Natalia Suárez Ortiz de Zarate da Artea abian proiektuaren seigarren edizioan parte hartuko duen hurrengo artista, aurrekoetan Nagore Amenabarrok, Oier Iruretagoienak, Kimia Kamvarik, Mikel Otxotekok eta Xare Álvarezek parte hartu ondoren. Bere lanekin osatutako erakusketa 2025eko abenduan jarriko dugu ikusgai museoko Laborategia aretoan.

Natalia Suárezen lanak olio-pintura eta marrazketa ditu ardatz. Arteari eskainitako dedikazioa ingurukoekin esperimentatzeko, sentsibilitatea garatzeko eta pertzepzioa areagotzeko modu gisa ulertzen du. Bere lan piktorikoari dagokionez, bere praktika intuitiboa eta prozesuala da. Egin nahi denaren, egin daitekeenaren eta egiten denaren arteko tentsiotik ateratzen dira bere pinturak, margotzeko prozesu zabalaren zehaztapen gisa.

San Telmo Museoko erakusketak formatu handiko olio-pinturak izango dituardatz. Azken urtean egin ditu, norberaren ametsetako kontakizunetatik datozen marrazki batzuk oinarri hartuta.

Artea abian ekimenaren bidez, Kutxa Fundazioak eta San Telmo Museoak beren ibilbide profesionalaren lehen urteetan dauden eta beren obraren aurkezpen monografikoari aurre egiteko esperientzia nahikoa duten artistei laguntza eta babesa eskaini nahi diete. Helburu nagusia gune instituzional edo museistiko batean erakusketa indibiduala egitea errazteada. Erakusketarekin batera, gainera, katalogo bat argitaratuko da, elementu garrantzitsua zabalkunde tresna delako.

Arte garaikidea sustatzeko ekimen honek Museo bikoitza proiektuarekin bat egiten du San Telmo Museoan, non artistek San Telmoren bildumatik abiatuta lan egiten duten. Artea Abian egitasmoan parte hartzen dutenek ibilbide ez hain finkatua izan arren, bi proiektuek San Telmo Museoak euskal arte garaikidearekin duen konpromisoa indartzen dute. Halaber, haiekin lehian izatetik urrun, ekimen berri honek testuinguruari laguntzeko proiektuen eszena indartzen laguntzen du, espazio berri bat txertatuz. Proposamenak Kutxa Fundazioaren erakusketa aretoen programazioa ereosatzen du, eta arte sorkuntzarekin duen konpromisoa indartzen du.

Natalia Suárez Ortiz de Zarate, Artea abianen seigarren edizioko artista

Natalia Suárez Ortiz de Zarate (Vitoria-Gasteiz, 1994) Bilbon bizi da. Pinturan aritzen da eta arteeszenikoak aztertzen ditu Tripak konpainiako kide gisa. 2022tik aurrera Bilboko Errekalde auzoko KAMPAI gunea ere kudeatzen du.

Nabarmentzekoak

Banakako erakusketak

• 2024 Adelantar la barbilla y medir el horizonte, Bombon Projects-en (Bartzelona)
• 2024 Aterrizo, anochece, Anti Liburudendan (Bilbo)
• 2022 Jade, BilbaoArte Fundazioan (Bilbo)
• 2022 Diente de leche, Montehermoso Kulturunean (Vitoria-Gasteiz)

Erakusketa kolektiboak

• 2025 (apirila) Epifanía, Moises Pérez de Albéniz galerian (Madril)
• 2024 Un cuadrado de terciopelo negro, Bizkaiko hainbat udalerritan, Bosteko programaren barruan
• 2023 B.A.C.E. Project, Mar de Dios-ekin Filet Space-n (Londres)
• 2023 Urak Dakar, Bulegoa z/b komisarioa Bizkaia Aretoan (Bilbo) (Tripak konpainiarekin)
• 2023 Non konpon, Oier Iruretagoienak komisariatua, Kampain (Bilbo)