artekaria

Euskal Herriko
Artearen ataria

aktualitatea

Claudix Vanesix, Tabakalerako artista egoiliarra 2025ean, Prix Ars Electronican saritua izan da

XENOCENE: A Manifesto in Motion, Tabakaleran sustatu eta garatutako lanak Ohorezko Aipamena jaso du Prix Ars Electronica 2026 sarietako Interactive Art + kategorian. Bigarren urtez jarraian, Tabakaleran sortutako proiektu batek aitortza jaso du Prix Ars Electronica sarietan. 2025ean, Maria Oterok ere Ohorezko Aipamena jaso zuen Compost Computacional lanarengatik.

claudix-vanesix-tabakalerako-artista-egoiliarra-2025ean-prix-ars-electronican-saritua-izan-da
Claudix Vanesix. Arg/ Tabakalera

| 2026ko Irailaren 10a

Claudix Vanesixek, Tabakalerako artista egoiliarra eta 2025eko IMMATERIAL jaialdiko parte-hartzailea izan zenak, Ohorezko Aipamena jaso du Ars Electronica 2026 sarietan, Interactive Art+ kategorian, Tabakaleran garatu eta sustatutako XENOCENE: A Manifesto in Motion lanagatik. Nazioartean erreferentzia nagusietako bat dira garaikur horiek artearen eta teknologiaren eremuan jarduten diren sortzaileentzat.

Xenocene: A Manifesto in Motion giza gorputzaren, adimen artifizialaren eta bizitza modu ez gizatiarren arteko harremanak aztertzen dituen performance bat da. Claudix Vanesixek, bere gorputzaren eta IA bidezko irudi-sorgailu baten bidez, identitate aldakorrak sortzen ditu eta bestelako pertzepzio eta existentzia forma batzuen inguruan egiten du gogoeta. Obrak munduaren ikuskera antropozentrikoa eta berau, mundua, gizakiaren nagusitasunetik interpretatzea zalantzan jartzen ditu. Halaber, bioingeniaritza, kolonizazio espaziala eta adimen artifiziala bezalako teknologiei buruzko hausnarketa kritikoa mahaigaineratzen du.

Bigarren aldia da nazioartean aski ezaguna den jaialdia honek Tabakaleran garatu eta sustatutako proiektuak saritzen dituena. 2025ean, Marina Otero Verzier arkitekto eta ikertzailearen Compost computacional instalazioak, Tabakalerak eta Donostia International Physics Centerrek (DIPC) lankidetzan ekoitzia, Aipamen Berezia jaso zuen S+T+ARTS 2025 sarietan. Europako Batzordeak sustatutako sari horiek artea, zientzia eta teknologia uztartzen dituzten proposamen berritzaileenei aitortza egitea dute helburu.

Veneziako Biennalean beste sari bat

Claudix Vanesixek Biennale College – Blend programako Proiektu Onenaren Saria ere jaso du. La Biennale di Veneziaren ekimen berri hau diziplina jakin batera mugatzen ez diren obrak sortzen dituzten artistei zuzenduta dago.

Claudix Vanesix eta Cristina Soto Arias artistek aurkeztutako The 3 Bitcoin Opera proiektu irabazleak Brechten "Hiru zentimoko opera" berrinterpretatzen du, botere algoritmikoak, adimen artifizialak, gerra-ekonomiek eta kolapso ekologikoak markatutako mundu garaikide batetik abiatuta.

Aintzatespen hauek indartu egiten dute Tabakalerak artisten sorkuntzarako, bidelaguntzarako eta haien lana ikusgarri egiteko espazio gisa duen konpromisoa, esperimentazioa, ikerketa eta praktika artistiko garaikideen garapena sustatzen dituzten programen bitartez.

Claudix Vanesixi buruz

Claudix Vanesix performance, Errealitate Hedatuak eta Adimen Artifiziala lantzen dituen artista da. Bizitza sozial digitalean sexismoa eta arrazakeria desafiatzen ditu bere lanak, eta mundu fisikoan duen eraginari buruz hausnartzen du. 2025ean, artista egoiliarra izan zen Tabakalerako Artisten Gunean eta bertan landu zuen GAN: Generative Adversarial Nuisance proiektua. Urte berean IMMATERIAL festibalean ere parte hartu zuen.

Performance eta Errealitate Birtualeko artea sortzen ditu, teknologia berriak eta antzinako tradizioak nahastean ekidinezintasun teknologikoaren narratiba desafiatzen duena.

irudi galeria

claudix-vanesix-tabakaleran

begiradaren-paisaiak

Begiradaren paisaiak

Iker Valle

Rotonda (Donibane Lohizune, Lapurdi)

2026ko Urriaren 23tik
2026ko Azaroaren 29ra

kooperatiba

Kooperatiba

Taxio Ardanaz eta Carla Filipe

Tabakalera (Donostia, Gipuzkoa)

2026ko Uztailaren 03tik
2027ko Urtarrilaren 10era

bloke-eta-malda

Bloke eta malda

Julen Agirre Egibar

La Taller (Bilbo, Bizkaia)

2026ko Urriaren 03tik
2026ko Abenduaren 04ra

l-cohen

L. Cohen

James Benning

Artium (Gasteiz, Araba)

2026ko Azaroaren 21etik
2027ko Urtarrilaren 10era

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 2026ko Azaroaren 20a

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 2026ko Azaroaren 20a

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 2026ko Azaroaren 20a

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 2026ko Azaroaren 13a

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 2026ko Azaroaren 12a

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 2026ko Azaroaren 12a

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 2026ko Azaroaren 4a

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 2026ko Azaroaren 4a

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.