Euskal Herriko
Artearen ataria
Leire Rodero Ares [BERRIA.eus]
| 2025eko Irailaren 26a
Lau metro luze da eskultura, eta hemezortzi tona pisatzen ditu. 2018az geroztik hiritik kanpo egon ondoren, berriro ikusgai dago Arte Ederren Museoaren atarian, herritarren eta bisitarien begien bistan.
Haizea Barcenilla [BERRIA.eus]
| 2025eko Irailaren 26a
Orain urte pare bat, Ganteko Bildots Mistikoaren Erretaula-ri zutabe bat eskaini nion. Orduan ez nituen Jodocus Vijd eta Lysbette Borluut artelanaren mezenasak aipatu, ez baitzetorren esan nahi nuenaren harira. Baina Vijd eta Borluut oso presente izan ditut uda honetan, A Coruñako San Pedro begiratokian.
Jone Rubio Mazkiaran [BERRIA.eus]
| 2025eko Irailaren 25a
ABEL AZKONA. 'Monumentu bat familiari' | Non: Montehermosoko ur biltegian, Gasteizen. | Noiz arte: Irailaren 28ra arte.
| 2025eko Irailaren 24a
Kursaaleko Kutxa Fundazioa Kubo aretoak, 2 milioi bisitari baino gehiagorekin, eta Tabakalerako Kutxa Fundazioa Artegunea aretoak, 600.000 bisitari baino gehiagorekin, memoria partekatu bat ehundu dute, artea ondare kolektibo bilakatzeko.
| 2025eko Irailaren 24a
Bilduma 2017tik dago publikoaren eskura museoan komodatu akordio bati esker. Gaur egun 3143 ale ditu.
| 2025eko Irailaren 24a
Bilduman dauden edo museoaren programen parte diren artisten artxiboak katalogatzea eta zabaltzea da Euskal Herriko Arte Garaikidearen Museoaren jarduera-ildo estrategikoetako bat. Legatu dokumental hori funtsezko ondarea da azken hamarkadetako eztabaida eta praktika artistikoen kontserbazio, ikerketa eta zabalkunderako.
| 2025eko Irailaren 22a
Erakusketa Tabakalerak produzitu du, eta Donostia Zinemaldiaren laguntza jaso du. Hain zuzen, Gorostidik, Aro berria bere lehen film luzea estreinatuko du Zinemaldiaren datorren edizioan. Erakusketa-proiektuaz gain, zuzendari nafarraren filmografia osoa eskainiko du Tabakalerak.
| 2025eko Irailaren 8a
Euskal Herriko Arte Garaikidearen Museoak, Artium Museoak, udazkeneko programa aurkeztu du, gorputza, ahotsa eta performatibitatea ardatz izango dituzten jarduera publikoen proposamen zabalarekin. Programak barne hartzen ditu hitzaldiak, lantegiak, proiekzioak, topaketa profesionalak eta performance ziklo bat, baita hezkuntza ekimenak eta familiei edo prestakuntza programei zuzendutakoak ere.
| 2025eko Irailaren 4a
Irailaren 12tik 14ra, IREKIAK Gallery Weekend ekimenak erakusketetara bisita gidatuak, performanceak eta Kursaaleko fatxadan egingo diren proiekzioak eskainiko ditu DAGGEk, Tabakalerak eta Donostia Kulturak antolatuta, San Telmo Museoaren eta Kutxa Fundazioaren laguntzarekin.
Iñigo Astiz [BERRIA.eus]
| 2025eko Irailaren 4a
Eduardo Txillidaren jaiotzaren mendeurrenaren programaren barruan, 85 artelan biltzen dituen erakusketa bat zabaldu du AEBetako San Diegoko museoak. Edonola ere, artista 60ko hamarkadan hasi zen herrialde hartan lekua topatzen.
Kristina Berasain Tristan [BERRIA.eus]
| 2025eko Irailaren 4a
Amaren herrian zabalduko du aurki tailer propioa Rifaterrak: Litografia Atelier Estella Lizarra: "Euskal Herrian litografia egiten duen tailer profesional bakarra gara. Hutsune hori betetzera gatoz"
| 2025eko Irailaren 2a
Udako hilabeteetan publiko ugari erakarri du Bilboko museoak. Guztira 478.315 bisitari izan ditu ekaina, uztaila eta abuztua bitartean, iazko udan baino 4.822 gehiago.
ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.
Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.
