artekaria

Euskal Herriko
Artearen ataria

aktualitatea

Elena Asins-en Egitura, Espazioa, Denbora jarri dute Kubo Kutxa Fundazioan.

Proiektuak ibilaldi bat proposatzen du Elena Asins (Madril, 1940 - Azpirotz, 2015) artistaren obran zehar, haren pentsamendu plastikoa bideratzen eta definitzen duten hiru ideia gidariri jarraituz. Bektore horiek, bai eta artistak teoria eta praktika artistikoaren artean ezartzen duen etengabeko elkarrizketak, egituratzen dute Asinsen proiektu artistikoa.

elena-asins-en-egitura-espazioa-denbora-jarri-dute-kubo-kutxa-fundazioan
Elena Asins, Ikus-entzunezko instalazioa. Arg/ Gorka Alda

| 27 de Febrero 2026

Egitura, espazioa, denbora proiektuak ibilaldi bat proposatzen du Elena Asins (Madril, 1940 - Azpirotz, 2015) artistaren obran zehar, haren pentsamendu plastikoa bideratzen eta definitzen duten hiru ideia gidariri jarraituz. Bektore horiek, bai eta artistak teoria eta praktika artistikoaren artean ezartzen duen etengabeko elkarrizketak, egituratzen dute Asinsen proiektu artistikoa.

Erakusketak bat egiten du Kutxa Fundazioaren helburuarekin, zeina baita euskal testuinguruarekin zerikusia duten artistei ikusgarritasuna ematea eta ibilbide sendoko artistak ikuspegi berrietatik abiatuta berrirakurtzea. J. P. Huercanos da erakusketaren komisarioa, eta Reina Sofía Arte Zentro Museo Nazionalarekin elkarlanean egin ahal izan da. 100 proiektu baino gehiago bilduko dira bertan: marrazkiak, pinturak, eskulturak, liburuak, ikus-entzunezko piezak eta instalazioak, hasi zenetik (1968) XXI. mendearen hasieran egindako azken lanetaraino.

Elena Asinsen lanetan, XX. mendeko abangoardiako eraikuntza-tradizioak bat egiten du hirurogeiko hamarkadako konputazioarekin eta informazioren teoriarekin, Op Art eta minimalismoa zeharkatuz. Kalkulu-teoriaren eta algoritmoen erabilerari esker, aitzindaria izan zen sorkuntza-prozesuetan ordenagailua erabiltzen eta ezinbesteko irudia izan zen arte konputazionalean eta abstrakzio geometriko modernoan eta garaikidean.

Ohar biografikoak

XX. mendearen hasierako abangoardietako artisten eraginpean ekin zion bere ibilbideari. Mugimendu haiek —holandar neoplastizismoa (1917) eta errusiar konstruktibismoa (1914)— irauli egin zuten artea abstrakzio geometrikoaren bitartez; horretarako, baztertu egin zuten figurazio tradizionala, hizkuntza berri bat sortzeko, non alde batera uzten baitzen osagarria eta bilatzen baitzen alderdi estrukturala. 60ko hamarraldiaren erdialdean, pentsamendu konstruktibista eta neoplastikoak 50 urte betetzen zituela, bere onera etorri eta berpiztu egin zen.

Elena Asinsentzat zehatza dena lotuta dago logika formalarekin eta matematikekin, haren hizkuntza bisuala definitzen duten sinbolismo oroz gabetutako oinarrizko formen —lerroak eta planoak— errepikapenaren eta bariazioaren bitartez eratutako beste errealitate baten sortzaile diren aldetik.

Asinsen arte-ekoizpena, artistak berak "sistema bisual" gisa definitu zuena, barne-erlazioen multzoak sortzen dituzten prozedura matematiko zorrotzen emaitza da. Erlazio horiek egitura-, espazio- eta denbora-ordenak artikulatzen dituzte, eta aurretiko logika bati, artearen bidez ikusgarri egiten den azpiko pentsamendu bati, lotuta daude betiere. Asinsen obrak ez du irudikatzen; eragiketen, arauen eta sistemen hedapenean oinarritutako errealitate propio bat eraikitzen eta adierazten du.

Elena Asins autodidakta izan zen, hala ere, eskolak hartu zituen Arte eta Ofizioen Eskolan eta Madrilgo Arte Ederren Zirkuluan, eta Pradoko Museoko kopista izan zen. 1963an Miguel Pintoren ekimenez Madrilen sortutako Castilla 63 kolektiboko kide egin zen. Egonaldi hartan, alde batera utzi zituen marrazki tradizionala eta figurazioa, eta espazioaren eta geometriaren ikerketan sartu zen buru-belarri (horiek definitu zuten, hain zuzen, haren heldutasun artistikoa).

1966an, Ignacio Gómez de Liañok sustatutako Cooperativa de Producción Artístico y Artesana (CPAA) taldean sartu zen. Eztabaidara zabaldutako gune bat zen, non bat egiten zuten arte plastikoek eta poesiak, hizkuntzalaritzak, filosofiak, musikak edo arkitekturak. "Esperimentazioaren estetika" babesten zuen taldeak, artearen merkantilizazio gero eta handiagoaren aurrez aurre, eta modu ezabaezinean markatu zuen bere pentsamendua eta lanaren etika.

Urte horretan bertan Mondrianen erakusketa batera joan zen, Hagan, eta esperientzia hura eraldatzailea izan zen Asinsen artea ikusteko moduan, izan ere, margolariaren lan-prozesua ezagutu zuenean jabetu zen gai zela gauzen azpian zetzan egitura erakusteko. 1968an, Max Benseren hitzaldietako batean parte hartu zuen Madrilen, eta horrela ekin zion semiotikaren eta gramatika sortzailearen ikasketari.

Op Art edo arte optikoaren hizkuntzara eta poesia bisualera lehen hurbilpenak egin ondoren –estilo bisual abstraktua, mugimendu, erliebe edo sakontasuneko ilusio optikoak sortzen dituena, eredu geometrikoak, lerroak eta kontraste handia erabiliz—, Asins esperimentazio-fasea egituratzen duten lehen egiturak taxutzen hasi zen, 1960ko hamarraldiaren amaieran eta 70eko hamarraldian.

1968an, Madrilgo Unibertsitateko Kalkulu Zentroko mintegietan hasi zen lanean Asins. Han, artearen eta teknologiaren arteko lehen loturak entseatzen ari zen artista-, programatzaile-, matematikari- eta filosofo-talde bat ezagutu zuen, garaiko praktika artistikoen bilakaeran erabakigarria izan zen esperientzia batean. Testuinguru horretan, Asinsek bere jardunbidearen marko teorikoa eta operatiboa aurkitu zuen, eta ordenagailuak sistema sortzaileak formulatzeko, arau konbinatorioak artikulatzeko eta kodea pentsamendu bisualeko gailu gisa ulertzeko duen ahalmena deskubritu zuen. Haren esanetan, ordenagailua ez zen tresna bat soilik, pentsamendua egituratzen zuen bitarteko bat baizik. Ordenagailuaren funtzionamenduak baietsi egiten zituen ordenari eta purutasun formalari buruz zituen teoriak, eta aukera ematen zion hainbat kontzeptu aztertzeko, hala nola espazioa, denbora eta hutsa, bariazio algoritmikoen bitartez.

Madrilen hastapenak egin ondoren, ikasketak sakondu zituen Parisko Arte Ederren Eskolan, Stuttgarteko Unibertsitatean (semiotika ikasi zuen Max Benserekin) eta New School for Social Researchen eta Columbiako Unibertsitatean, New Yorken biak. Egituraren ideia lantzen hasi zen, eta, eskalaren kontzeptutik abiatuta, forma progresiboen eta sortzaileen bidez planoaren egitura aztertzen zituen lanen serie bat sortu zuen. Sistema geometriko eta seriatuetan behin eta berrizko tolestaketa-prozesuen bidez planoan zabalduta hura, pentsamendu estetiko bat definitu zuen, zeina 1980ko hamarraldiaren erdialdean hiriaren eskalara eraman zen, hirian esku hartzeko borondate esplizituarekin batera. Tridimentsionaltasunarekiko kezka hori nabaria da arkitekturari eta hirigintzari buruzko gaiak lantzen dituenean.

Dimentsio espazial horretatik eratorri zen denboraren kontzepzio gero eta konplexuagoa, eta 1990eko hamarkadan egindako eskultura multzo askotarikoetan gauzatu zen. Lan hedatu horietan hainbat zentzu-geruza pilatzen dira, elkarren segidan, bariaziotik eta eredu geometriko beraren errepikapen kontzientetik abiatuta eta ordena bakarreko proiekzio gisa teilakatuta. "Espazioa, niretzat, objektuen eta haien arteko harremanen multzoa da, eta, denbora, berriz, objektu horiek infinituan kokatzeko eta garatzeko behar den espazioa", adierazi zuen egileak bere testuetako batean.

Laurogeita hamarreko hamarraldian eta XXI. mendearen hasieran, Elena Asins formatu berrietan barneratu zen, hala nola, eskultura, instalazioa edo bideoa. Bideoek aukera ematen dio mugimenduan den irudia erabiltzeko eta bere lanean funtsezkoak diren espazioaren eta denboraren ordenazioari buruzko azterketekin jarraitzeko.

Argitalpena

Erakusketa honen harira, Kutxa Fundazioak katalogo ilustratu bat argitaratuko du. J. P. Huercanos kuratorearen testu bat, Carmen Fernández Aparicioren (Reina Sofía Museo Nazionala Arte Zentroko Eskultura Zerbitzuko kontserbatzaile burua) beste testu bat, Elena Asinsek berak egindako testu bat eta Azpirotzeko paisaien hainbat argazki bildu dira argitalpenean. Euskaraz eta gaztelaniaz argitaratuko da, eta eranskin bat izango du, ingelesezko testuekin.

Komisarioa

Juan Pablo Huercanos. Oteiza Museoaren zuzendariordea da, eta komisariotza proiektu independenteak egiten ditu eskulturaren eta argitalpenaren esparruan. Artista garaikideei buruzko idatzi ugariren egilea da eta GAUR taldea. Artea eta eraikuntza kolektiboa, 1965-67 liburuarena. Irakaslea da Azkuna Zentroak eta EHUk sustatuko Arte eta kultura garaikideko praktika eta teoriako Masterrean.


bitartean-donde-mentras

Bitartean | Donde mentras

Alan Sastre, Xavi Ceerre

Juan Manuel Lumbreras (Bilbo, Bizkaia)

Desde el 29 de Octubre 2026
Al 04 de Diciembre 2026

walker

Walker

Tsai Ming-Liang

Tabakalera (Donostia, Gipuzkoa)

Desde el 18 de Septiembre 2026
Al 06 de Diciembre 2026

hirugarren-paisaia

Hirugarren paisaia

Maria Azkarate

Nafarroako museoa (Iruñea, Nafarroa)

Desde el 15 de Mayo 2026
Al 04 de Abril 2027

gerezi-hori

Gerezi hori

Maider Aldasoro

Rekalde Aretoa (Bilbo, Bizkaia)

Desde el 08 de Septiembre 2026
Al 22 de Noviembre 2026

66-76-26

66-76-26

Steve MᶜQueen

Guggenheim Bilbao (Bilbo, Bizkaia)

Desde el 09 de Octubre 2026
Al 21 de Febrero 2027

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 13 de Noviembre 2026

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 12 de Noviembre 2026

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 12 de Noviembre 2026

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 4 de Noviembre 2026

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 4 de Noviembre 2026

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

meta-morphosis

Meta-morphosis

Jone Alaitz Uriarte [ARGIA.eus]
| 30 de Octubre 2026

Oro har artista baten lana aztertzen denean, sortzaileak behin eta berriz irudikatzen edo margotzen dituen motiboetan jartzen da arreta: zer objektu edo errealitate agertzen diren maizen, zein forma edo irudi agertzen diren behin eta berriro haren obran. Motibo horiek euskarrira —mihisera, buztinera edo paperera— eramateko moduak, berriz, estiloaren auzira garamatza. Interesgarria da, hala ere, kontrako ariketa egitea: artista batek, kasu honetan margolari batek, zer margotzen ez duen aztertzea.

bixente-ameztoi-paradisua-pintatzen

Bixente Ameztoi paradisua pintatzen

Joseba Zulaika [ARGIA.eus]
| 30 de Octubre 2026

Remelluri upategiko kapera pintatzeari ekin zion Bixente Ameztoik 1993an. Frank Gehry bere Bilboko museo erraldoirako lanean hasia zen. Bastidako (Araba) santutegi ezkutua zen Bixenteren kapera.

denbora-desegiteko-konjurua

Denbora desegiteko konjurua

Maite Luengo Agirre [BERRIA.eus]
| 28 de Octubre 2026

Finissage | Artista: Amaia Urra. | Non: Atoi gunean, Bilbon. | Noiz arte: abenduaren 12ra arte.

ez-ulertzearen-zoriontasuna

Ez ulertzearen zoriontasuna

Haizea Barcenilla [BERRIA.eus]
| 28 de Octubre 2026

Aurrekoan Kyotoko Jidai Matsuri desfilea ikusteko aukera izan nuen. 2.000 lagun inguruk hartzen dute parte, jantzi historikoak soinean, mila urte atzera egiten duten adibideekin. Aho zabalik begiratzen genien mendebaldar guztiok kimonoei, armadurei, shozokuei, hantenei eta Interneten bilatu behar izan ditudan bestelako jantzi askori.

Artekaria

El poratl del arte en Euskal Herria

Este es el portal creado por la red ZAPART. Con ARTEKARIA queremos dar visibilidad a la increíble riqueza artística e infraestructural de nuestro pequeño territorio vasco (Euskal Herri osoa). De hecho, nos parece que en un espacio tan reducido donde se encuentran tantos museos (Artium, Oteiza, Oteiza, Artes de Bilbo, Guggenheim…), centros de arte (Uharte-zentroa, Tabakalera, Bilbaoarte…), salas públicas y privadas (Didam, Zitadela, Bastero, Ospitalea, fondations), galería de arte tradicional o de artistas... con tantas programaciones y obras de artistas visibles, la visualización de este conjunto no es fácil. Hemos creado este portal para ayudar a resolver esta falta.

Artekaria

La red de l@s artist@s profesionales de Euskal Herria

Zapart tiene como objetivo conectar, promover el trabajo y defender los derechos de l@s artist@s profesionales que viven y trabajan en Euskal Herria (en los seis territorios historicos que son Araba, Bizkaia, Gipuzkoa, Lapurdi, Nafarroa y Zuberoa).