Euskal Herriko
Artearen ataria
2023ko Urtarrilaren 11a
Ismael Manterola Ispizua [BERRIA.eus]
Badakit olatua pasatu dela, baina gaurko honetan erresakarekin nator gai bitxi batekin. Zein sari jasotzen dituzte bertso txapelketaren finalistek? Onartu behar dut ez naizela bertsolaritzaren jarraitzailea eta ez nuela finala ikusi, baina, jakin-minak jota, sarien banaketa ikusi nuen, jakiteko zein diren arte plastikoen mundutik kanpo baloratzen diren artelanak.
2023ko Urtarrilaren 5a
Enekoitz Telleria Sarriegi [BERRIA.eus]
Euskal Memoria fundazioak bere hamahirugarren lan monografikoa eman du argitara: 'Euskal Herriko horma biziak'. Azken lau hamarkaden kronika bat da, pareten mintzoa lagun.
| 2023ko Urtarrilaren 3a
Tabakalerak oso balantze positiboarekin amaitu du 2022 urtea zentroan egindako hamabi erakusketei dagokionean. Osotara, 167.500 bisitari izan dituzte. Publikoaren balantze horren arabera, kulturaren arloko erreferentzia nagusietako bat da Kultura Garaikidearen Nazioarteko Zentroa.
| 2023ko Urtarrilaren 2a
Dedikazio artistikoaren Xabier Saenz de Gorbea Sariaren epaimahaiak saria Juan Luis Goenaga (Donostia, 1950) margolariari ematea erabaki du, 2022-2024ko edizioan, bigarrenean.
2023ko Urtarrilaren 2a
Olatz Silva Rodrigo [BERRIA.eus]
Alberto Ipiñak eta Begoña Bidaurrazagak euskal artista batzuen hamabost lan eman dizkiete dohaintzan Bizkaiko Batzar Nagusiei. 2023ko urtarrilaren 5era arte egongo dira ikusgai
| 2022ko Abenduaren 20a
Arte Ederren Bilboko Museoak, urte osoan jasotako dohaintza eta legatuen multzo garrantzitsuaren aukeraketa bat aurkeztuz emango dio 2022ko erakusketa-programari amaiera. Gainera, ikusgai jarriko du azken urteotan nabarmen areagotu den jendarte zibilaren eta museoaren arteko lotura filantropiko aparta.
| 2022ko Abenduaren 20a
Kursaal Kongresu Jauregia eta Tabakalera elkarlanean aritu dira bigarren urtez, Jauregiaren fatxada ikonikoaren gabonetako argiztapena sorkuntza digitaleko obra bat izan dadin. Bi erakundeek, berrikuntza eta zabalkunde kulturalaren aldeko apustua berretsiz, laugarren aldiz indarrak batu dituzte proposamen artistiko berri bat garatzeko, eta horrela, fatxada mihise digital bihurtuko da berriro gabonetan.
2022ko Abenduaren 16a
Iraia Vieira Gil [BERRIA.eus]
Hogei artista inguru ariko dira 'Inmersiones' biltzarrean, asteburuan, Gasteizen. Maria Bastarosek irekiko du, eta Maria Salgadok itxi
| 2022ko Abenduaren 14a
Datorren ostegunean, abenduak 15, museoan ikusgai dagoen Indésirables. Bonbardaketatik esparrura. Erbesteratzearen ibilbideak erakusketako programazioaren barnean antolatutako jarduera batean parte hartuko dute Rogelio López Cuenca eta Cristina Lucas artistek San Telmo Museoan, erakusketaren komisarioa den Piedad Solansekin elkarrizketan.
2022ko Abenduaren 14a
Garazi Ansa [BERRIA.eus]
Kimia Kamvari. 'Alef' | Non: Donostiako San Telmo museoan. | Noiz arte: 2023ko otsailaren 5era arte.
2022ko Abenduaren 14a
Ismael Manterola Ispizua [BERRIA.eus]
Durangoko Azokaren harira, Pamielak argitaratzen duen Bagara saileko bigarren liburua aurkeztu da egunotan; oraingo honetan, Maria Paz Jimenez artistari eskainitakoa. Garazi Ansak zuzentzen du saila, eta haren helburua emakume artisten memoria berreskuratzea eta umeen artean zabaltzea da, ilustratutako ipuin liburuen bitartez.
| 2022ko Abenduaren 1a
Tabakalerak Arte Ederren Bilboko Museoaren bildumako artelanen aukeraketa bat erakutsiko du, museoaren handitze-lanek irauten duten bitartean. Erakusketak 60 pieza baino gehiago eta ekoizpen berriak izango ditu, Museoaren bildumari begirada berri bat emateko.
ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.
Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.
