artekaria

Euskal Herriko
Artearen ataria

aktualitatea

Menchu Gal bekak 25.000 euroko laguntza emango dio artista bati, urtebetean lan bat sortzeko

Gipuzkoako Foru Aldundiak jarri du abian proiektua, eta hautatutako artistak, besteak beste, sormen askatasunaren, norberaren afirmazioaren eta genero berdintasunaren balioetan oinarritutako lan original bat sortzeko jasoko du laguntza.

menchu-gal-bekak-25-000-euroko-laguntza-emango-dio-artista-bati-urtebetean-lan-bat-sortzeko
Menchu Gal bekaren aurkezpena, Irunen, Gordailuan, artistaren lanen ondoan. GIPUZKOAKO FORU ALDUNDIA

Iñigo Astiz [BERRIA.eus]
| 2026ko Irailaren 24a

Artistek euren ahots propioa garatzeko aukerak bultzatzea da Menchu Gal bekaren azken asmoa. Horretarako sortu du Gipuzkoako Foru Aldundiak, eta gaur bertan zabaldu du eskabideak aurkezteko epea. 25.000 euroko laguntza jasoko du hautatutako artistak, urtebetean lan berri bat sortzeko. Margolariak, marrazkilariak, eskultoreak, zeramikariak nahiz grabatzaileak aurkez daitezke deialdira, eta, aldundiko ordezkariek zehaztu dutenez, euren lanek "sormenez adierazteko gaitasuna, norberaren afirmazioa, genero-berdintasuna eta gisako balioak" islatu beharko dituzte. Ezingo dira aurtengo iraila baino lehenago hasitako proiektuak aurkeztu, eta 2027ko abenduaren lehenerako egon beharko dute amaituta.

Beka amaitutakoan ere egilearen jabetzakoa izaten jarraituko du sortutako lanak, eta, iragarri dutenez, sortzaileak aukera izango du bekaren aldian martxan izango duen prozesu artistikoa erakutsi eta zabaltzeko. Gaurtik aurrera, hogei egun izango dituzte sortzaileek euren proiektua Gipuzkoako Foru Aldundiaren egoitza elektronikoan edo Gipuzkoako Foru Aldundiko Erregistro Zentralean aurkeztu ahal izateko.

"Menchu Galen ondareak, gaur egun, artean ahots propioa bilatzen dutenei bidea irekitzen jarraitzea nahi dugu"

GOIZANE ALVAREZ. Gipuzkoako Kultura diputatua

Menchu Gal artista irundarra hartu dute gogoan bekari izena jartzeko. 1919an jaio zen, eta 2008an hil, eta ibilbide artistiko oparoa izan zuen. Sorterrian hasi zituen arte ikasketak, eta, Madrilgo San Fernandoko Arte Ederren Akademiatik pasatu ostean, Parisera joan zen. Garai hartako artisten eragina izan zuen bertan, eta 1945ean joan zen handik Madrilera. Besteak beste, Hego Amerikan, Veneziako Biurtekoan eta Londresen izan zen bere lanak erakusten, eta 1959an Espainiako Pintura Sari Nazionala irabazi zuen —halakorik lortu zuen lehen emakumea izan zen—. 2005ean, Gipuzkoako Foru Aldundiaren Urrezko Domina jaso zuen, baita Irungo Udalaren Urrezko Domina ere, 2006an. Zazpi hamarkadako jardunean 600 obra baino gehiago gauzatu zituen.

Galen ondarea

Eta horregatik guztiagatik hautatu dute haren izena bekarentzako. Hala azaldu du Goizane Alvarez Gipuzkoako Kultura, Lankidetza, Gazteria eta Kirol diputatuak, artistaren sorterrian egindako aurkezpenean: "Menchu Galen ondareak, gaur egun, artean ahots propioa bilatzen dutenei bidea irekitzen jarraitzea nahi dugu, eta denbora, baliabideak eta askatasuna ematea, artearen bidez kontatzeko zerbait propioa dutenei".

Irungo Gordailuan egin dute aurkezpena, hain justu ere, Galen obra baten alboan, eta Cristina Laborda Irungo alkateak ere hartu du parte. "Menchu Gal gure artista handietako bat baino askoz gehiago da. Irun izena gure hiritik askoz harago eraman zuen emakumea da eta, gainera, kulturaren eta artearen munduan beste emakume askori bidea ireki zien".


fig-bilbao

FIG Bilbao

Paper Arte eta Grabatuaren Nazioarteko Jaialdia

Euskalduna Jauregia (Bilbo, Bizkaia)

2026ko Azaroaren 26tik
2026ko Azaroaren 29ra

xabier-morras

Xabier Morrás

Kubo Kutxa aretoa (Donostia, Gipuzkoa)

2026ko Urriaren 23tik
2027ko Otsailaren 07ra

fond-de-bain

Fond de bain

Hermann-Paul

Baionako Euskal Museoa (Baiona, Lapurdi)

2026ko Irailaren 18tik
2027ko Urtarrilaren 10era

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 2026ko Azaroaren 20a

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 2026ko Azaroaren 20a

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 2026ko Azaroaren 20a

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 2026ko Azaroaren 13a

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 2026ko Azaroaren 12a

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 2026ko Azaroaren 12a

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 2026ko Azaroaren 4a

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 2026ko Azaroaren 4a

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.