artekaria

Euskal Herriko
Artearen ataria

aktualitatea

Irene Kopelmanek paisaiari buruz gogoetatu du Artiumen paratu duen erakusketan

Argentinako artistak azken hogei urteetan garatutako ikerketa artistikoa eta Arabako Carrias mendiko formazio geologikoetan egindako lan bat biltzen ditu ‘Siluetak eta beste istorio batzuk' erakusketak.

irene-kopelmanek-paisaiari-buruz-gogoetatu-du-artiumen-paratu-duen-erakusketan
Irene Kopelman artista bere obra batzuekin, Artiumen. JAIZKI FONTANEDA / FOKU

Edurne Begiristain [BERRIA.eus]
| 6 Octobre 2026

Paisaia ez da ikusten dena bakarrik. Nola begiratzen zaion, nola irudikatzen den eta haren inguruan zer ezagutza sortu den ere bada paisaiaren parte. Ideia horren inguruan egituratu du Irene Kopelman artista argentinarrak Siluetak eta beste istorio batzuk erakusketa. Artium museoko A2 aretoan jarri dute ikusgai, eta 2027ko martxoaren 29ra arte egongo da zabalik. Erakusketak lehen aldiz bildu ditu 2003tik Kopelmanek hainbat testuinguru geografiko eta zientifikotan egindako ikerketak, eta baita Gaubeako (Araba) Carrias mendiko formazio geologikoetan propio egindako lan bat ere.

Kopelmanen (Cordoba, Argentina, 1974) jardun artistikoaren ardatzetako bat naturaren irudikapena da: modernitateak "natura" gisa ulertzen duen horren inguruan aritzen da, eta bereziki paisaiaren nozioa aztertzen du, Europako tradizio piktorikoaren arrastoak kontuan hartuta. Baina Kopelmanen lana ez da paisaia irudikatzera mugatu. Aitzitik, paisaiara bertara hurbildu ohi da tokian tokiko ezaugarriak aztertzeko eta ezaugarri horiek esperientzia artistiko bihurtzeko. Horretarako, ikerketa prozesu luzeak egiten ditu, eta hainbat arlotako adituekin lan egiten du. Formazio geologikoak, ekosistemak eta ingurune jakin batzuk aztertu ostean, marrazkia, pintura, argazkia eta eskultura erabiltzen ditu behaketa horietan sortutako materiala eraldatzeko.

Erakusketaren abiapuntu nagusia Carrias mendiaren kareharrizko formazioak dira. Proiektu hori egiteko Arturo Apraiz EHUko Zientzia eta Teknologia Fakultateko geologia irakaslearekin lankidetzan aritu da, eta emaitza Araban egindako hainbat ikerketa bidaien ondorio da.

Hortik abiatuta, tokiko paisaien behaketa eta beste leku batzuetan aurretik egindako ikerketak elkarren ondoan jarri ditu artistak —besteak beste, Alpeetako glaziarrei lotutako lanak—. Testuinguru batetik bestera joanda, paisaiaren eta haren irudikapenaren inguruko galderak berriz formulatu ditu: zer ikusten da, nola begiratzen zaio, eta zer gertatzen da errealitate bat marrazki, argazki edo objektu bihurtzen denean?

Ikerketa eta argitalpena ere ezin dira bereizi Kopelmanen praktikan. Artiumen erakusketak, hain zuzen, lehen aldiz bateratu ditu bi adierazpenak. Batetik, Kopelmanek urteotan egindako argitalpen lan zabala —marrazkiak batez ere—, hainbat poster eta eskultura bat. Eta, horiekin batera, ikerketa prozesu baten aztarnak ere badaude erakusketaren ibilbidean. Aztarna horietako bakoitzean Kopelmanek leku bakoitzean aurkitutakoari begiratzeko modu bat garatu eta bistaratu du.

Beatriz Herraez Artiumeko zuzendaria da erakusketako komisarioa, eta TEA Tenerife Espacio de las Artes zentroarekin elkarlanean eta Mondriaan Fund Herbehereetako erakundearen babespean ondu dute.

Liburuaren inguruko praktikez, IGANDEAN

Erakusketaren inaugurazioarekin batera, Artium museoak argitalpen praktikei buruzko A Matter of Words topaketa egingo du igandean. Egun osoz, liburu azoka bat eta edizioaren inguruko hitzaldi eta eztabaidak izango dira. Thomas Boutoux eta Alejandro Cesarco dira topaketako komisarioak. Hainbat herrialdetako argitaletxe eta liburu denda independenteek parte hartuko dute, tartean Bilboko Belleza Infinita, Ibarrangeluko (Bizkaia) Caniche Editorial eta Parisko After 8 Books etxeek. Sarrera doakoa da.

11:00etan hasiko da topaketa, In Good Company: Every Here and Thereizeneko saioarekin. Komunitateen sorrera, liburuen banaketa eta liburu denden zeregin soziala izango dituzte hizpide Siddharta Lokanandik (Hopscotch Reading Room), Blanca Sotosek (Mira Look Books) eta Benjamin Thorelek (After 8 Books).

16:00etan, berriz,argitalpen praktiken iraunkortasuna eta etorkizuna aztertuko dituzte New Directions saioan. Carlos Copertonek (Caniche Editorial), Mela Davila Freirek, Irene Kopelmanek eta Kristen Vida Alfarok (Silver Press) parte hartuko dute. Erakusketen katalogoak, artisten liburuak, egunkariak eta argitalpen hezigarriak izango dituzte hizpide, besteak beste.

Topaketaren izena AMAonline museoko plataforma editorialeko atal batetik dator. Testu poetikoak, teorikoak, fikziozkoak eta analitikoak biltzen ditu atal horrek, genero eta idazketa moduen arteko gurutzaketak aztertzeko.



landabarrenako-dama

Landabarrenako Dama

Pilar De Zubiaurre

Durangoko Arte eta Historia Museoa (Durango, Bizkaia)

Du 08 Septembre 2026
Au 29 Novembre 2026

66-76-26

66-76-26

Steve MᶜQueen

Guggenheim Bilbao (Bilbo, Bizkaia)

Du 09 Octobre 2026
Au 21 Février 2027

bitartean-donde-mentras

Bitartean | Donde mentras

Alan Sastre, Xavi Ceerre

Juan Manuel Lumbreras (Bilbo, Bizkaia)

Du 29 Octobre 2026
Au 04 Décembre 2026

l-cohen

L. Cohen

James Benning

Artium (Gasteiz, Araba)

Du 21 Novembre 2026
Au 10 Janvier 2027

portrait-intime

Portrait intime

Pilar Belzunce

Txillida leku (Hernani, Gipuzkoa)

Du 05 Juin 2025
Au 26 Décembre 2026

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 13 Novembre 2026

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 12 Novembre 2026

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 12 Novembre 2026

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 4 Novembre 2026

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 4 Novembre 2026

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

meta-morphosis

Meta-morphosis

Jone Alaitz Uriarte [ARGIA.eus]
| 30 Octobre 2026

Oro har artista baten lana aztertzen denean, sortzaileak behin eta berriz irudikatzen edo margotzen dituen motiboetan jartzen da arreta: zer objektu edo errealitate agertzen diren maizen, zein forma edo irudi agertzen diren behin eta berriro haren obran. Motibo horiek euskarrira —mihisera, buztinera edo paperera— eramateko moduak, berriz, estiloaren auzira garamatza. Interesgarria da, hala ere, kontrako ariketa egitea: artista batek, kasu honetan margolari batek, zer margotzen ez duen aztertzea.

bixente-ameztoi-paradisua-pintatzen

Bixente Ameztoi paradisua pintatzen

Joseba Zulaika [ARGIA.eus]
| 30 Octobre 2026

Remelluri upategiko kapera pintatzeari ekin zion Bixente Ameztoik 1993an. Frank Gehry bere Bilboko museo erraldoirako lanean hasia zen. Bastidako (Araba) santutegi ezkutua zen Bixenteren kapera.

denbora-desegiteko-konjurua

Denbora desegiteko konjurua

Maite Luengo Agirre [BERRIA.eus]
| 28 Octobre 2026

Finissage | Artista: Amaia Urra. | Non: Atoi gunean, Bilbon. | Noiz arte: abenduaren 12ra arte.

ez-ulertzearen-zoriontasuna

Ez ulertzearen zoriontasuna

Haizea Barcenilla [BERRIA.eus]
| 28 Octobre 2026

Aurrekoan Kyotoko Jidai Matsuri desfilea ikusteko aukera izan nuen. 2.000 lagun inguruk hartzen dute parte, jantzi historikoak soinean, mila urte atzera egiten duten adibideekin. Aho zabalik begiratzen genien mendebaldar guztiok kimonoei, armadurei, shozokuei, hantenei eta Interneten bilatu behar izan ditudan bestelako jantzi askori.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'œuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).