artekaria

Euskal Herriko
Artearen ataria

aktualitatea

Kulturaren eraldaketarako gaitasuna nabarmendu dute Bilboko Arte Ederren Museoaren irekiera ekitaldi ofizialean

Lau urteko lanen ostean, museoak bihar irekiko ditu ateak publiko orokorrarentzat, eta protokolozko irekiera ofiziala egiteko baliatu dute aukera erakunde publikoetako ordezkariek bezperan.

kulturaren-eraldaketarako-gaitasuna-nabarmendu-dute-bilboko-arte-ederren-museoaren-irekiera-ekitaldi-ofizialean
Arg/ Nigel Young

Iñigo Astiz [BERRIA.eus]
| 7 Octobre 2026

Gaurko protokolozko irekiera ofizialaren ostean, publiko orokorra baino ez zaio falta orain Bilboko Arte Ederren Museo berrituari. Lau urteko lanen ostean, bihar zabalduko ditu ateak erakundeak, eta Norman Foster eta Luis Maria Uriarte arkitektoek sinatutako diseinuari esker, guztira, beste 6.000 metro koadro izango ditu aurrerantzean. Halako kultur proiektuek duten "ahalmen eraldatzailea"nabarmendu dute erakundeetako ordezkariek ateak ireki bezperan antolatutako ekitaldi ofizialean.

Kulturak duen balioa maiz ez dela behar bezala baloratzen aipatu du Imanol Pradales Eusko Jaurlaritzako lehendakariak. "Ez da apaingarri soil bat". Baina, haren hitzetan, euskal gizarteak badaki halako museo batek "ospitale batek, eskola batek edo unibertsitate batek bezainbesteko balioa duela", gisa horretako kultur erakundeek aukera ematen dutelako "geure buruekin eta munduko beste lekuekin konektatzeko".

Pradales ez ezik, Ibone Bengoetxea lehen lehendakariorde, Kultura sailburu eta museoko patronatuko egungo presidentea, Elixabete Etxanobe Bizkaiko ahaldun nagusia, Juan Mari Aburto Bilboko alkatea, Miguel Zugaza museoko zuzendaria eta Norman Foster eta Luis Maria Uriarte arkitektoak izan dira ekitaldi ofizialean.

Lehendik ere, bi eraikinek osatzen zuten Bilboko Arte Ederren Museoa, eta bi eraikin horien gainean pausatutako beste eraikin bat da berrikuntza proiektuaren funtsa. Museoko arduradunek zubi moduko bat dela esaten dute horregatik, eta, aipatu dutenez, hainbatek txapela ere deitu izan diote era informalagoan.Bada, hirugarren gunea eta hark beste bi eraikinei eskaintzen dien aterpea da proiektuaren berrikuntza nagusia. Bi solairu ditu, eta bertan diraBBK museoa, diseinuari eta arkitekturari eskainitako gune berria, baieta Jorge Oteiza artistaren lanekin osatutako aretoa ere.

Azken asteetan museoko arduradunek urratsez urrats eman dute museo berrituak hartuko dituen erakusketen berri. Berritu egin dute haren bilduma erakusten duen erakusketa, esaterako, eta, nabarmendu dutenez, emakumezko artistei lehen baino leku handiagoa eskaini diete bertan. Ia 700 artelan biltzen ditu ibilbide horrek, esaterako, eta alderik alde zeharkatzen du museoa. Arduradunek kalkulatu dutenez, emakumezkoek egindakoak dira lan horien laurdenak inguru. Horrez gainera, bildumagintzak museoaren historian duen garrantzia ere azpimarratu dute egunotan, gaur egun haien bilduma osatzen duten lanen ia %70 dohaintza bidez heldu direlako bertara, eta, hain zuzen ere, ekarpen hori omendu nahi izan dute martxan izango dituzten beste bi erakusketekin: Araujo bildumako lanak dira haietako baten oinarria, eta Patricia Cisneros Phelps bildumagilearen lanekin osatuta dago bestea.

Pribilegio hutsa

Sarrera librea izango du museoak lehen asteetan, eta berrikuntzak ez dira soilik arkitektonikoak izango. Lantaldean egindako ordu eta txanda aldaketei esker, museoak egunero irekiko du aurrerantzean, eta sarrera librea izango du astearteetan. Gainerako egunetan, 12 eurokoa izango da sarrera arrunta, eta sei euroren truke eskuratu ahalko da murriztua. Horrez gainera, duela aste batzuk aurkeztu zuten bezala, urriaren 14tik aurrera sarrera bikoitz bat ere jarriko dute abian lau eguneko tartean Bilboko Arte Ederren Museoa eta Bilboko Guggenheim museoa bisitatu ahal izateko.

Ekitaldiz beteta egon dira publikoarentzako irekieraren aurreko egunak museoan. Asteburuan, esaterako, bertan izan da Norman Foster Pritzker saridun arkitektoa. Bera arduratu da, Luis Maria Uriarte arkitektoarekin batera, Agravitas izeneko proiektua diseinatzeaz. Aurrez, Bilboko metroaren geltokiak eta sarrerak ere diseinatu zituen Fosterrek, eta bi proiektu horiek hartu ditu gogoan egunotan. "Pribilegio hutsa izan da Bilboko metroarekin eta erakunde bikain honekin laguntzea".

Fosterrek eta Elena Ochoa bikotekideak hiru artelan ere eman dizkiote Bilboko Arte Ederren Museoari. Orain artean haien bildumaren parte izan dira orain museoaren sabai lanak egiten dituen egituraren terrazan ikus daitezkeen Anthony Caroren bi eskulturak, eta museoaren sarrera nagusia izango denaren aurrean dago hirugarrena. Anselm Kiefer artistaren eskultura bat da.

Espoliazioa salatzea

Salaketa plazaratzeko baliatu du irekiera ekitaldi ofiziala Bilboko Arte Ederren Museoaren Defentsa Zibikoa herri mugimenduak. Iñaki Uriarte arkitektoa da haren bultzatzaile nagusietako bat, eta urteak daramatza handitze lanak salatzen. Sabai gisa funtzionatzen duen egituraren ondorioz, lehen espazio publikoaren parte zen plaza orain museoaren parte izatera pasatu dela salatu du, zehazki. Eta plaza bera ez ezik bertan zegoen Francisco Durrio artistaren iturria ere "espoliatu" dutelasalatu du Uriartek. "Ondare publikoaren izendapena du", zehaztu du. Uriarteren arabera, izendapen hori izanda ezin da eskualdatu. Plaza eta eskultura museoan integratuta delitu bat egin dutelakoan dago Uriarte, eta hori salatzeko bidea ere abiatu du epaitegietan.


hemen-ez-den-nonbait

Hemen ez den nonbait

Ainhoa Apezteguia, Leire Lacunza eta Nagore Chivite

Iruñeako Zitadela (Iruñea, Nafarroa)

Du 01 Octobre 2026
Au 24 Janvier 2027

xabier-morras

Xabier Morrás

Kubo Kutxa aretoa (Donostia, Gipuzkoa)

Du 23 Octobre 2026
Au 07 Février 2027

lignes-d-erre

Lignes d'erre

Lou Chavepayre

Galerie Georges Pompidou (Angelu, Lapurdi)

Du 07 Novembre 2026
Au 27 Février 2027

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 20 Novembre 2026

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 20 Novembre 2026

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 20 Novembre 2026

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 13 Novembre 2026

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 12 Novembre 2026

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 12 Novembre 2026

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 4 Novembre 2026

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 4 Novembre 2026

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'œuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).