artekaria

Euskal Herriko
Artearen ataria

aktualitatea

Galerien greba

Gutxik igarriko duzuen greba bat hasi zen atzo. Espainiako arte galeriek ateak itxita izango dituzte otsailaren 2tik 7ra. Galeriek astebeteko greba sinbolikoa egingo dute Espainiako Gobernuari artelanen gaineko balio erantsiaren gaineko zerga %21etik jaisteko eskatzeko. Izan ere, gaur egun artelanen salmenta luxuzko produktuen kopuruaren bidez zergapetzen da espainiar estatuan.

galerien-greba

Ismael Manterola Ispizua [BERRIA.eus]
| 5 Février 2026

Badira urte batzuk liburuen BEZa %4ra jaitsi zela eta horren antzeko kopurua eskatzen da beste kultur produktuentzat ere. Hain zuzen, %5 da Frantziaren menpe dauden Euskal Herriko lurraldeetan ordaintzen dena artelanak erostearen truke. Bada aldea 5etik 21era.

Ez dakit BEZaren jaitsierak salmentak ugarituko dituen, baina zerbait deigarria dago gaur egun erabiltzen den kopuru horretan. Luxuzko produktuen gaineko zerga erabiltzen da arteari aplikatzeko eta horrek Espainian arteari ematen zaion balio sinboliko bereziarekin harremana izan dezake. Artea luxuzko produktua al da? Edo aldiz, kulturaren barruan txeratzen den eginkizuna?

Galdera horrekin batera dator beste bat: arte produkzioa eta arte salmenta parekatu al daitezke? Denok dakigu ez dela gauza bera artistak bere lana saltzea edo kultura garaikideak sortu zuen marchand-aren tartekariak egiten dituen negozioak. Arte galeriek rol bikoitza dute kultur sistemaren barruan: kultur eragileak dira, eta, aldi berean, negozioa egiten dute. Sektorean, gainera, gorabehera handiak daude; badira galeria txiki eta xumeak (mugitzen duten diru kopuruaren arabera), eta inbertsio fondoen enpresetatik hurbilago dauden multinazionalak. Gauza bera gertatzen da erosleekin. Ezin da konparatu hilero diru kopuru txiki bat artelan bat erosteko gordetzen duen zale amorratua edo dirutza ordaintzeko prest dagoen aberats edo banku handia. Horregatik gaia ez da hain erraza. Artelanen salmenta luxuzko merkatuaren barruan egoten da batzuetan, baina kultur produktuen merkatuan ere kokatu dezakegu.

Gaiaren harira, badira urte batzuk artearen merkatuaren aldaketen inguruan idatzi nuela. Badirudi galeria txikien garaia pasatu dela. Erosle gutxi daude eta gutxi saltzen da. Sarritan gertatzen den bezala, arrain handiak dira txikiak jaten dituztenak eta arte munduan ere galeria handiek diru kopuru izugarriak maneiatzen dituzte erosle handiekin negozioak eginez. Azken horiek BEZa %21ean edo %5ean egon berdin-berdin jarraituko dute dirutza irabazten eta gastatzen. Muturraren beste aldean daudenek, aldiz, asko igarriko dute BEZaren jaitsiera, gehiago erosi ahal izango dute eta artelanetara errazago iritsiko dira.


ever-is-over-all

Ever is Over All

Pipilotti Rist

Guggenheim Bilbao (Bilbo, Bizkaia)

Du 01 Octobre 2026
Au 17 Janvier 2027

66-76-26

66-76-26

Steve MᶜQueen

Guggenheim Bilbao (Bilbo, Bizkaia)

Du 09 Octobre 2026
Au 21 Février 2027

gerezi-hori

Gerezi hori

Maider Aldasoro

Rekalde Aretoa (Bilbo, Bizkaia)

Du 08 Septembre 2026
Au 22 Novembre 2026

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 13 Novembre 2026

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 12 Novembre 2026

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 12 Novembre 2026

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 4 Novembre 2026

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 4 Novembre 2026

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

meta-morphosis

Meta-morphosis

Jone Alaitz Uriarte [ARGIA.eus]
| 30 Octobre 2026

Oro har artista baten lana aztertzen denean, sortzaileak behin eta berriz irudikatzen edo margotzen dituen motiboetan jartzen da arreta: zer objektu edo errealitate agertzen diren maizen, zein forma edo irudi agertzen diren behin eta berriro haren obran. Motibo horiek euskarrira —mihisera, buztinera edo paperera— eramateko moduak, berriz, estiloaren auzira garamatza. Interesgarria da, hala ere, kontrako ariketa egitea: artista batek, kasu honetan margolari batek, zer margotzen ez duen aztertzea.

bixente-ameztoi-paradisua-pintatzen

Bixente Ameztoi paradisua pintatzen

Joseba Zulaika [ARGIA.eus]
| 30 Octobre 2026

Remelluri upategiko kapera pintatzeari ekin zion Bixente Ameztoik 1993an. Frank Gehry bere Bilboko museo erraldoirako lanean hasia zen. Bastidako (Araba) santutegi ezkutua zen Bixenteren kapera.

denbora-desegiteko-konjurua

Denbora desegiteko konjurua

Maite Luengo Agirre [BERRIA.eus]
| 28 Octobre 2026

Finissage | Artista: Amaia Urra. | Non: Atoi gunean, Bilbon. | Noiz arte: abenduaren 12ra arte.

ez-ulertzearen-zoriontasuna

Ez ulertzearen zoriontasuna

Haizea Barcenilla [BERRIA.eus]
| 28 Octobre 2026

Aurrekoan Kyotoko Jidai Matsuri desfilea ikusteko aukera izan nuen. 2.000 lagun inguruk hartzen dute parte, jantzi historikoak soinean, mila urte atzera egiten duten adibideekin. Aho zabalik begiratzen genien mendebaldar guztiok kimonoei, armadurei, shozokuei, hantenei eta Interneten bilatu behar izan ditudan bestelako jantzi askori.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'œuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).