Aurreikuspenak zapartatu ditu Bonnat Helleu museoak. Bertako zuzendari Barthelemy Etxegoien Glama kontent agertu da zazpi hilabete pasatu ondotik 100.000 bisitari baino gehiago pasatu direlako museotik, eta testuinguru horretan estreinatu dutelako Mitologiak erakusketa. Azarora artio iraunen duen behin-behineko erakusketa horretan, Euskal Herriko, Mediterraneoko, Ekialde Hurbileko, Mexikoko, Ozeaniako eta Afrikako mitologiak elkarrizketan ezarri dituzte, kaleidoskopio formatuko gela batean. Ehun obra inguru biltzen ditu erakusketak;Parisko Louvre eta Quai Branly-Jacques Chirac museoek utzitako obrak jarri dituzte mundu osoko mitologiak elkartu ahal izateko.

Bonnat Helleu museoan mitologiak idazten, biltzen, aktibatzen eta justukiirudikatzen dira, eta lau aditz horien inguruan eratu dute erakusketa, Etxegoienen ustez.Mundua mitologiaren bidezkontatzeko helburuz aritu dira lanean, eta erakusketak ikerketa lan handia eskatu duela zehaztu duBenjamin Caule komisarioak. Ikusgai den emaitzara arribatzeko, mitologia dokumentatu zutenen izen batzuk aipatu ditu, eta, hain zuzen ere, ikertzaile horien liburuak ikusgai jarriko dituzte museokosarrera gela handian. Felix Arnaudin, Eugene Camoreyt, Jose Migel Barandiaran eta Julien Vinsonenak dira obra nagusiak. Liburu horien ezkerrean, testu mitologikoz bete buztinezko taulatxo bat ageri da. JesuKristo aitzineko 2000. urte ingurukoa da, Mesopotamiako Nippur eskualdekoa.

Hortik hurbil, harrigarria badirudi ere,elkarren ondoan ezarri dituzte greziar garaiko Homeroren bustoa eta Owantshooziko artisauek eta diseinatzaileek egin lamina baten maskara. "Mitologiak irudikatzeko hainbat manera daude, eta hemen ikus dezakegu iragana eta oraina batuz mitologia aktiba daitekeela, eta ez dela gauza hila", kontatudu museoko zuzendariak.

"Mitologiak irudikatzeko hainbat manera daude, eta hemen ikus dezakegu iragana eta oraina batuz mitologia aktiba daitekeela, ez dela gauza hila"

BARTHELEMY ETXEGOIEN.Museoko zuzendaria.

Hastapenetik argi utziduerakusketan denboran barnako zubi bat markatu nahi dutela mitologia transmititzeko gisan. Etxegoien:"Mitoak ez dira bakarrik iraganekoak: gure iruditeria garaikidea eraikitzen segitzen dute. Erakusketa honekin, gainera, ohar daiteke gai unibertsala dela mitoena, mundu osoan irudikatzen baitira, hainbat maneraz".

Gai bera hainbat obratan

Mari Garai gelan da erakusketaren muina. Erakustokia modu zirkularrean antolatu dute, obra bakoitzak bertze obrekin mirail efektua ukan dezan. Zentrotik hasita,bazterrei buruz daudeobra guziak, eta labirinto gisako bat osatzen dute denek, elkarri begira balira bezala. Halere, ordena jakin batean bisita daitekeela nabarmendu du Etxegoienek, eta galtzeko arriskurik ez dela azpimarratu du.

Obrarik nabarmenenak presentatu ditu zuzendariak, eta, bertzeak bertze, San Jurgiren bizia irudikatzen duten hiru obra agerian utzi ditu. Esplikatu duenez, bigarren mendean bizi izan zen giristino bat zen Jurgi, eta dragoi baten kontra borrokatu zeneko gudua ikus daiteke zenbait obratan.Hain zuzen ere, Rafaelek irudikatu zuen margolan batean Errenazimentuan. Baina Gaizkiaren eta Ongiaren arteko guduka Musa Ibn Istifanek ere irudikatu zuen beranduxeago, 1699an, buztin errez egin laukitxo batean. Eta San Gregorioren bizi osoa irudikatzen duen Ne'meh al-Musawwiren urre koloreko olio pintura bat ere ikusgai jarri dute, denak elkarren ondoan.

Horien ondoan, elkarrizketan ezarri dituzte hartzaren aldaera mitologiko franko. Batetik, Euskal Herriko ihauteetanagertzen dena irudikatu dute, zutik, gela erdira salto eginen balu bezala. Thomas Loiathoren obra da, ardi larruz, sokaz eta oihalez egina. Hartz handiari kasik kolaturik, berriz, bada Izturitzeko harpeetan (Nafarroa Beherea)atzeman hareharrizko zizelkadura ttipi bat, baita Marquayengo babeslekuan (Frantzia) atzeman silexezko hartz ttipi bat ere. Zizelkadurez gain, Valere BernardenJean de l'Ours grabatuak osatzen du hartzaren historia;emazte baten eta hartz baten harreman batetik sorturiko izakia irudikatzen du.