artekaria

Euskal Herriko
Artearen ataria

aktualitatea

Jenny Holzer eta Andy Goldsworthy Praemium Imperiale saridunen artean

Japan Art Association elkarteak Praemium Imperiale sariaren 37. edizioko saridunak izendatu ditu.

jenny-holzer-eta-andy-goldsworthy-praemium-imperiale-saridunen-artean
Jenny Holzerren instalazioa Guggenheimen, Bilbon. Arg/ Bilboko Guggenheim Museoa

| 2026ko Irailaren 10a

Japan Art Association elkarteak irailaren 8an iragarri ditu Praemium Imperiale nazioarteko arte sariaren 2026ko irabazleak. Jenny Holzer estatubatuarrari eman diote saria margolaritzan, Andy Goldsworthy britainiarrai eskulturan eta Daniel Libeskind estatubatuar-poloniarrari arkitekturan.

Jenny Holzer hautatzeak sariak "Margolaritza" kategoriari ematen dion zentzu zabala berresten du. 1950ean jaiotako artista estatubatuarrak hizkuntza bihurtu du bere lehengai nagusi. 1970eko hamarkadaren amaieran zabaldutako Truisms lanetatik aurrera, testuak eta esaerak espazio publikoan txertatzen ditu kartel, panel elektroniko, argi-proiekzio, eskultura eta instalazioen bidez (Bilboko Guggenheim museorako sortu duen instalazioa adibide bat da).

Andy Goldsworthy, berriz, 1956an jaioa, land art mugimenduko erreferente britainiar nagusietako bat da. Harria, egurra, hostoak, izotza edo tokian bertan aurkitutako beste material batzuk erabiliz egindako interbentzioek denboraren eragina eta paisaiaren eraldaketa aztertzen dituzte.

Arkitektura kategorian, epaimahaiak Daniel Libeskind aukeratu du, 1946an Łódźen (Polonia) jaioa AEBetara emigratu aurretik. Nazioartean ospea lortu zuen Berlingo Judu Museoarekin (2001ean irekia). Harrezkero, bere estudioak hainbat museo eta kultur ekipamendu eraiki ditu, eta 2003an Libeskindi esleitu zioten New Yorkeko World Trade Center eremua berriro garatzeko plan nagusia.

Zinea eta Musika kategorietan, Cate Blanchett aktorea eta Herbert Blomstedt orkestra-zuzendaria ere saritu dituzte.

Bost saridunetako bakoitzak 15 milioi yen jasoko ditu (80.000 euro inguru), baita domina bat ere. Ekitaldia urriaren 28an egingo da Tokion. Takamatsu printzearen oroimenez 1988an sortua, Japan Art Association elkarteak urtero banatzen ditu Praemium Imperiale sariak.

Artista Gazteentzako Dirulaguntza (5 milioi yenekoa, hau da, 27.000 euro) La Source Garouste elkartearentzat izan da aurten. Élizabeth eta Gérard Garoustek 1991n sortutako elkarte frantziar honek arte-praktikako lantegiak antolatzen ditu egoera sozial, ekonomiko edo eskolar ahulean dauden haur eta gazteentzat.

—JdA-tik ekarria.


lucy-beech

Lucy Beech

Champ Lacombe galeria (Biarritz, Lapurdi)

2026ko Azaroaren 14tik
2027ko Urtarrilaren 14ra

fig-bilbao

FIG Bilbao

Paper Arte eta Grabatuaren Nazioarteko Jaialdia

Euskalduna Jauregia (Bilbo, Bizkaia)

2026ko Azaroaren 26tik
2026ko Azaroaren 29ra

isiltasun-lurraldeak

Isiltasun lurraldeak

Evelyne Herisson

DIDAM (Baiona, Lapurdi)

2026ko Irailaren 25etik
2026ko Azaroaren 22ra

gerezi-hori

Gerezi hori

Maider Aldasoro

Rekalde Aretoa (Bilbo, Bizkaia)

2026ko Irailaren 08tik
2026ko Azaroaren 22ra

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 2026ko Azaroaren 20a

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 2026ko Azaroaren 20a

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 2026ko Azaroaren 20a

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 2026ko Azaroaren 13a

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 2026ko Azaroaren 12a

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 2026ko Azaroaren 12a

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 2026ko Azaroaren 4a

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 2026ko Azaroaren 4a

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.