Bilboko Azkuna zentroak hilaren 12an jakinarazi zuen Fernando Perez zuzendariakkargua uztea erabaki zuela. Zentroak ohar bidez eman zuen berria, eta adierazi zuenPerezek "borondatez" erabaki zuela postuari uko egitea eta hori bera adierazi ziola Juan Mari Aburto Bilboko alkateari.

Gaur, berriz, Azkuna zentroak beste ohar baten bitartez iragarri du Perezekkarguan segituko duela urtarrilaren 13ra arte, eta hortik aurreraJavier Riaño Bilboarteko gaur egungo zuzendariak hartuko duela haren lekua, "aldi batez". "Era horretan, behar bezala koordinatu eta aprobetxatu ahal izango dira Bilboko Udalaren Kultura arloaren mendeko bi zentroetan programazio eta ekoizpen artistikoaren esparruandituzten sinergiak".

Era berean, Gonzalo Olabarria administrazio kontseiluko presidenteak jakinarazi du Bilboko Udalak urtarrilean abiaraziko duela beste zuzendaribat kontratatzeko prozesua.

Nahiz eta ez duten azaldu Perezek zergatik utziko duen kargua, hainbat komunikabidek adierazi dute azkenaldian tirabirak izan direla Azkuna zentroko zuzendaritzaren eta Bilboko Udalaren artean, La Caixa fundazioaren proiektu bat dela eta. Zentroaren Lantegi eremuan Steam izeneko gela bat ezartzeko asmoa du La Caixak, egun artisten egonaldietarako eta proiektuetarako erabiltzen den eremuan, hain zuzen ere.