Uharte Arte Garaikideko Zentroak "A3+ Hezkuntza Proiektua" ekimenaren erakusketa aurkeztuko du Iruñeko autobus geltoki zaharrean, Geltoki gunean. Proposamen honek 2025-26 ikasturte akademiko osoan zehar garatutako sorkuntza artistikoko eta koprodukzioko prozesuen emaitzak biltzen ditu. Erakusketa hau lan kolektiboaren isla da, non hezkuntza-esparruak, komunitatearen gizarte-egiturak eta jardun artistiko garaikideek bat egin duten.

Erakusketa-espazioaren beraren kontzeptualizazioa eta diseinu formala lau lan-saio bateraturen bidez egituratu dira. Prozesu honetan, Uharte Zentroko hezkuntza-taldeak modu aktiboan lagundu die, Elvira Ongil artistaren laguntzaz, erakunde parte-hartzaileetako irakasle eta arduradunei, prozesu zein objetuak jendaurrean aurkezteari forma emateko.

A3+ Proiektua urteko ekoizpen partekatuko espazio gisa finkatu da. Bertan, hezkuntza formaleko eta sozialeko 27 taldek zentroko lantaldearekin lotura estuan egin dute lan sorkuntzako 18 proiektutan. Edizio honetan, gizartean eta arlo pertsonalean garrantzi handia duten lerro tematikoak jorratu dira, hala nola sexualitatea, lurraldea, gorputza, elikadura edota natura; hori guztia, soinu-artea, bitarteko digitalak, zeramika, dantza, argazkigintza, collagea eta instalazioa biltzen dituzten hizkuntza garaikideen bidez bideratuta.

Ekimen hau Nafarroako Kutxa Fundazioaren eta "la Caixa" Fundazioaren Innova Programarekin elkarlanean garatu da, eta komunitate zein zentro sare zabal baten inplikazioari esker gertatu da, besteak beste: Kabia-Lantxotegi, Sarriguren BHI, Tierra Estella BHI, Marqués de Villena BHI, Zizur BHI, CPEIP Nuestra Señora de la Asunción, CP Virgen Blanca IP, CP Lodosa IP, Ilundain Fundazioa, Gaztelan Fundazioa, ASORNA, Nuevo Futuro, ANFAS, SARE, SEI eta Baztan Zentroa. Halaber, ikerketa- eta ekoizpen-prozesuek laguntzaile izan diren artista hauen laguntza profesionala izan dute: Reimi, Andoni Torres, Célia Morel, Alessandro Martins, Martín Etxauri "Txo?!", Silvia Ayerra, Lina Ruiz, Alba Fernández, Belén Irureta, Renata Gelosi eta Elvira Ongil Escribano.

Jarduera publikoen programa

Erakusketa-espazioa dinamizatzeko eta herritarrekin topo egiteko asmoz, Uharte Zentroak ekainean zehar garatuko diren loturiko jarduera batzuk programatu ditu proiektuetan parte hartu duten zenbait pertsonenen eskutik:

• Inshallah / oxalá / ojalá – Ekainak 24, 20:00.

Antzerki komunitarioko pieza eszeniko baten aurkezpena. Musika abiarazle sortzaile gisa hartuta, kideen oroitzapenak, nahiak eta eraldaketa indibidual zein sozialerako borondateak biltzen ditu, umorearen, gizarte-kritikaren eta samurtasunaren bidez. Lan hau Maialen Díazek (Calatea Teatro) zuzendutako sorkuntza kolektiboa da, Lantxotegiren laguntzarekin Teatrodix Jaialdiak antolatutako "Esas canciones que viajan conmigo" sorkuntza-laborategiaren esparruan.

• Desobedecer el cuerpo – Ekainak 29, 11:00.

Mugimenduaren, hausnarketaren eta sorkuntza kolektiboaren bidez gorputz-desobedientziaren kontzeptua esploratzera gonbidatzen duen proposamen praktikoa. Tailerrak eguneroko arauak eta automatismoak qozpikatzea proposatzen du, mugimendua autonomia eta adierazpen tresna gisa partekatzeko. Saio hau SARE elkartearekin elkarlanean garatutako A3+ proiektuaren ikerketa-lerroetatik sortu da, eta Sheila Ilarrazek eta Raquel Ercek (Tasubinsa zentro okupazionaleko kideak) emango dute, Alba Fernández artistarekin batera.

Erakusketa ekainaren 30era arte bisitatu ahal izango da, jendearentzako ohiko ordutegian: astelehenetik ostiralera 10:00 - 21:00, eta larunbatetan 11:00 - 19:00.