Euskal Herriko
Artearen ataria
Haizea Barcenilla [BERRIA.eus]
| 2025eko Apirilaren 18a
Aste honetan Azpeitiko Soreasu elizan dagoen Bakardadearen kaperaren inguruan udalak eta Aranzadik 2019an argitaratu zuten liburuxka bat irakurri dut. Nicolas Saez de Elola kapitainaren hil-kapera da hori, Gipuzkoako Errenazimentuko eredu bikaina.
Itziar Ugarte Irizar [BERRIA.eus]
| 2025eko Apirilaren 17a
Anna Irina Russell artistak sortu du, prozesua haurrekin eta familia talde batekin egin ostean. Askotariko egitura puzgarriz bete dute aretoa, eta esplorazio ariketa kolektibo batera gonbidatu publikoa. 'Situ-akzioak' proiektuaren barruan aurkeztu dute.
Iñigo Astiz [BERRIA.eus]
| 2025eko Apirilaren 16a
Artistak lorratza utzi zuen espresionismo abstraktuan. Haren 30 margolan eta hainbat eskultura biltzen dituen erakusketa zabaldu dute Guggenheim museoan. Frankenthalerren lanez gain, haren lagun izandako zenbait artistaren artelanak jarri dituzte ikusgai.
Edurne Begiristain [BERRIA.eus]
| 2025eko Apirilaren 15a
Besteak beste, Ignacio Diaz Olano, Fernando Amarika, Pablo Uranga eta Valentin Zubiaurreren lanak paratu dituzte 'Emakumea. Familia eta lana' erakusketan. Emakumeak landa eremuari, itsasoari eta amatasunari lotuta ageri dira margolanetan.
Ismael Manterola Ispizua [BERRIA.eus]
| 2025eko Apirilaren 15a
2003ko otsailean, Nazio Batuen Erakundean gordetzen den Gernika koadroaren bertsioa oihal urdin baten bidez estali zuten, garai hartako AEBetako idazkari Colin Powellek Iraken kontrako gerraren hasiera iragartzeko. Lotsagabe aritu baziren ere, estalketak errudun konplexua adierazten zuen.
Enara Herranz [BERRIA.eus]
| 2025eko Apirilaren 15a
'Ardatza neurtuz' | Artistak: Ainara Elgoibar, Ainhoa Resano, Bego Anton, Estibaliz Sadaba Murgia, Eva G. Herrero, Isa Fernandez Reviriego, Leire Muñoz, Mafalda Salgueiro, Matilde Viegas, Nuria Cubas, Sandra Cuesta Aizkorbe, Susana Blasco. | Non: Orconera gunean, Barakaldon. | Noiz arte: ekainaren 29ra arte.
Iñigo Astiz [BERRIA.eus]
| 2025eko Apirilaren 14a
Bilboko Guggenheim museoak elkarrekin aurkeztu ditu Vito Acconciren eta Sergio Prego artisten performance lanak, ‘You' erakusketan. Sei urtez lankide izan ziren bi sortzaileak, eta gorputzari eta arkitekturari buruzko jarrerak batzen ditu bien jardunak.
Edurne Begiristain [BERRIA.eus]
| 2025eko Apirilaren 13a
Arabako Aldundiak atzera egin du, eta ez du eraikiko ekintzailetza eta berrikuntza zentrorik Amarika erakusketa aretoa dagoen tokian. Amarica elkarteak erabakia txalotu du, eta kultur eragileen presioari esker izan dela azpimarratu.
Iñigo Astiz [BERRIA.eus]
| 2025eko Apirilaren 12a
Sevillan egon zen lehenik erakusketa, eta orain heldu da Bilbora. Mariano Fortuny pintoreak 1870 inguruan margotutako Sevillako zezen plazaren irudia da erakusketako pieza nabarmenetako bat. Iaz erosi zuen museoak, eta orain erakutsi dute lehenengoz.
Garazi Ansa [BERRIA.eus]
| 2025eko Apirilaren 12a
INES MEDINA. Ikerketa analitiko-plastikoa (1978-1995) | Artista. Ines Medina. | Non. Artium museoan, Gasteizen. | Noiz arte. Ekainaren 1era arte.
Haizea Barcenilla [BERRIA.eus]
| 2025eko Apirilaren 11a
Erromatar inperioa modan dago. Orain dela hilabete batzuk, galdetegi batek erakutsi zuen gizonen kopuru handi batek maiz pentsatzen duela erromatar inperioan, batzuek egunero. Handik gutxira, Elon Muskek eztabaida piztu zuen Trumpen izendapenean, naziaren antz handiegia zuen agurra egin ostean, "agur erromatarra" zela adierazi zuenean. Interneten bilaketa txiki bat egin ostean, ez da zaila Vox alderdiko kideak erromatar armada gisa irudikatzen dituzten irudiak topatzea.
Edurne Begiristain [BERRIA.eus]
| 2025eko Apirilaren 11a
Elena Asinsek, Jorge Oteizak eta Pablo Palazuelok abstrakzio geometrikoan egindako bidea ikusgai jarri du Artium museoak ‘Asins, Oteiza, Palazuelo. Haraindikoari itxura ematea' erakusketan. Sinbolismoak eta mistikotasunak zeharkatzen dituzte piezak.
ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.
Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.
