Laurence Des Cars, Louvreko lehendakari eta zuzendaria, Baionako udaletxearekin lankidetza hitzarmen bat sinatzera etorri zen 2023 bukaeran. Aldi honetan Jean-René Etxegarai, Baionako auzapeza, Yves Ugalde eta Sophie Castel kultura eta kultur ondareaz arduratzen diren bi auzapez-ordeekin, Parisko Louvre museora joan da. Eztabaidaren muinean, Bonnat-Helleu museoa berriz irekitzeko proiektuaren inguruko hitzarmenaren deklinabideen zehaztapena.

Oraindik obratan den Bonnat-Helleu museoaren berrirekiera 2025eko udarako aurreikusten bada ere, duela hilabete asko hasi eta bereziki 2024. urte honetan, eraikin berriaren funtzionamenduarekin zerikusia duten gai nagusiak jorratzen ari dira.

Ildo horretan, estrategikoa da Louvreko museoarekiko lankidetza, Baionako Bonnat-Helleu museoko bildumen zati handi baten jabetza duelako Lapurdiko hirian uzteko behartua bada ere..

Horrela, aholkularitzaren, zientzia-aditu eta laguntza operatiboaren inguruan egituratutako lankidetza zehatzak hainbat gairen inguruan zehazten ari dira, besteak beste:

• obren zaharberritzeak eta bildumen jarraipena;
• Museografia: hau da, bilduma iraunkorra deritzonaren antolaketa eta aurkezpena, jendeak berriro irekitzean deskubritu ahal izango duena;
• zientzia- eta kultura-proiektu baten definizioa eta idazketa;
• bereziki funtsezkoa, publikoak eta bitartekaritza-estrategiak museoaren etorkizuneko bisitariei begira: etorriko direla dakitenak eta ezer aldez aurretik antolatu ezean etorriko ez daitezkeenak; eta abar.

Lan bilera gehiago antolatzekoak dituzte, berrirekitze ekitaldia prestatzeko eta Louvrek Baionara ekartzea onartuko dituen obra maileguak aztertzeko, ekitaldi aparta ospatu ahal izateko, baita 2026tik aitzina aldi baterako erakusketak programatzeko ere.