Gérard Deschamps-en Zein da B plana? izeneko bakarkako erakusketa, Angeluko (Lapurdi) Arte Garaikideko Zentroaren bi egoitzetan hedatzen da. Brotxak eta pintura-hodiak eguneroko objektuekin trukatu dituen Errealismo Berriaren baitan kokatzen den artista horren lan multzo bat berriz ere (edo lehen aldiz) ezagutzeko aukera ederra da.

Beatrix Enea-n, emakumeen azpiko arropak, skateak, saltoko soka, pilotak, AEBetako armadaren seinale-oihalak, zimurtutako metalezko xaflak eta japoniar ehunak dira, besteak beste, Gérard Deschamps-ek bere lanetarako erabili dituen material batzuk. Pieza horiek 1960ko hamarkadatik gaur egunera artekoak dira, eta bi bilduma pribatutatik ekarri dira.

Pompidou Galerian Pneumostructure izeneko lana dago: hondartzetako unibertsoarekin lotutako ehun bat puzgarrik baino gehiagorekin osatutako muntaia bat. Lan berri hau bereziki areto honentzako sortua izan da.