Lehiaketan parte hartzen dutenek formularioa bete eta proposamena bidali beharko dute 2025eko martxoaren 3a baino lehen https://www.aedashomes.com/salahorno webgunearen bidez. Epaimahaiak irabazle bakarra aukeratuko du, 10.000 euroko saria jasoko duena, saritutako instalazioan erabiliko diren material guztiak barne hartuko dituena.

Labea Aretoa Ziudadelan kontserbatutako eraikinik zaharrenetako bat da. XVI. mendekoa da, eta 1644. urtean amaitu zituzten hura eraikitzeko lanak. Jakiak erre eta egosteko erabiltzen zen. Oinplano biribila du, 10 cm-ko diametroduna, eta 8,90 cm garai da. Guztira, 78,50 metro ditu. Adreilu trinkozko kupula du. Zorua, berriz, Ezkabako harrizko galtzada-harriekin osatua da. Oinplanoa kalearen maila berean dago, eta bi ate ditu sarbide gisa.

Egitasmo honekin, parte hartzaileek Labea Aretoan instalatzeko moduko artelan bat egitea lortu nahi da. Labea Aretoaren historia eta arkitektura inspirazio-iturri izan daiteke arte-instalazioak sortzeko. Beraz, artelanak lotura izan behar du jarriko den tokiarekin: sorkuntzak zerikusia izan behar du toki jakin horrekin, balioa eman behar dio, tokia oinarri hartuta sortu behar da. Tokiarekin, haren historiarekin, hura hautemateko moduarekin eta izan ditzakeen esanahiekin lotutako esperientziak eskaini behar ditu artelanak. Edozein material erabil daiteke sorkuntzak egiteko, eta edozein forma eta motatakoak izan daitezke, baita ikusizkoak, entzunezkoak edo bien arteko nahasketa bat ere. Azken batean, instalazioa hiriaren historiari buruzko gaiak, gai sozialak eta ingurumenarekin lotutakoak jorratzeko erabiltzean datza egitasmoa, elkarrizketa eta kontzientzia sozial eta kolektiboa sustatzeko.

Iruñeko Udalak, AEDAS Homesek eta gainerako kolaboratzaileek beren esku dauden komunikabideetan eta sare sozialetan emanen dute lehiaketaren eta irabazlearen berri.

Lehiaketak AEDAS Homesen babesa du, "Con las artes" programaren barruan. Programa horren bidez, enpresak artea eta kultura hedatzen laguntzen duten ekintzak egiten ditu, bere ingurumen-helburu handinahien barruan.Kultura hiri-identitate berriekin kohesionatzea da helburua, gizartearen eta artisten arteko zubiak eraikiz, kulturarekiko eta herritarkontzientziarekiko konpromisoa sustatuz.

Egitasmoa martxan jartzeko, AEDAS Homesek Iruñeko Udalaren eta Huarte Zentroaren babesa jaso du.