Inmersiones gasteizko kultur elkarteak 'sua eginen' du XVI. topaketa kari
Topaketak praktika artistiko kolektiboak bultzatu nahi ditu. Gasteizko ZAS aretoan antolatu dute eta hogeita bat artistek parte hartuko dute "Sua Egin" izena duen edizio honetan.
| 23 de Noviembre 2023
Inmersiones artista berrien biltzarra, era honetako bakarra Euskal Herrian, XVI. aldiz egingo da, azaroaren 25ean, larunbata, nahiz eta bezperan ere jarduera paralelo batzuk izango diren. Topaketa honen helburu nagusia artistei eta haien proposamenei ikusgarritasuna ematea da, baita ezagutza trukatzea ere.
XVI. Inmersiones honetan, Ane Rodrìguez arituko da komisario lanetan. Artistak "Sua egin" gaia ekintza kolektiborako dei gisa planteatu du. "Inmersionesen, sutara joko dugu berriro, baina oraingoan, praktika artistiko kolektibo eta kolaboratiboetan murgiltzeko gogoz", adierazi du komisarioak.
Aurtengo edizioa hilaren 24an, ostirala, hasiko da, Gasteizko San Anton plazako ZAS gunean. 18:00etatik aurrera, Iñigo Basaguren-Duarte idazleak "Su sekretua. Suteak, garrak eta argi printzak erreakzio kontserbadorearen atakan". Ondoren, Julia Ramìrez Blanco ikertzailearen "Utopiak gorpuztu. Mundu hobe baten autoeszenifikazioak, denbora luzeko historia batetik abiatuak".
Dj Reimy musikari autodidakta eta kultur dinamizatzaileak amaituko du biltzarreko lehendabiziko jardunaldia. Dj Reimyk Educacciones izeneko lanean gauzatu duen praktika azalduko du, arte garaikidea ikasleei hurbiltzen dien jarduera paraleloa. Bizi Tuning-ek hainbat sormen-prozesu eta esperimentazioak egingo ditu bizikletarekin eta musikarekin, gizartea eraldatzeko eta komunitateari laguntzeko tresna gisa.
Biltzarra
Larunbat osoan, hitzaldiak eta ekintzak egingo dira, eta konbinatuko dira Euskal Herriko artistengandik jaso eta hautatutako proposamenak eta edizio honetarako berariaz gonbidatutako artistenak. Guztira, kolektiboen parte diren edo taldean lan egiten duten hogei bat artistak eskainiko dituzte beren arte modu desberdinak, sua egiteko modu desberdinak daudelakoan.
Inmersionesen XVI. edizioaren amaierarako, larunbat arratsaldean, Ane Rodrìguez komisarioak bi ekintza zulatzaile planteatu ditu Herética (s) eta HA! Ballroom. Victoria Ascaso artista transdiziplinarraren MYOF. Lankidetzaz bizirauteko kit bat proiektu parte- hartzaileak amaiera emango dio Inmersiones lanaren edizio horri.
Jarduera guztiak eta biltzarreko hitzaldiak Gasteizko San Anton plazako ZAS gunean egingo dira. Sarrera librea da. Goizeko saioak (10: 00etatik 14: 30era) streaming bidez emango dira, Youtubeko Inmersiones kanalaren bidez.
Parte-hartzaileen informazioa
Raira Rosenkjar, Antzerkian graduatua da ESACHn (2018), eta Ikerketa eta Sormena Artean Masterra du UPV/EHUn (2022). Ikusle emantzipatua, performance antzerkiko esperientzien bidez hedatua.
Javi Martínez eta Annat Vallés. Erabili ohi ditugun espazioak eta elkarrizketak hainbat antzekotasun izaten hasi dira, direla kasualitatez direla kausalak, eta horiek biok aberasten gaituzte. Bakarrik ezin duzu, lagunekin bai
Julia de Luis López.,Arte Ederretan lizentziatua da UPV/EHUn. Izurritea: La Comunidaden proiektu bat.
Julia Martos, artista eta ikertzailea da. Cuento de Mediodía kontakizun esperimental bat da, Julia Martos artistak eta Ojo Pértico kolektiboak taldean egina.
Oihane Sánchez Duro, Arte Ederren Fakultateko irakaslea da (UPV/EHU), eta Doktorego Sari Bereziduna. Magia, berritsukeria eta praktika kolektiboei buruzko sineskeriak.
Brillo Editorial. Brillo askotariko kokapenak dituen argitaratze proiektu bat da, Bilbo eta Valentziaren artean mugitzen dena, eta sorkuntzaren, bitartekaritzaren eta komisariotzaren arteko ekintzan dabil. Beldurrik ez etorkizunari
Alex Hernández. Bilbora lekualdatu zen bertan Arte Ederrak ikasteko. Bertan finkatu zen, eta magiari eta okultismoari buruz interesatzen hasi, eta hori bere praktika artistikora eraman zuen Underground magikoa, errealitateari eraso
AMIXR. AMiXR Peruko kolektibo bat da, eta kultura digitalari, errealitate hedatuei, adimen artifizialari eta hacktibismoari lotutako proiektuak ikertu, egin eta kudeatzen ditu, arte eszenikoen, plastikoen eta ikusizkoen bitartez. Esna amesteko kultura digitaleko praktika kolektiboak
HA! Ballroom. Lau artista dira, eta Bilboko Ballroom entrenamendu taldea osatzen dute. HA! Dou you know this language?
Herética(s) taldea Imanol Abadek, Leyre Arraizak, Ane Berganzak, Nesi Carok, Idoia Leachek, Javier Ozcoidik, Esti Zaratek, Jara Rosetek eta Candela Santiagok sortu zuten 2023an. Herética(s)-ek espazioa alde kolektibotik eraldatzera gonbidatzen du. Etilikoki primeran bazaude.
Leire San Martín. Feministaldia, Kultura Feminista Jaialdiaren programazioa eta koordinazioaren ardura daramat Txiskero bat eta gasolina
ELLAS Proiektua. Ainhoa Resano ikusizko artista da, bere proiektuen ardatza identitatea auzitan jartzea da, genero ikuspegi batetik. ELLAS: Album kolektibo bat Sarean kultura komunitario eta parte-hartzailerako espazio independente bat da, esperimentala, eta Bilboko San Frantzisko auzoko Mariaren Bihotza plazan kokatzen da.. Lankidetzan aritzeko, bat egin. Suari piztuta eutsi. Sua zaindu.
Victoria Ascaso, transdiziplinako artista. MYOF. Lankidetzaz bizirauteko kit bat.
Sareen lehiaketan, Hoguera proposamena izan da irabazle, UPV/EHUko Arte Ederretako fakultateko bost ikasle protagonista dituen bideoan jasotako performancea, non "etxea" eta "sua" kontzeptuen arteko harremana erakusten den.
