artekaria

Euskal Herriko
Artearen ataria

aktualitatea

Sormenaren hariak ez du etenik Alkizan

Alkizako Udalak eta herriko eragileek martxan jarri dute Sormenaren Kabia Bekaren zazpigarren edizioa. Ekainaren 1etik uztailaren 1era proiektuak aurkezteko aukera izango da.

sormenaren-hariak-ez-du-etenik-alkizan

11 Juin 2024 | Fagus Alkiza

Alkizako Udalak, herriko eragileekin elkarlanean, artistek, hausnartu, sortu eta lan egiteko proiektu bat sortu zuen 2018n: Sormenaren Kabia beka. Egitasmo horrekin lortu nahi dute Alkiza landa-eremuko sorgune moduan erreferente izatea eta arte-sorkuntza hirietatik deszentralizatzea.

Deialdian parte hartu dezakete edozein disziplinetako artistek: arte plastiko eta bisualak, arte eszenikoak, dantza, arkitektura, musika, literatura eta zinema. Sormenaren Kabia beka adinez nagusia den edozein sortzailerentzako irekita dago.

Aurreko ekitaldien moduan, bi beka emango dira. Mila euroko diru-saria jasoko du hautako proiektu bakoitzak eta hiru astez Alkizan hausnartu eta sortzeko aukera izango dute Lete Apartamentuetan.

Beka lortzen duten artistek, bestalde, Ur mara museoko Elena Cajaraville artista bitxigilearen eta Koldobika Jauregi eskultorearen bidelaguntza izango dute. Gainera, Unai Sorarrain bideogile alkizarrak beka eskuratzen duen proiektu bakoitzeko ikus-entzunezko bana egingo du neurrira.

Antolakuntzak urtero epaimahai bat osatzen du beren-beregi. Aurten, Jauregi eskultorearen alboan izango dira Idoia Zabaleta, Azala sorkuntza espazioko zuzendari artistikoa eta Miriam Loidi, 2023ko Sormenaren Kabia beka irabazi zuten artistetako bat. Antolakuntzak epaimahaiaren erabakiaren berri emango du uztaila amaitu aurretik eta aurtengo ekitaldiaren emaitzak jendaurrean aurkeztuko dira abenduan.

Sormenaren Kabia bekaren antolatzaileek azpimarratu nahi dute deialdia sormena eta natura maite duten artista guztientzat irekita dagoela, eskarmentu handiko artistek zein hasiberriek, denek dutela tokia. Hortaz, Alkizako Sormenaren Kabia dagoeneko prest dago denetariko proposamenak biltzen hasteko.

Parte hartzeko baldintzak

Eskatzaile bakoitzak proiektu bakarra aurkeztu ahalko du.

Lanak beste inolako deialditara edo lehiaketetara aurkeztu gabeak izan beharko dira.

Hautagaiek argi adierazi beharko dute landu nahi duten proiektuaren plangintza orokorra zein den eta Alkizako egonaldian zehar zehazki zer egingo duten (proiektuaren kronograma).

Proiektuak Sormenaren Kabiak eskaintzen dituen baliabide eta baldintzetara moldagarria izan beharko du.

Artistek antolakuntzarekin adostutako datetan Alkizan egon beharko dute. Baldintza hori beteko ez balute, 1.000 -€ko saria eta egonaldian parte hartzeko eskubidea galduko lituzkete.

Sormenaren Kabian parte hartuko duten sortzaileek, noiz edo noiz, nola lan egiten duten ikusteko aukera eskainiko diete herritarrei zein kanpoko bisitariei eta kazetariei ere; trukean ez dute aparteko ordainsaririk jasoko.

Alkizako egonaldia amaitu ondoren, parte hartzen duten artista edo taldeek proiektuaren memoria bat aurkeztu beharko dute urtea amaitu aurretik.

Antolakuntzak ez ditu onartuko hizkera sexista, homofoa edo arrazista darabilten proiektuak.

sormen-kabia-2024

Sormen Kabia 2024

Alkiza

Fagus Interpretazio Zentroa (Alkiza, Gipuzkoa)

Du 01 Juin 2024
Au 01 Juillet 2024


argi-itzalak

Argi Itzalak

Jose Ramon Anda

Nafarroako museoa (Iruñea, Nafarroa)

Du 17 Mai 2024
Au 23 Mars 2025

klima

Klima

Allora & Calzadilla

Azkuna Zentroa (Bilbo, Bizkaia)

Du 20 Juin 2024
Au 06 Janvier 2025

fronts

Fronts

Karlos Martinez B.

Okela (Bilbo, Bizkaia)

Du 21 Juin 2024
Au 26 Juillet 2024

playground

Playground

Jef Aerosol

Galerie Barthelemy Bouscayrol (Biarritz, Lapurdi)

Du 06 Juillet 2024
Au 07 Septembre 2024

surrealismoaren-papera

Surrealismoaren papera

13 Juil. | Iñigo Astiz [BERRIA.eus]

Bere bildumaren parte diren 50 bat artelan surrealista jarri ditu ikusgai BBVAk Bilboko San Nikolas jauregian. Joan Miroren, Salvador Daliren eta Yves Tanguyren lanak daude tartean. Gehienak paperean egindakoak dira.

arte-ederren-bilboko-museoak-azken-hiru-hamarkadetan-osatutako-nazioarteko-arte-garaikideko-berge-bilduma-dohaintzan-jasotzeko-proposamena-onartu-du

Arte Ederren Bilboko Museoak azken hiru hamarkadetan osatutako nazioarteko arte garaikideko Bergé Bilduma dohaintzan jasotzeko proposamena onartu du

| 11 Juillet 2024

Bergé Bildumaren dohaintza 98 artelanek osatzen dute, eta 1980ko hamarkadaren amaieratik XX. mendearen lehenengo hamarkadara bitartean datatuak dira guztiak. Aipatzekoa da emakumeen artelanen ordezkaritza oparoa eta garai horretako jardun artistikoen aniztasun handia: pinturak, paper gaineko lanak, eskulturak, argazkiak, bideoak eta instalazioak.

lumbreras-galeriak-meszenasgo-bere-programarako-artista-gazteak-aukeratu-ditu

Lumbreras galeriak meszenasgo bere programarako artista gazteak aukeratu ditu

| 8 Juillet 2024

Gazteak Gazteei Deika (Joven Llama Joven, gazteleraz) egitasmorako irizpideak betetzen zituzten 70 hautagaitza jaso ditu Bilboko galeriak. Garazi Etxebarria Azurmendi, Aitana Rodriguez Albalejo, Alejandro Gonzales Oses eta Pablo Zabala dira 2024/2025 edizioan parte hartuko duten artista gazteak.

ez-amatasunaz-artisten-begietatik

(Ez)amatasunaz, artisten begietatik

07 Juil. | Edurne Begiristain [BERRIA.eus]

Amatasunak praktika artistiko eta kulturaletan duen eraginari buruz hausnartu dute hamar artistak, Gasteizen. Familia nukleotik harago doazen begiradak izan dituzte hizpide.

erromako-portu-zaharra-bilbo-erdian

Erromako portu zaharra Bilbo erdian

06 Juil. | Irene Barañano Diaz [BERRIA.eus]

Manu Muniategiandikoetxea artistak duela 2.000 urteko erromatar inperioan inspiratutako obra hirukoitza jarri du ikusgai Bilbon: 'Schola Navicolare di Traiano'. Erakusketa esperimentala da, eta udan ikusgai egongo da Azkuna zentroko terrazan.

tabakalera-errealitate-areagotuko-esperientzia-batean

Tabakalera, errealitate areagotuko esperientzia batean

| 5 Juillet 2024

Publizitate-kanpaina berritzaile batek errealitate areagotuaren bidez irudimenarekin bidaiatzea proposatzen digu. Iaz Zentroak abian jarritako kanpainaren jarraipena da, Espainiar estatu mailan lau sari jaso berri dituena.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'Åöuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).