artekaria

Euskal Herriko
Arte Ataria

aktualitatea

GRAL frustratuak

Lore bulegora etorri zait Gradu Amaierako Lanari buruz (GRAL) hitz egitera. Euskal Herriko artea landu nahi du, eta pintura gustatzen zaio bereziki; artista emakume baten inguruan egin nahi du, gutxi ezagutzen baititu.

gral-frustratuak
Begoña Izquierdo lanean, 1986an. Arg/ Luis Izquierdo-Mosso

2024ko Otsailaren 15a | Haizea Barcenilla [BERRIA.eus]

Asko pozten nau: GRALak ez dira ikerketa proiektu handiak, jada existitzen den bibliografian oinarritzen dira, baina diskurtso garatu eta ordenatu bat eratzeko aukera ematen die ikasleei, eta, lan txukuna egiten badute, EHUko gordetegian (ADDIn) geratzen dira eskuragarri. Beraz, Lorek euskal artista emakume bati buruz ikasiko du, eta, gainera, hari buruzko ezagutza aberastuko du.Plan zoragarria.

Pintura figuratiboa gustatzen zaio Loreri, eta lehenik eta behin Mari Puri Herrero proposatzen dit lanerako. Marijaiaren sortzailea artista emankor eta maitatua da, ziur informazio asko dagoela hari buruz. Liburutegiko katalogoan sartu, eta ezetz ikusten dugu, ordea: orain dela 40 urteko bi katalogo txiki besterik ez dago, eta grabatuei buruzko beste berriago bat. Zertan oinarrituko du GRALa lanak non ikusterik ere ez badu?

Aurora Bengoetxea ere gustatzen zaio, baina berdin gaude: Irunen orain gutxi egindako erakusketa eder baina txikia kenduta, ez dago beste katalogorik. Juana Cima eta Mertxe Olaberen lanak ikusi ditu Lorek Artiumen, eta liluratu dute, baina haien kasua okerragoa da oraindik: ez dago ezer. Katalogo txikienik ere ez. Antzekoa gertatzen zaio artikuluetan aipatuta ikusi dituen beste artista batzuekin, Begoña Izquierdorekin, Carmen Maurarekin eta Maite Rocandiorekin kasurako: lan bakarra edo gehienez bi ezagutzen dizkie, eta ez dago bestelako informaziorik haien inguruan.

Ikasle arrunta da Lore, nota zoragarririk gabe guztia aprobatzen duenetakoa. Astean hirutan klase partikularrak ematen ditu dirutxo bat irabazteko. Hiru hilabete eta erdi ditu GRALa egiteko. Lorek badaki ez duela artistekin edo haien familiekin geratu eta lanak banan-banan ikusten hasteko astirik, eta, gainera, lan hori ikerketa zaila da, master edo doktoretza baterako egokiagoa; informazio gordina lantzea oso konplexua da.

Azkenean, hiru aukeren artean geratu da Lore: Menchu Gal, katalogo nahikotxo dituen bakarra (ez zaio bereziki gustatzen); Marta Cardenas (katalogo mardul bat dago behintzat); eta Mari Paz Jimenez (garai figuratiboa ez da ia ikertu, baina gutxienez artelanak erakusten dituen katalogo bat dago). Triste utzi du bulegoa, ni triste bertan utzita. Litekeena da hemendik astebetera Lorek jakinaraztea Leonora Carrington edo Paula Regori buruz egingo duela GRALa, duen denboran euren lana sakonki ulertzeko bibliografia nahikoa dagoelako.

Bitartean, Loreren ikaskideak liburutegian pozik daude, Oteiza, Txillida, Ameztoi, Zumeta, Badiola edota Amondaraini buruzko hamaikagarren lanak idazten.


atzeko-planoa

Atzeko planoa

Mikel Otxoteko

Montehermoso Kulturunea (Gasteiz, Araba)

2024ko Martxoaren 22tik
2024ko Maiatzaren 26ra

ekoiztu

Ekoiztu

Uharte Zentroa (Uharte, Nafarroa)

2024ko Otsailaren 23tik
2024ko Ekainaren 08ra

bi-eskultore

Bi eskultore

Aitor Ruiz de Egino, Hervé Larrieu

Apezpikuen presondegia (Donibane Garazi, Nafarroa)

2024ko Apirilaren 30etik
2024ko Maiatzaren 26ra

galdera-txikiak

Galdera txikiak

Mai. 17 | Ismael Manterola Ispizua [BERRIA.eus]

Zein den artistaren lekua galdetu dio irratiko esatariak artistari. Artistak galdera handi hori galdera txikitan xehetuko lukeela erantzun du.

hiru-hitz-hamaika-eduki-iii

Hiru hitz, hamaika eduki (III)

Mai. 10 | Haizea Barcenilla [BERRIA.eus]

Aurreko bi zutabeetan Erromako Kapitolioko Museoen sotoan ikusi nuen estela bat aztertzen aritu naiz. K.o. I. mendeko hilarri bat zen, eta hiru hitz besterik ez zuen, bata bestearen azpian: "Antiochus/libertus/pictor" esaten zuen, alegia, "Antiochus. Libertoa. Margolaria". Gaurkoan azken hitzari ekingo diot, pictor, margolaria.

esperimentazioaren-alde

Esperimentazioaren alde

Mai. 09 | Garazi Ansa [BERRIA.eus]

'Herri bat behar da mendi bat altxatzeko' | Artista: Maria Jerez. | Noiz arte. Abuztuaren 25era arte. | Non. Donostiako Tabakaleran.

hiru-hitz-hamaika-eduki-ii

Hiru hitz, hamaika eduki (II)

Mai. 07 | Haizea Barcenilla [BERRIA.eus]

Aurreko astean Erromako Kapitolioko Museoen sotoan ikusi nuen estela bat aztertzen hasi nintzen. Hilarri bat zen, eta hiru hitz besterik ez zituen, bata bestearen azpian:"Antiochus/libertus/pictor" esaten zuen, alegia, "Antiochus. Libertoa. Margolaria". Aurrekoan Antiochus izenari eskaini nion zutabea, eta gaurkoan libertus hitzak zer kontatzen digun arakatzea dagokit.

basterretxea-ehun-urte-bost-geldiune

Basterretxea: ehun urte, bost geldiune

Mai. 07 | Itziar Ugarte Irizar [BERRIA.eus]

Margolaritzan, eskulturan, zineman, diseinuan eta, orobat, euskal kulturaren susperraldiaren aldeko lanean nabarmendu zen Nestor Basterretxea. Mendea bete da artistaren jaiotzatik, eta bost urratsetan zeharkatu du haren ekarpena BERRIAk.

gorputz-izateko-formak

Gorputz izateko formak

Mai. 03 | Elena Olave [BERRIA.eus]

'KOSMETAI' | Egilea: Hodei Herreros. | Non: Montehermoso kulturgunea, Gasteiz. | Noiz arte: Maiatzaren 19ra arte.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.