artekaria

Euskal Herriko
Artearen ataria

aktualitatea

Isabel Coixet zinemagileak azken hamabost urteotan egindako collageak bildu dituzte San Telmo museoan

Azaroaren 1era bitarte ikusi ahal izango da Coixeten 'Kaosaren diziplina' erakusketa, San Telmo museoaren Laborategia aretoan, doan. Collage bidez sorturiko 66 obra biltzen ditu, zeinak zinemagileak "pentsatzeari uzten" dioneko emaitza diren.

isabel-coixet-zinemagileak-azken-hamabost-urteotan-egindako-collageak-bildu-dituzte-san-telmo-museoan
Isabel Coixet 'Kaosaren diziplina' erakusketaren aurkezpenean, irailaren 11n. GORKA RUBIO / FOKU

Odile Bourguignon Goñi [BERRIA.eus]
| 2026ko Irailaren 16a

Kaosa ere ordenatu daiteke. Geruzaz geruza aletu, eta bueltan antolatu, zatiak itsatsi eta desitsatsi, harik eta koadro itxuroso bat osatu arte. Halako 66 collage obra egin ditu Isabel Coixet zinemagile katalanak azken hamabost urtean, eta Donostiako San Telmo museoak aurkeztu berri dituKaosaren diziplina izeneko erakusketan. Collage aukeraketa hori azaroaren 1era bitarte ikusi ahal izango da, doan, museoaren Laborategia aretoan. Donostiako Zinemaldiarekin lankidetzan antolatu dute mostra.

Marrazten ez jakitearen "traumak" bultzatu zuen Coixet zinema egitera, baita collageak sortzera ere: "Orain marraztenhasi naiz, baina paper zatitxo eta halakoekintapatzen dut egindakoa". Horren emaitza da iazMadrilgo Thyssen-Bornemisza museoaninauguratu zuen erakusketa. Baina hamasei obra gehitu dizkio Donostian aurkeztu berri duenari, etatartean dago orain arteko lanik handiena, duela aste batzuk amaitu zuena, gainera.Bizitoki izandako hiru leku izan ditu ardatz zinemagileak: New York, Erroma eta Montlieu (Frantzia). "Oso modu desberdinean tratatu nauten hiru hiri dira", azaldu du Coixetek.

"Sinpleki, obra hauek pentsatzeari utzi eta mozten, berregiten, berrantolatzen eta esanahi berriak topatzen jarri nintzeneko emaitza besterik ez dira"

ISABEL COIXETZinemagilea

Museoak, erakusketarekin batera, Coixeten, Laura Ferrasen eta Estrella de Diegoren testuak biltzen dituen liburuxka bat argitaratu du. Hala dio bertan zinemagileak: "Moztea indarkeria ekintza bat da, baina oso kontrolatua. Oso zibilizatua. Munduan sobera duzun hori ebakitzen duzu, eta berriro itsasten, baina ez aurretik zegoen ordena berean. Horixe da, beharbada, beti, edozein ingurunetan, egin ohi dudanari buruzko definizio zorrotzena". Sortzen dituen filmen antzera berecollageek ere "osagarri literario" handia dutela azaldu du zinemagileak, ez baitu obra bat amaitutzat jotzen obrak berak lagun izango duen esaldi egokia topatu arte.

Eta sortzeko bidean bi inspirazio iturri aipatu ditu: Claude Cahun eta Robert Motherwell. Gainera, Cahun artistari buruzko film bat egitea gehitu dio egitekoen zerrendari. Baina Coixetek bereizi egin ditu bere obra zinematografikoak eta plastikoak; izan ere, zinemaren kasuan ez bezala, pretentsiorik gabeko koadroak sortzen ditu, haren arabera: "Zintzoak dira, nire gauza gutxi diren moduan: ez dut asmo berezirik, ez dute bigarren aktorik, ez dute inoren onespena xede. Sinpleki, obra hauek pentsatzeari utzi eta mozten, berregiten, berrantolatzen eta esanahi berriak topatzen jarri nintzeneko emaitza besterik ez dira".

kaosaren-diziplina

Kaosaren diziplina

Isabel Coixet

San Telmo (Donostia, Gipuzkoa)

2026ko Irailaren 11etik
2026ko Azaroaren 01era


gerezi-hori

Gerezi hori

Maider Aldasoro

Rekalde Aretoa (Bilbo, Bizkaia)

2026ko Irailaren 08tik
2026ko Azaroaren 22ra

xabier-morras

Xabier Morrás

Kubo Kutxa aretoa (Donostia, Gipuzkoa)

2026ko Urriaren 23tik
2027ko Otsailaren 07ra

isiltasun-lurraldeak

Isiltasun lurraldeak

Evelyne Herisson

DIDAM (Baiona, Lapurdi)

2026ko Irailaren 25etik
2026ko Azaroaren 22ra

zoroak-maitariak-eta-poetak

Zoroak, maitariak eta poetak

Izaskun Araluzea [BERRIA.eus]
| 2026ko Azaroaren 20a

Traen con ellos el olor de la bergamota y el cedro. Hamabost urte eta gero hau | Artistak: Ece Powell, Irune Merino, Izar Okariz, Iker Abaskal, Samuel Martin Schick, Stefano Santa Maria, Izai Rodriguez, Flx. Javier Larreina Morales. | Non: Guata Kultur Fabrikan, Aranguenen (Zalla, Bizkaia). | Noiz arte: Abenduaren 19ra arte.

zipriztin-berdeak-eta-moreak-horma-zurien-gainean

Zipriztin berdeak eta moreak horma zurien gainean

Goiatz Iza Erkiz [BERRIA.eus]
| 2026ko Azaroaren 20a

Bilboko Guggenheim museoak Dan Flavin artista garaikidearen 24 obra bildu ditu 'Dan Flavin: Argi apur bat' erakusketan. Flavin 1960ko hamarkadako korronte minimalistaren parte izan zen, eta, lanpara fluoreszenteen bitartez, perspektibarekin jolasten zuen.

ibilbide-ezezagunak

Ibilbide ezezagunak

Ismael Manterola Ispizua [BERRIA.eus]
| 2026ko Azaroaren 20a

Askotan artistak mugimendu eta garai bati lotuta azaltzen zaizkigu. Badirudi epe jakin batean artelanak sortu ondoren hil egiten direla edo mundutik desagertzen direla. Gainera, artistak bilakaera ezberdin bat edo beste bide batzuk aztertzen baditu, ez zaizkio kontuan hartzen.

bixente-ameztoiren-margolan-bat-nabarmendu-du-san-telmo-museoak-artistaren-heriotzaren-25-urteurrenean

Bixente Ameztoiren margolan bat nabarmendu du San Telmo Museoak, artistaren heriotzaren 25. urteurrenean

| 2026ko Azaroaren 13a

Museoak Bixente Ameztoi Olasagastiren (Donostia 1946 - Villabona 2001) Sin título (Izenbururik gabe) koadroa aurkezten du, Nabarmendutako obra izeneko programaren barruan. Lana 1976ko mihise gaineko olioa da, 130 x 161,7 cm-ko neurrikoa. Aurten erosi du museoak eta artistaren heriotzaren 25. urteurrenarekin bat eginez ikusgai jartzen du Arte Historikoaren aretoan 2026ko azaroaren 6tik 2027ko otsailaren 28ra arte.

kilimak-begietan

Kilimak begietan

Maite Luengo Agirre [BERRIA.eus]
| 2026ko Azaroaren 12a

Circus | Artista: Alejandra Ikaza. | Non: Bilboko Rekalde aretoan. | Noiz arte: 2027ko otsailaren 28ra arte.

idazkera-eta-poesia

Idazkera eta poesia

Haizea Barcenilla [BERRIA.eus]
| 2026ko Azaroaren 12a

Euskal Herriko Bertsolari Txapelketa abian den honetan, aspaldiko artelan bat etorri zait burura. Laurita Siles Malagako artista doktorego tesia Euskal Herrira egitera etorri zenean, lagun batek bertso txapelketa batera eraman zuen.

paisaia-arkitektura-eta-trazua

Paisaia, arkitektura eta trazua

Izaskun Araluzea [BERRIA.eus]
| 2026ko Azaroaren 4a

Bloke eta malda | Artista: Julen Agirre. | Non: Bilboko La Taller aretoan. | Noiz arte: Abenduaren 4ra arte.

departamento

Departamento

Ismael Manterola Ispizua [BERRIA.eus]
| 2026ko Azaroaren 4a

Aurreko asteetako artikuluetan berriz ere ateak zabaldu dituzten azpiegitura handiez aritu gara. Gaur arteaz gozatzeko areto ezberdin eta ezezagun bati buruz hitz egin nahiko nuke.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.