artekaria

Euskal Herriko
Artearen ataria

aktualitatea

Torreko Hodia ikusgai jarriko dute Ekainberrin, duela 12.000 urte grabatutako pieza bat

Duela hirurogei urte topatu zuten Torreko Hodia, eta, urteurrena baliatuz, aldi baterako erakusketa bat ireki dute pieza ikusgai jartzeko. Erakusketa irisgarria izango da ikusmen urritasuna dutenentzat.

torreko-hodia-ikusgai-jarriko-dute-ekainberrin-duela-12-000-urte-grabatutako-pieza-bat
Torreko Hodiaren bi erreplikak, eta grabatuak antzemateko plaka. GIPUZKOAKO FORU ALDUNDIA

Amaia Jimenez Larrea [BERRIA.eus]
| 2026ko Uztailaren 24a

Jose Migel Barandiaran arkeologoak topatu zuen, Oiartzungo Torre haitzuloan (Gipuzkoa), duela hirurogei urte: hegazti baten hezur bat, ia hemezortzi zentimetro pasatxokoa, barrutik hutsa. Lehen begiratuan, ordea, Barandiaran ez zen jabetu pieza hark zer garrantzi zeukan. Urteen poderioz, eta teknologiari esker, hezur horrek grabatu batzuk zituela deskubritu zuten. Besteak beste, animalia irudiak topatu zituzten: oreinenak, zaldienak, ahuntzenak... Ikertu, eta ondorioztatu zuten duela 12.000 urte grabatutakoa zela, Madeleine aldiko gizaki batek eginak; Torreko Hodia deitu zioten. Bada, orain, pieza aurkitu zuteneko sei hamarkadak ospatzeko, Ekainberri museoan(Zestoa, Gipuzkoa) ikusgai jarri dute urte amaierara arte: Torreko hodia. 12.000 urteko galdera izena jarri diote erakusketari.

Goi Paleolitoko piezarik nabarmenenetako bat da Torreko Hodia. Horiek horrela, museoko arduradunek aurkikuntzaren historia modu "ulergarri eta erakargarrian" hurbiltzeko ariketa egin dute. Zer zen, zertarako erabiltzen zen, zer irudi dituen, nola grabatu zuten eta ikerketa lana zer-nolakoa izan zen jakin ahal izango dute, besteak beste, bisitariek.

Gainera, Ekainberri eta Gipuzkoako Foru Aldundia —bien artean ondu dute erakusketa— Begiris elkartearekin aritu dira lankidetzan, mostra ikusmen urritasuna dutenentzat ere irisgarria izan dadin. Hori dela eta, berariaz zenbait pieza sortu dituzte: Torreko Hodiaren bi erreplika —bat tamaina errealean, eta beste bat handitua—, eta grabatuak ondo antzemateko plaka bat."Erakusketa honek aukera ematen du aparteko pieza bat herritar guztiengana hurbiltzeko", esan du Goizane Alvarez Aldundiko Kultura diputatuak. Bestalde, Ekainberrik iragana "zaintzeko" egiten duen lana ere azpimarratu du.

Ekainberri museora joaten den orok izango du erakusketa bisitatzeko aukera. Gainera, publiko orokorrarentzako erakusketarako sarrera doakoa izango da ostiraletan, 17:00etatik 19:00etara; erreserba egitea nahitaezkoa izango da. Ostiralero, 17:45ean, doako bisita labur bat ere eskainiko dute.


fantasia-eta-arrazoia

Fantasia eta arrazoia

Goya

Arabako Arte Ederren Museoa (Gasteiz, Araba)

2026ko Maiatzaren 18tik
2027ko Otsailaren 28ra

uhinak

Uhinak

Ra Asensi

Bilboko Euskal Museoa - Kukula (Bilbo, Bizkaia)

2026ko Uztailaren 08tik
2026ko Abenduaren 28ra

mikel-escobales

Mikel Escobales

Artea Abian

San Telmo (Donostia, Gipuzkoa)

2026ko Azaroaren 20etik
2027ko Otsailaren 14ra

no-pasaran

No pasarán

Matthias Malefond

Iruñeako Zitadela (Iruñea, Nafarroa)

2026ko Azaroaren 20etik
2027ko Urtarrilaren 24ra

begiradaren-paisaiak

Begiradaren paisaiak

Iker Valle

Rotonda (Donibane Lohizune, Lapurdi)

2026ko Urriaren 23tik
2026ko Azaroaren 29ra

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 2026ko Azaroaren 20a

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 2026ko Azaroaren 20a

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 2026ko Azaroaren 20a

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 2026ko Azaroaren 13a

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 2026ko Azaroaren 12a

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 2026ko Azaroaren 12a

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 2026ko Azaroaren 4a

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 2026ko Azaroaren 4a

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.