Une honetan munduko kultura-erakunde askok lapurretak jasan dituzten honetan, UNESCOk 2025eko irailaren 29an inauguratu zuen bere objektu lapurtuen museo birtuala, Bartzelonako MONDIACULT konferentzian. Proiektua 2022ko aurreko edizioan iragarri zuen Audrey Azoulay zuzendari nagusiak.

Francis Kéré arkitektoak diseinatutako museo birtual honek Interpolen datu-basean jasotako objektu bila dabiltzanen galeria aurkezten du. Datu-base honek 57.000 kultura-ondasun biltzen ditu, eta horietatik 250 sarean daude eskuragarri gaur egun, kopuru hori pixkanaka handituz joateko asmoarekin. Erregistratutako objektuek mundu osoko eskualdeak, garai historikoak eta mota guztiak hartzen dituzte barne.

Webgunea hiru ataletan banatuta dago: auditorioa, objektu lapurtuen galeria eta berreskuratutako objektuen galeria. Auditorioan proiektua aurkezten da, UNESCOren rola eta ondasun kulturalen trafiko ilegalari lotutako erronkak azaltzen dira. Objektu lapurtuen galeria da zabalena, eta bertan bilaketak egin daitezke kategoriaren, eskualdearen, garaiaren edo kolorearen arabera. Halaber, ausazko esplorazioa ere posible da, eta horrela aurki daitezke Korè-ren eskultura bat, Szécsényko Asanblada Nazionalaren domina oroigarri bat edo Ermitadunarekin harkaitzezko paisaia izeneko margolana, guztiak oinarri birtual baten gainean ikusgai, partekatzeko esteka baten bidez eta gogokoetan gehitzeko moduan.

Berreskuratutako objektuen galerian, oraingoz, hiru objektu baino ez daude ikusgai: 2024an Marokori itzulitako trilobite bat eta fosildutako marrazo-hortz bat, besteak beste. Objektu bakoitzarekin batera, haren ibilbide historikoa azaltzen duen fitxa bat dago.

Menu osagarri batek bisitarien hautapena, haien gogokoak eta UNESCOren birtualki garatzen ari diren erakusketak kontsultatzeko aukera ematen du. Gailua errealitate birtualean eskuragarri izateko pentsatua dago. Objektu batzuk adimen artifizialaren bidez erreproduzitu dira.

Ekimen honen helburua da publikoaren kontzientzia piztea eta Interneteko erabiltzaileak kultura-ondasun galduen bilaketan eta itzuleran parte hartzera bultzatzea. Era berean, parte hartzen duten eragile guztiak sare berean elkartzeko aukera eskaintzen du: "Sare bat behar da —polizia indarrak, justizia agintariak, arte-merkatua, estatu kideak, gizarte zibila, komunitateak— beste sare bat, krimen antolatuarena, garaitzeko", azpimarratu du Sunna Altnoder-ek, gunea kudeatzen duen unitateko arduradunak. Proiektua Saudi Arabiak finantzatu du, 2,1 milioi euroko ekarpenarekin.

— JdA ataritik itzulia.