Artista Liburuari Buruzko VIII. Topaketeta San Telmo museoan
50 artista eta taldetik gora izango dira asteburuan museoan Artista Liburuari Buruzko VIII. Topaketetan
| 16 Novembre 2023
San Telmo Museoak eta Arteliburu 21ek asteburu honetan, azaroaren 17tik 19ra, Artista Liburuari Buruzko VIII. Topaketak antolatuko dituzte museoan. Hiru egun horietan zehar 50 artistak eta taldek baino gehiagok beren lanak erakutsiko dituzte elizan egingo den erakusketan.
Gainera, hainbat hitzaldi egongo dira, besteak beste, aurtengo artista gonbidatuek, Julia Otxoak eta Ricardo Ugartek, eskainiko dituztenak. Horietan berariaz topaketa hauetarako sortutako lanak eskainiko dituzte. Horrez gain, ohi bezala tailerrak egongo dira familia eta gazteei zuzenduak eta baita poesia errezitaldiak ere.
Hala erakusketarako sarrera nola jardueretan parte hartzea doakoa izango da.
San Telmon izango diren topaketa hauek programazio zabalago baten parte dira, Arteliburu 21 elkarteak artista liburuak ezagutarazteko sortuak. Hala, urrian eta azaroan, hainbat jarduera antolatu dira Gipuzkoan zehar tokian-tokiko elkarte eta eragileen lankidetzarekin.
Asteburuko programazioa:
ERAKUSKETA
Azaroak 17, 18 eta 19. Elizan. 50 egile baino gehiagoren artista liburuen erakusketa
Ordutegia
- Azaroak 17, 16:30 - 19:00
- Azaroak 18, 10:00-19:00
- Azaroak 19, 10:00 — 13:30
JARDUERAK
Azaroak 17
- 16:30 Inaugurazioa
- 17:15 Artista gonbidatuen hitzaldiak. Gaztelaniaz. | Del silencio y el libro, Julia Otxoa | Del círculo y el acero, Ricardo Ugarte
- 17:30-19:00. Gazteentzako tailerra. Euskaraz. | Sert-en mihiseak gure artista liburuan interpretatuz, Eluska Kortajarena. 16 urte baino gehiagoko gazteei zuzendua. Izen-ematea: bibliosantelmo@donostia.eus
- 18:15. Hitzaldia. Gaztelaniaz | El arte no es para tanto: los libros de artista de Luis Costillo, Eduardo Achótegui
Azaroak 18
-11:30-14:00. Liburuaren arte eta ofizioen inguruko solasaldiak. Gaztelaniaz. Materiales para encuadernación: opciones, características y cómo usarlos, Eva Rodríguez | Cabezadas originales, Eva Rodríguez | Charla improvisada de maquetación digital, Alfredo Gil | El libro de artista como recopilación de dibujos, Olaia Martínez
-17:00-19:00. Familientzako tailerra. Euskaraz. BETETA. Artista liburua: gardentasuna eta collagerekin jolastuz, Eluska Kortajarena.
Azaroak 19
- 12:00-13:30. Musika, nobela, poesia, kontakizuna. Elebitan.
