Euskal Herriko Arte Garaikidearen Museoaren Bildumaren aurkezpen honek duela gutxi erositako lanak biltzen ditu, besteak beste, eskulturak, margolanak, marrazkiak, argazkiak eta bideoak. Hautatutako artelanek erakundearen programak definitzen dituen diskurtso-ildoetan sakontzen dute. Hainbat gai jorratzen dira, esate baterako irudiaren izaera "gogoetagai" gisa eta horrek hedatzen dituen idazketa-modu berriak, arteak egungo gizarte-eztabaidetan parte hartzeko duen gaitasuna eta komunitate-modu berriak sortzeko duen dohaina.

Era horretan, Bilduma, lehenik eta behin, museoaren programazioaren parte izan diren eta museoan bakarkako erakusketak izan dituzten artisten lanekin zabaltzen da, baita Bilduma Partekatuaren programatik datozen lanekin ere. Gainera, museoaren fundazioari azken urteetan egindako gordailuak eta dohaintzak ere biltzen ditu erakusketak.