artekaria

Euskal Herriko
Arte Ataria

aktualitatea

Xare Álvarez izango da STM-ko Artea abian programan parte hartuko duen hurrengo artista

Kutxa Fundazioaren eta San Telmo Museoaren arteko lankidetzaren bitartez sormena sustatzeko helburua duen Artea abian proiektuak jarraipena izango du Xare Álvarez artistarekin. Bere lanekin osatutako erakusketa 2024ko maiatzean jarriko dugu ikusgai

xare-alvarez-izango-da-stm-ko-artea-abian-programan-parte-hartuko-duen-hurrengo-artista

| 30 Novembre 2023

Xare Álvarez Berakoetxea (Donostia, 1990) da Artea abian proiektuaren bosgarren edizioan parte hartuko duen hurrengo artista, aurrekoetan Nagore Amenabarrok, Oier Iruretagoienak, Kimia Kamvarik eta Mikel Otxotekok parte hartu ondoren. Bere lanekin osatutako erakusketa 2024ko maiatzean jarriko dugu ikusgai museoko laborategian.

Xare Álvarezen ibilbidea eskulturaren esparruan garatu da. Gorpuzkera arineko objektuak eta materialak, forma malguak eta moldekagarriak, metatzeko eta biltzeko ariketa du abiapuntu. Azken batean, forma horiek aldatu egin daitezke, eta manipulazio, jabetze eta testuingurutik ateratzeko prozesuen mende jartzen ditu.

Artea abian ekimenaren bidez, Kutxa Fundazioak eta San Telmo Museoak beren ibilbide profesionalaren lehen urteetan dauden eta beren obraren aurkezpen monografikoari aurre egiteko esperientzia nahikoa duten artistei laguntza eta babesa eskaini nahi diete. Helburu nagusia gune instituzional edo museistiko batean erakusketa indibiduala egitea erraztea da. Erakusketarekin batera, gainera, katalogo bat argitaratuko da, elementu garrantzitsua zabalkunde tresna delako.

Programa honetako partehartzaileen aukeraketarako esparru geografikoa Gipuzkoako lurralde historikoa da, artistaren jatorri eta/edo jarduera leku gisa. Horrek esan nahi du artista hautagarriak direla lurraldean jaiotako edo hari lotutako pertsonak, lotura hori modu zabal eta irekian ulertuta.

Arte garaikidea sustatzeko ekimen honek Museo Bikoitza proiektuarekin bat egiten du San Telmo Museoan, non artistek San Telmoren bildumatik abiatuta lan egiten duten. Artea Abian egitasmoan parte hartzen dutenek ibilbide ez hain finkatua izan arren, bi proiektuek San Telmo Museoak euskal arte garaikidearekin duen konpromisoa indartzen dute. Halaber, haiekin lehian izatetik urrun, ekimen berri honek testuinguruari laguntzeko proiektuen eszena indartzen laguntzen du, espazio berri bat txertatuz. Proposamenak Kutxa Fundazioaren erakusketa aretoen programazioa ere osatzen du, eta lurraldeko arte sorkuntzarekin duen konpromisoa indartzen du.

Xare Álvarez Berakoetxea, Artea Abianen bosgarren edizioko artista

Arte Ederretan lizentziaduna da UPV/EHUn eta École Nationale Supérieure des Beaux Arts-en (Paris). Duela gutxi, hainbat beka eta sari jaso ditu, hala nola INJUVE gazteen sorkuntzarako laguntzak, Guggenheim Bilbao Museoaren EGINBERRI beka, TBK-CAC La Synagogue de Delme truke-erresidentzia edo Gipuzkoako Artista Berrien Programaren ohorezko aipamena.

Erakusketen artean nabarmentzekoak dira Nudo, Urdimbre, Hilván, La Taller (Bilbo, 2023); Pulso, Altxerri Galeria (Donostia, 2022); Baginen bagara, San Telmo Museoa (Donostia, 2021); Un momento atemporal, Tabacalera (Madril, 2020); Canon, Sala Amadís (Madril, 2019); BiDosTwo, Azkuna Zentroa (Bilbo, 2018); Eginberri, Guggenheim Bilbao Museoa (2017); Orsal, Bel Ordinaire (Pau, 2017); Guéoir, Atelier del CAC La Synagogue de Delme (Delme, 2016); eta 15/32, Koldo Mitxelena Kulturunea (Donostia, 2016).


stmren-galarza-argazki-funtsa

STMren Galarza argazki funtsa

Gregorio González Galarza, Carmelo González Campano

San Telmo (Donostia, Gipuzkoa)

Du 26 Octobre 2024
Au 23 Janvier 2025

ikuspuntuak-ellas

Ikuspuntuak. Ellas

Erakusketa kolektibo digitala

Bilboko Arte Ederren Museoa (Bilbo, Bizkaia)

Du 28 Février 2023
Au 28 Février 2024

tentsio-bihurriak

Tentsio bihurriak

22 Fév. | Jone Rubio Mazkiaran [BERRIA.eus]

x0x0, zu toles, ni bihur | Artista: Leyre Arraiza | Non: Oihaneder Euskararen Etxean, Gasteizen. | Noiz arte: Martxoaren 10era arte.

bloke-artean-galduta

Bloke artean galduta

22 Fév. | Ismael Manterola Ispizua [BERRIA.eus]

Galduta nago ondo ezagutzen dudan herrian. Edo ondo ezagutzen nuen herrian esan beharko nuke. Kale erdian nago etxebizitza moderno handi eta altuen artean, non nago? Uste nuen Zarautzera etorri nintzela, baina ez dut errekonozitzen.

uharte-zentroa-arte-plastikoen-eta-ikusikoen-laguntza-programaren-2024ko-deialdia-ireki-da

Uharte Zentroa: arte plastikoen eta ikusikoen laguntza Programaren 2024ko deialdia ireki da

| 16 Février 2024

Nafarroako Gobernuko Kultura, Kirola eta Turismo sailarekin elkarlanean sustatuta, Uharte Zentroak, arte plastiko eta ikusikoetarako diru-laguntzen programa abiarazi du, arte plastikoen eta ikusikoen arloan ikerketa arloko proiektu artistikoak ontzeko, hau da, pinturan, eskulturan, marrazkian, grabatuan, argazkian, perfomancean, teknologia berrietan, bideosorkuntzan, prozedura mistoetan edota arte plastikoetako beste edozein modalitatetan.

gral-frustratuak

GRAL frustratuak

15 Fév. | Haizea Barcenilla [BERRIA.eus]

Lore bulegora etorri zait Gradu Amaierako Lanari buruz (GRAL) hitz egitera. Euskal Herriko artea landu nahi du, eta pintura gustatzen zaio bereziki; artista emakume baten inguruan egin nahi du, gutxi ezagutzen baititu.

ikusmena-eta-begirada

Ikusmena eta begirada

08 Fév. | Ismael Manterola Ispizua [BERRIA.eus]

Ikusten dugunaren errepresentazio zuzena egitea izan da artearen zereginetako bat, Errenazimentutik aurrera behintzat. Hala ere, asmo horrek jarrera oso ezberdinak izan ditu historian zehar. Ikusten dugunaren irudi objektiboa pintatu nahi izan zuten artista askok XVI. eta XVII. mendeetan.

mugak-eta-planoak

Mugak eta planoak

08 Fév. | Jone Rubio Mazkiaran [BERRIA.eus]

'Bab Sebta' | Artista: Randa Maroufi. | Non: Gasteizko Artium museko Z aretoa. | Noiz arte: Apirilaren 21era arte.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'Åöuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).