artekaria

Euskal Herriko
Artearen ataria

aktualitatea

Lumbreras galeriak meszenasgo bere programarako artista gazteak aukeratu ditu

Gazteak Gazteei Deika (Joven Llama Joven, gazteleraz) egitasmorako irizpideak betetzen zituzten 70 hautagaitza jaso ditu Bilboko galeriak. Garazi Etxebarria Azurmendi, Aitana Rodriguez Albalejo, Alejandro Gonzales Oses eta Pablo Zabala dira 2024/2025 edizioan parte hartuko duten artista gazteak.

lumbreras-galeriak-meszenasgo-bere-programarako-artista-gazteak-aukeratu-ditu
Xavi Ceerreren -Esplai- erakusketa, 2019an. Arg/ Lumbreras galeria

| 8 Juillet 2024

JOVEN LLAMA JOVEN (Gazteak Gazteei Deika) bertako nahiz nazioarteko artista gazteak laguntzeko Juan Manuel Lumbreras galeriaren proiektua da, pintura, eskultura, argazkigintza, grafika eta ikus-entzunezkoen arloan. Honekin, galeriak helburu bikoitza lortu nahi du: alde batetik, talentu gazteak beren karreraren hasieran ezagutaraztea, eta, bestetik, beren belaunaldiko gazteak arte galerien mundura erakartzea.

Helburu artistiko hutsez gain, beste helburu bat ere badu: hautatutako artistek, beren erakusketen bidez, artearen merkatuan profesionalki hasteko baliabide ekonomikoak lortzea. Horretarako, erabakigarria da erakundeen, enpresen eta partikularren laguntza, urtean lanen bat erosiz; artistak salmentaren prezioa oso-osorik jasotzen du, galeriarentzat inolako komisiorik gabe. Galeriak baldintza bakarra du: artistarekin aukeratutako obra bat ematea galeriaren bildumarako.

Proiektuak kulturaren munduko erakundeen babesa du, baita EHUko Arte Ederren Fakultatearena, BilbaoArterena, irakasle, artista eta hainbat babesle pribaturena ere, hala nola Nautilus Lanzaroteko Artistaren Etxearena.

Mezenasgo proiektu hau duela zazpi urte hasi zuen Bilboko galeria famatuak eta, ordutik, 26 artista aukeratu dituzte bere egoitzan bakarkako erakusketa jartzeko.

Hautatutako lau artisten erakusketak ondoko data horietan erakutsiko dute Lumbreras galerian:

  • Garazi Etxebarria Azurmendi (2024ko urriaren 24tik abenduaren 5era)
  • Aitana Rodriguez Albalejo (2025eko urtarrilaren 10etik otsailaren 28ra)
  • Alejandro Gonzales Oses (2025eko martxoaren 6tik apirilaren 25era)
  • Pablo Zabala (2025eko maiatzaren 7tik ekainaren 12ra)

70 hautagaien soslaiak

Aurten, deialdiaren baldintza guztiak betetzen zituzten 70 eskaera onartu dituzte, hau da, honako ezaugarri hauek betetzen zituztenak:

  • Generoa: 40 emakume, 29 gizon, 1 ez binarioa.
  • Jatorria: 26 Euskal Herrikoak, 32 Estatu espainiarrekoak eta 12 bestelakotakoak (Alemania, Argentina, Brasil, Txile, Kolonbia, Indonesia, Italia, Peru, Portugal eta AEB)
  • Prestakuntza: 38 EHUkoak eta 32 nazioarteko beste fakultateetakoak.
  • Arloa: 52 pintura, 6 grabatu, 5 argazki, 3 eskultura, 2 zeramika eta 2 marrazki.

2016tik proiektuan parte hartu duten artistak

2016/2017 denboraldian Ivan Chacon, Mikel del Rio, Fernando Alvarez Charro eta Amaya Suberviola artistak aukeratu zituzten; 2017/2018 denboraldian Amalia Julieta Gomez, Gabriel Coca, Nagore Amenabarro eta Karlos Pellitero eta 2018/2019 denboraldian, Sònia Toneu, Eztizen La Cruz, Mikel Erkiaga eta Xavi Ceerre.

2019/2020 denboraldian, osasun-krisiaren eta jasaten ari ginen salbuespenezko konfinamendu-egoeraren ondorioz, bi artista baizik ezin izan zituzten hartu: Paula Costantino eta Pablo Astrain. 2020/2021 denboraldirako, alarma-egoeran osoki pasa genuen urterako, proiekturako aldez aurretik aukeratu zituzten artistetako batzuk erakustea erabaki zuten, haien bilakaera ikusi ahal izateko: Amaya Suberviola, Gabriel Coca, Eztizen la Cruz, Mikel del Rio, Sònia Toneu eta Xavi Ceerre.

2021/2022 denboraldian, Alba Seijas, Marcos Rico, Irene Carmona eta Jon Amorrortu izan ziren galerian bakarkako erakusketa jartzeko aukeratutako artistak. Horrez gain, Sònia Toneu eta Xavi Ceerreren lana Madrilgo (Espainia) ESTAMPA azokara eraman zituzten, 2022ko urrian.

2022/2023 denboraldirako Nerea Pinedo, Urtzi Urkixo, Madalen Pinuaga eta Nerea Apodaka aukeratu zituzten eta Amaya Suberviola eta Xavi Ceerre artistekin izan ziren Madrilgo ESTAMPA azokan, 2023ko urrian.

Azkenik, 2023/2024 denboraldirako aukeratutakoak Berni Puig, Celia Martinez eta Tito Chambino izan ziren.

https://galerialumbreras.com/


n-z-tik-rantz

-n, -z, -tik, -rantz

Jose Angel Lasa

Cloître franciscain (Bermeo, Bizkaia)

Du 11 Mai 2024
Au 31 Octobre 2024

martha-jungwirth

Martha Jungwirth

Guggenheim Bilbao (Bilbo, Bizkaia)

Du 07 Juin 2024
Au 22 Septembre 2024

surrealismoaren-papera

Surrealismoaren papera

13 Juil. | Iñigo Astiz [BERRIA.eus]

Bere bildumaren parte diren 50 bat artelan surrealista jarri ditu ikusgai BBVAk Bilboko San Nikolas jauregian. Joan Miroren, Salvador Daliren eta Yves Tanguyren lanak daude tartean. Gehienak paperean egindakoak dira.

arte-ederren-bilboko-museoak-azken-hiru-hamarkadetan-osatutako-nazioarteko-arte-garaikideko-berge-bilduma-dohaintzan-jasotzeko-proposamena-onartu-du

Arte Ederren Bilboko Museoak azken hiru hamarkadetan osatutako nazioarteko arte garaikideko Bergé Bilduma dohaintzan jasotzeko proposamena onartu du

| 11 Juillet 2024

Bergé Bildumaren dohaintza 98 artelanek osatzen dute, eta 1980ko hamarkadaren amaieratik XX. mendearen lehenengo hamarkadara bitartean datatuak dira guztiak. Aipatzekoa da emakumeen artelanen ordezkaritza oparoa eta garai horretako jardun artistikoen aniztasun handia: pinturak, paper gaineko lanak, eskulturak, argazkiak, bideoak eta instalazioak.

ez-amatasunaz-artisten-begietatik

(Ez)amatasunaz, artisten begietatik

07 Juil. | Edurne Begiristain [BERRIA.eus]

Amatasunak praktika artistiko eta kulturaletan duen eraginari buruz hausnartu dute hamar artistak, Gasteizen. Familia nukleotik harago doazen begiradak izan dituzte hizpide.

erromako-portu-zaharra-bilbo-erdian

Erromako portu zaharra Bilbo erdian

06 Juil. | Irene Barañano Diaz [BERRIA.eus]

Manu Muniategiandikoetxea artistak duela 2.000 urteko erromatar inperioan inspiratutako obra hirukoitza jarri du ikusgai Bilbon: 'Schola Navicolare di Traiano'. Erakusketa esperimentala da, eta udan ikusgai egongo da Azkuna zentroko terrazan.

tabakalera-errealitate-areagotuko-esperientzia-batean

Tabakalera, errealitate areagotuko esperientzia batean

| 5 Juillet 2024

Publizitate-kanpaina berritzaile batek errealitate areagotuaren bidez irudimenarekin bidaiatzea proposatzen digu. Iaz Zentroak abian jarritako kanpainaren jarraipena da, Espainiar estatu mailan lau sari jaso berri dituena.

Artekaria

Le portail de l'art en Euskal Herria

Ceci est le portail créé par le réseau ZAPART. Avec ARTEKARIA, nous voulons donner de la visibilité à l'incroyable richesse artistique et infrastructurelle de notre petit territoire basque (Euskal Herri osoa). En effet, il nous semble que dans un espace aussi réduit où se trouvent tant de musées (Artium, Oteiza, Beaux-Arts de Bilbo, Guggenheim…), de centres d'art (Uharte-zentroa, Tabakalera, Bilbaoarte…), de salles publiques et privées (Didam, Zitadela, Bastero, Portalea, Ospitalea, fondations) galeries traditionnelles ou d'artistes… avec tant de programmations et d'Åöuvres d'artistes visibles, la visualisation de cet ensemble n'est pas facile. Nous avons créé ce portail pour aider à remédier à ce manque.

Artekaria

Le réseau des artistes professionnel.le.s d'Euskal Herria

Zapart a pour objectif de mettre en réseau, de promouvoir le travail et de défendre les droits des artistes professionnel.le.s vivant et travaillant en Euskal Herri (sur les six territoires historiques que sont Araba, Bizkaia, Gipuzkoa, Lapurdi, Nafarroa et Zuberoa).