artekaria

Euskal Herriko
Arte Ataria

aktualitatea

Bloke artean galduta

Galduta nago ondo ezagutzen dudan herrian. Edo ondo ezagutzen nuen herrian esan beharko nuke. Kale erdian nago etxebizitza moderno handi eta altuen artean, non nago? Uste nuen Zarautzera etorri nintzela, baina ez dut errekonozitzen.

bloke-artean-galduta
Salberdingo auzoko proiektuko irudia.

22 de Febrero 2024 | Ismael Manterola Ispizua [BERRIA.eus]

Bloke zuri-grisen artean galduta sentitzen dut neure burua, ez da hau herri honi buruz nuen irudia. Ia bat-batean herri berri bat eraiki dute lehen fabrika zahar eta soilgune batzuk besterik ez zeuden tokian. Hala ere, hura gehiago identifikatzen nuen Zarautzekin orain nagoen ingurune hau baino. Mila pertsonatik gora bizitzeko moduko auzo izugarri honetan zaila da goxotasuna topatzea. Baliteke oraindik goizegi izatea biztanleek bere egiteko espazio eta arkitektura berri hau. Egunen batean erlauntza honek bizitza lortzen badu, poztuko nintzateke. Momentuz, behintzat, ez dago ezer kale zuzen, garbi eta berri hauetan.

XXI. mendean egon arren, aurreko mendeko 60ko eta 70eko hamarkadako etxebizitza blokeak eraikitzen jarraitzen dugu. Hau al da bizitza antolatzeko modu bakarra? Ez al dago zalantzan jartzerik eraikitzeko modu hori? Herri batzuen haziera etengabeak ondorio triste hau dakar: azkar eta merke eraiki behar da, azkar eta garesti saltzeko. Askotan pentsatu dut eraikuntza enpresek etekin gehiago ateratzen ote duten eredu horrekin edo beste modu batera ere nahiko diru irabazteko aukera izango ote zuten. Nire susmoa da eredu intentsibo horrek eraikuntza enpresei mozkin handiak ematen dizkiela eta horregatik jarraitzen dugula blokeak eta blokeak eraikitzen.

Hala ere, uste dut hirigintzan eta arkitekturan nahiko aditu baditugula bestelako bizitza antolaketak proposatzeko. Herriko udaletan ere lan pedagogiko handia egin beharko genuke eraikitzeko beste modu batzuk badaudela azaltzeko. Gutxiago eraiki beharko genuke, eta hobeto. Gipuzkoako herri bat edo beste kabitzeko moduko auzoak eraiki beharrean, beste galdera batzuk egin beharko genizkieke geure buruei: Nork behar du etxe bat? Nolakoa? Zenbat etxebizitza daude hutsik herrian? Zergatik? Etengabeko hazkundea nahi al dugu gure herrientzat?

Oinarrizko galdera horiek erantzun ondoren benetako behar bat dagoela erabakitzen badugu, orduan etorriko litzateke zein forma izan behar duen behar horrek. Beharbada bloke forma izan behar dute, baina baliteke beste aukerak ere aztertu behar izatea. Urteak pasatu dira milaka eta milaka etorkini tokia egiteko presazko etxebizitza haiek eraiki zirenetik. Ez daukagu horrelako giza oldeari babesa emateko aluminosiz jotako arkitektura eraiki beharrik, beraz, lasai eztabaidatu dezagun beste ereduen inguruan.


animaliak

Animaliak

Museoko bilduma

Ur Mara (Alkiza, Gipuzkoa)

Desde el 30 de Marzo 2024
Al 11 de Mayo 2024

arrasto-baten-atzetik

Arrasto baten atzetik

Tatiana Blanqué

Cristina Enea fundazioa (Donostia, Gipuzkoa)

Desde el 23 de Marzo 2024
Al 16 de Junio 2024

stmren-galarza-argazki-funtsa

STMren Galarza argazki funtsa

Gregorio González Galarza, Carmelo González Campano

San Telmo (Donostia, Gipuzkoa)

Desde el 26 de Octubre 2024
Al 23 de Enero 2025

artea-oinez-2024

Artea Oinez 2024

Exposición colectiva

Civivox Condestable (Iruñea, Nafarroa)

Desde el 27 de Marzo 2024
Al 19 de Mayo 2024

saretzeak-emandako-indarra

Saretzeak emandako indarra

15 de Abr. | Edurne Elizondo [BERRIA.eus]

Gero eta sendoagoa da Nafarroako irudigintza. Sektore horretaz mintzatu dira Concha Pasamar, Andrea Ganuza eta Mikel Santos 'Belatz' artistak, Iruñean.

guggenheim-artisten-estatutuak-eta-euskal-kultura

Guggenheim, artisten estatutuak eta "euskal" kultura

13 de Abr. | Itziar Ugarte Irizar [BERRIA.eus]

Zer diote alderdien programek kulturaz? Zer konpromiso hartzeko prest agertu dira? Askotariko ideien artean, bistan dira, besteak beste, sektoreak egindako prekaritate ohartarazpenak eta aspalditik datozen euskal kulturaren gaineko jarrera kontrajarriak.

ingurua-erretratatzeko-hiru-modu

Ingurua erretratatzeko hiru modu

12 de Abr. | Amaia Jimenez Larrea [BERRIA.eus]

Zarauzko Argazki Bilerak 31. aldia du. Argazkilaritza dokumentalari eta kontzeptualari egin diote lekua. Gaur egungo gizartearen kontsumo ereduaren hausnarketa eta Gernikako bonbardaketa ardatz hartu duten proiektuen erakusketak daude, besteak beste.

txillida-jesus-uriarteren-begietatik

Txillida, Jesus Uriarteren begietatik

11 de Abr. | Urko Iridoy Alzelai [BERRIA.eus]

Tabakalerako Artegunean bildu dituzten 180 argazki inguruetan Txillidaren lan prozesuak irudikatu dituzte. Erakusketa lau zatitan banatu dute, eskultoreak erabiltzen zituen lau material nagusiak aipatuta: papera, lurra, hormigoia eta altzairua.

hiru-hitz-hamaika-eduki-i

Hiru hitz, hamaika eduki (I)

11 de Abr. | Haizea Barcenilla [BERRIA.eus]

Erromako Kapitolioko Museoen sotoan ikusi nuen hunkitu ninduen estela hura. Inguru horretan antzinako erromatar hilarrien bildumako eredu batzuk dituzte ikusgai, estetikoki goiko pisuetako artelanak baino xumeagoak izan arren, horiek bezain interesgarriak direnak.

eskultore-baino-gehiago

Eskultore baino gehiago

11 de Abr. | Garazi Ansa [BERRIA.eus]

'larruak eta izurrak' | Non: Donostiako Tabakaleran. | Noiz arte: Ekainaren 2ra arte.

chillida-izan-beharraz

Chillida izan beharraz

10 de Abr. | Hedoi Etxarte [ARGIA.eus]

Eduardo Chillidaren jaiotzaren mendeurrenaren kontura, ideologia guztietako hedabideetan hagiografiak izan dira nagusi eta ez da inolako aipamenik egin bere "gaztaro falangista ultra eta erradikalaz".

artea-suntsitzeko-arrazoiak

Artea suntsitzeko arrazoiak

10 de Abr. | Nagore Irazustabarrena Uranga [ARGIA.eus]

London, 1914ko martxoaren 10a. Mary Raleigh Rochardson (1889-1961) sufragista eta WSPUko kidea National Galleryra sartu zen, soinekoan laban bat gordeta zuela. Diego Velazquezen Ispiluko venus ezagunaren parera iritsi zenean, mihisea zazpi aldiz sastakatu zuen, guardiek geldiarazi zuten arte.

Artekaria

El poratl del arte en Euskal Herria

Este es el portal creado por la red ZAPART. Con ARTEKARIA queremos dar visibilidad a la increíble riqueza artística e infraestructural de nuestro pequeño territorio vasco (Euskal Herri osoa). De hecho, nos parece que en un espacio tan reducido donde se encuentran tantos museos (Artium, Oteiza, Oteiza, Artes de Bilbo, Guggenheim…), centros de arte (Uharte-zentroa, Tabakalera, Bilbaoarte…), salas públicas y privadas (Didam, Zitadela, Bastero, Ospitalea, fondations), galería de arte tradicional o de artistas... con tantas programaciones y obras de artistas visibles, la visualización de este conjunto no es fácil. Hemos creado este portal para ayudar a resolver esta falta.

Artekaria

La red de l@s artist@s profesionales de Euskal Herria

Zapart tiene como objetivo conectar, promover el trabajo y defender los derechos de l@s artist@s profesionales que viven y trabajan en Euskal Herria (en los seis territorios historicos que son Araba, Bizkaia, Gipuzkoa, Lapurdi, Nafarroa y Zuberoa).