Kultura eta arte garaikideko bi zentro erreferentek, Tabakalerak eta Reina Sofia Museoak, Evil Eye: optikaren eta balistikaren historia paraleloa erakusketaren inguruko jarduera-programa antolatu dute, datozen hilabeteetan bi erakundeetan egingo dena, eztabaida-foroak eta publiko orokorrari zein espezializatuari zuzendutako ikerketa-ildoak ezartzeko.

Bi erakundeetako programa publikoen sailek diseinatutako jarduera-programa, Madrilen kasuan, Reina Sofía Museoaren "Tejidos conjuntivos" berezko ikasketa-programaren barruan kokatzen da.

Lankidetza jakintza eta esperientziak trukatzeko prozesu bat da, eta bi erakundeek ezagutzaren hainbat alorretatik eta ikusizko praktika eta praktika estetiko ezberdinetatik datozen ahotsak eramango dituzte prozesu horretara. Horien artean, Ignacio Mendiola, Joseba Zulaika, Ana Teixeira Pinto, Ramón Amaro, Santiago Alba Rico, Jaume Navarro, Rossana Reguillo edo Antonia Majaca nabarmendu daitezke. Mundu garaikideko artearen, estetikaren eta garapen teknologikoen arteko elkarreragina ikertzeaz arduratzen diren ahotsak eta ikerketa-ildoak.