SartuArtearen atariaSareAHarremana

artekaria

Euskal Herriko
Arte Ataria

Maskulinitate uzkurtuen memoriak

2022ko Apirilaren 26a
Jone Rubio Mazkiaran [BERRIA.eus]

Sorgune dugun gizarte, sistema, inguru heteropatriarkal honek definitutako genero rol zurrunek inguratu, zapaldu eta jan egiten gaituzte askotan. Nahiz eta azken hamarkadetan zurruntasun hori lausotzeko pausoak eman dituzten mugimenduak egon badiren. Eta horiek ikusarazi digute moldatze irmo horretatik kanpo bizitzeko aukerak badirela, nolabaiteko arnasguneak. Bada, non geratzen dira gizarte horren erosotasunean amildutako maskulinitate hegemonikoak? Hotza, arrotza, zurruna...

Silueta ahantziak

2022ko Martxoaren 16a
Jone Rubio Mazkiaran [BERRIA.eus]

Tuk, tak, tak, tak... entzuten da Bilboarteko Urazurrita aretoaren atea zeharkatu bezain pronto. Estibaliz Sadabaren Desdoméstica mostrari dagokio soinua, eta, hein batean, hura izango da erakusketa dastatzen dugun bitartean gure erritmoa zehaztuko duen pauta.

Logelatik irten gabe

2022ko Martxoaren 1a
Ismael Manterola Ispizua [BERRIA.eus]

Zaila da azaltzea zergatik den interesgarria beti gauza bera egiten duen artista baten lana. Giorgio Morandiren erakusketan nagoela egindako hausnarketa da. Bolognarrak bere logelatik ia irten gabe pintatu zituen ia bizitza osoko koadroak. Objektu berdinak hondo neutro baten kontra lerrokatuta. Botilak, latorrizko gaileta kaxak, zeramikazko dekorazio-objektuak, katiluak, zapiren bat, kinke bat edo beste, pitxarrak.

Galeriak

2021eko Irailaren 14a
Ismael Manterola Ispizua [BERRIA.eus]

Donostiako arte garaikideko galeriek elkartea sortu dutela iragarri dute (DGGE) eta, aurkezpen gisa, denboraldiaren zabaltze kolektiboa egin zuten aurreko asteburuan. Hiriburu askotan egiten den moduan, arte galeria pribatuek eta Tabakalerak erakusketak batera zabaltzea erabaki dute, antolatzen dituzten ekimenei oihartzun handiagoa emateko.

artium-museoak-bigarren-bidea-aurkeztu-du-bildumaren-zeru-bat-hamaika-bide-erakusketaren-esparruan-eta-gainera-euskal-emakume-artisten-dokumentazio-zentroa

Artium museoak bigarren bidea aurkeztu du bildumaren zeru bat, hamaika bide erakusketaren esparruan, eta, gainera, euskal emakume artisten dokumentazio zentroa

| 2021eko Martxoaren 5a

Emakumeen Nazioarteko Eguna dela-eta, egitarau berezia antolatu du Artiumek, emakumeek praktika artistikoan duten presentziaren auziarekin loturiko hainbat alderdiri buruz gogoeta sustatzeko; emakumeek artean duten presentzia baita, hain zuzen ere, Museoaren proiektuaren zeharlerroetako bat, haren lan eta ikerketa-esparru guztiak ukitzen dituena. Hala, Bigarren bidea irekiko zaio publikoari.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.