eskulturak nahiz in situ egindako lanak. Erakusketak Giovanni Anselmoren corpus artistikoa osatzen duten kategoria eta motibo errepikariak ezagutzeko aukera emango dio publikoari, eta, aldi berean, agerian utziko du artistaren lanak garrantzia izugarria duela bai haren garaikideentzat eta bai gaur egun. Anselmoren obren eta haien erakusketa-tokiaren artean hartu-eman indartsua sortzen dela kontuan hartuta, Museoaren arkitekturaren berezitasuna elkarrizketa aberasgarrien eszenatoki liluragarri bilakatuko da.
Aretoak: 205, 206, 207 Eta 209
Komisarioa: Gloria Moure
Guggenheim Bilbao | Abandoibarra Etorb., 2 - Bilbo (Bizkaia)
Giovanni Anselmoren grabitazio, tentsio eta orientazioak hartu ditu Bilboko Guggenheim museoak
Ots. 10 | Iñigo Astiz [BERRIA.eus]
1960ko 'arte povera' mugimenduaren izen nagusietako bat izandakoaren berrogei artelan baino gehiago biltzen ditu erakusketak, eta hil aurrean Bilborako propio sortu zuen pieza batek ixten du ibilbidea.