artekaria

Euskal Herriko
Artearen ataria

aktualitatea

Ondarea kudeatzeko manerak

Festa ederra izan zuten larunbatean Larunben: Aranzadik herriko aztarnategian topatutako aldarea aurkeztu zuen, Valeria Vitella izeneko emakumeak Larraheri eskaini ziona orain dela bi mila urte inguru.

ondarea-kudeatzeko-manerak
Larrahe jainkosa gurtzeko Larunbeko aldarea. Arg/ Iñigo Uriz - Foku

21 Juin 2024 | Haizea Barcenilla [BERRIA.eus]

Erromatar tradizioarekin lotzen den forma du —halako aldareak ohikoak baitziren haien kultuetan, eta latinez idatzita baitago—, bainaLarraheizeneko jainko edo jainkosa baskoiari eskainita dago; hain zuzen, larreak zaintzen zituen emankortasunaren dibinitate baskoiari.

Piezak gure herriaren historia ezagutzeko beste pauso bat ekartzeaz gain, asko poztu ninduen hura ezagutzera emateko moduak. Larunbeko elizan elkartu ziren Aranzadiko zein Nafarroako Gobernuko arduradunak aurkikuntzaren berri emateko, herritarrekin bat, auzolanean aritu baitziren aztarnategian. Bertan erakutsi zen aldarea, jendeak berarekin argazkiak atera zituen, Juantxo Agirre Mauleon Arriaundi aztarnategiko zuzendariak piezaren inguruko azalpenak eman zituen, eta, ondoren, herri bazkaria eta festa egin zuten. Teleberri-n amona-iloba batzuk agertu ziren; ilobak auzolanean parte hartu zuen, eta, amonari eskutik heltzen zion bitartean, hunkituta azaldu zuen zein pozgarria zaion euskararen historiaren halako testigantza bat norberaren herrian eta guztion lanari esker topatu izana.

Oso barnean sentitzen dute amona-iloba horiek aurkitutako ondarea ez dela museo urrun batena, erakunde abstraktu batena, beraiena baizik. Valeria Vitella hurbil sentitzen dute, eta horiek dira ondarearekiko sortu daitezkeen sentimendurik garrantzitsuenak: identifikazioa eta norberarena izateagatik zaindu nahi izatea. Bikain planteatu du Aranzadik aurkezpena, herriko jendeari bere lekua eta garrantzia emanez, pieza berea dela aurkeztuz. Berea delako; denona delako.

Aldi berean, sentipen berdinak frustrazioz bizi dituen herritar mordo bat elkartu zen Dalia fabrikaren aurrean, Gernikan. Haiek ere sentitzen dute euren lurraldeko ondarearekiko identifikazioa eta zaintzeko nahia; ondare kulturala zein naturala. Horregatik, asaldatuta daude Jaurlaritzak, auzolanetik beste puntan kokatzen den politika bati jarraikiz, bertan Guggenheim museo bat eraikiko duela esan zuenetik. Ordutik dabiltza mobilizatuta, elkarrizketa eskatuz, zer esana izateko eskubidea aldarrikatuz. Orain dela egun batzuk, ezustean, Dalia eraisten ari zirela entzun, eta bertara hurbildu ziren, maite duten ondare horri eusteko. Hura ere berea delako; denona delako.

Jaurlaritza berria sortzen ari den honetan, polita litzake politikariak ere Larunbeko iloba-amonak ikusi eta hunkitu izan balira, eta ondarea kudeatzeko beste maneretan pentsatzen hasi balira. Baina, tamalez, mendi puntan dago haientzat Larunbe, urrun eta xume, eta Bilbotik hurbilegi Gernika.


tentelontzia

Tentelontzia

Ana G. Lartitegui

Azkuna Zentroa (Bilbo, Bizkaia)

Du 26 Juin 2024
Au 29 Septembre 2024

stmren-galarza-argazki-funtsa

STMren Galarza argazki funtsa

Gregorio González Galarza, Carmelo González Campano

San Telmo (Donostia, Gipuzkoa)

Du 26 Octobre 2024
Au 23 Janvier 2025

paroles-d-arbre

Paroles d'arbre

Christiane Giraud

Médiathèque Amikuze (Donapaleu, Nafarroa)

Du 25 Juin 2024
Au 28 Aout 2024

surrealismoaren-papera

Surrealismoaren papera

13 Juil. | Iñigo Astiz [BERRIA.eus]

Bere bildumaren parte diren 50 bat artelan surrealista jarri ditu ikusgai BBVAk Bilboko San Nikolas jauregian. Joan Miroren, Salvador Daliren eta Yves Tanguyren lanak daude tartean. Gehienak paperean egindakoak dira.

arte-ederren-bilboko-museoak-azken-hiru-hamarkadetan-osatutako-nazioarteko-arte-garaikideko-berge-bilduma-dohaintzan-jasotzeko-proposamena-onartu-du

Arte Ederren Bilboko Museoak azken hiru hamarkadetan osatutako nazioarteko arte garaikideko Bergé Bilduma dohaintzan jasotzeko proposamena onartu du

| 11 Juillet 2024

Bergé Bildumaren dohaintza 98 artelanek osatzen dute, eta 1980ko hamarkadaren amaieratik XX. mendearen lehenengo hamarkadara bitartean datatuak dira guztiak. Aipatzekoa da emakumeen artelanen ordezkaritza oparoa eta garai horretako jardun artistikoen aniztasun handia: pinturak, paper gaineko lanak, eskulturak, argazkiak, bideoak eta instalazioak.

lumbreras-galeriak-meszenasgo-bere-programarako-artista-gazteak-aukeratu-ditu

Lumbreras galeriak meszenasgo bere programarako artista gazteak aukeratu ditu

| 8 Juillet 2024

Gazteak Gazteei Deika (Joven Llama Joven, gazteleraz) egitasmorako irizpideak betetzen zituzten 70 hautagaitza jaso ditu Bilboko galeriak. Garazi Etxebarria Azurmendi, Aitana Rodriguez Albalejo, Alejandro Gonzales Oses eta Pablo Zabala dira 2024/2025 edizioan parte hartuko duten artista gazteak.

ez-amatasunaz-artisten-begietatik

(Ez)amatasunaz, artisten begietatik

07 Juil. | Edurne Begiristain [BERRIA.eus]

Amatasunak praktika artistiko eta kulturaletan duen eraginari buruz hausnartu dute hamar artistak, Gasteizen. Familia nukleotik harago doazen begiradak izan dituzte hizpide.

erromako-portu-zaharra-bilbo-erdian

Erromako portu zaharra Bilbo erdian

06 Juil. | Irene Barañano Diaz [BERRIA.eus]

Manu Muniategiandikoetxea artistak duela 2.000 urteko erromatar inperioan inspiratutako obra hirukoitza jarri du ikusgai Bilbon: 'Schola Navicolare di Traiano'. Erakusketa esperimentala da, eta udan ikusgai egongo da Azkuna zentroko terrazan.

tabakalera-errealitate-areagotuko-esperientzia-batean

Tabakalera, errealitate areagotuko esperientzia batean

| 5 Juillet 2024

Publizitate-kanpaina berritzaile batek errealitate areagotuaren bidez irudimenarekin bidaiatzea proposatzen digu. Iaz Zentroak abian jarritako kanpainaren jarraipena da, Espainiar estatu mailan lau sari jaso berri dituena.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'Åöuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).