artekaria

Euskal Herriko
Artearen ataria

aktualitatea

Galdera txikiak

Zein den artistaren lekua galdetu dio irratiko esatariak artistari. Artistak galdera handi hori galdera txikitan xehetuko lukeela erantzun du.

galdera-txikiak
Esther Ferrer. Arg/ Alessandro Zambianchi

2024ko Maiatzaren 17a | Ismael Manterola Ispizua [BERRIA.eus]

Adibidez, zein den artistaren ardura edo zein den artistaren jarrera etikoa gizartearen aurrean. Azkarra iruditu zait artistaren erantzuna elkarrizketan azaldutako galdera topikoaren aurrean. Gainera, oinarrizkoak iruditu zaizkit artistak proposatutako galderak, batez ere buelta ematen diolako jatorrizko galderaren barruan dauden ardurei. Gizarteak lekua ematen dio artistari edo artistak lekua hartu behar du gizartean? Lehendabizikoan artista subjektu pasiboa da, bigarrenean artistak du ekimena.

Hala ere, ez dira erantzuteko galdera errazak. Gizartea ente abstraktu xamarra denez, ez dakigu oso ondo zein den momentu bakoitzean norberaren zeregina. Sarritan ez zaigu gizartean dugun lekuari buruz galdetzen, eta rol jakin bat betetzera gonbidatzen gaituzte (gizartekideek) ardura handirik hartu gabe, inertziaz edo ohiturari jarraituta. Artearekin eta artistarekin ere antzeko zerbait gertatzen dela iruditzen zait.

Bainaartearen munduan gaudenok ezin dugu besterik gabe onartu gizarteak emandako papera; aldiz, erabakitzeko gaitasun minimoa izan behar dugu jakiteko zein den artistaren ardura edo artistaren jarrera etikoa. Azken horrek literatura ugari sortu du, gutxienez bi mendez. Merkatuak gizartearen esparru gehienak bereganatu zituenetik, behin eta berriz esan zaigu artistak ez duela lanik egin behar saltzeko, nahiz eta gizartearen gehiengo batek hala egiten duen. Behin baino gehiagotan artistak jarrera eta objektu arraroz bete behar du gizartea, nahiz eta gehiengoak gauza arruntak eta egunerokoak egiten dituen. Askotan, artistari gure bizitza aspergarriaren denbora-pasak asmatzea eskatzen dizkiogula iruditzen zait.

Beraz, artistari gizartearen salbuespena izatea eskatzen zaio, eta, beharbada, hori da artistak nahi duena, bere jarrera etikoa, harreman ekonomiko hutsetan oinarritutako gizarte batean. Zer da, bada, erakusketa bat antolatzea? Espazio sasimarjinal bat, itxuraz, ezertarako balio ez duten gauzez betetzea baino? Hori besterik ez eta hori guztia, ariketa zaila baita norberaren proposamenak besteei helaraztea. Horregatik miresten ditut gehiegi espero ez duten artisten proiektuak, mundua eraldatzeko asmorik ez dutenak, bere xumetasunean zintzotasunez zerbait eskaintzen digutenak. Mezu handinahirik gabe lotsati zerbait ezkutatzen dutenak edo argi azaltzen ez dizkigutenak. Anbiguotasunean ikus-entzuleari lana ematen dionak. Galdera handiak erantzun beharrean, galdera txikitan xehatzen duten artelanak.


ikurrak-eta-objektuak

Ikurrak eta objektuak

Guggenheim Bildumako Pop artea

Guggenheim Bilbao (Bilbo, Bizkaia)

2024ko Otsailaren 16tik
2024ko Irailaren 15era

sevillako-agerpena

Sevillako agerpena

Zurbaran

Nafarroako museoa (Iruñea, Nafarroa)

2024ko Ekainaren 13tik
2024ko Irailaren 29ra

surrealismoaren-papera

Surrealismoaren papera

Uzt. 13 | Iñigo Astiz [BERRIA.eus]

Bere bildumaren parte diren 50 bat artelan surrealista jarri ditu ikusgai BBVAk Bilboko San Nikolas jauregian. Joan Miroren, Salvador Daliren eta Yves Tanguyren lanak daude tartean. Gehienak paperean egindakoak dira.

arte-ederren-bilboko-museoak-azken-hiru-hamarkadetan-osatutako-nazioarteko-arte-garaikideko-berge-bilduma-dohaintzan-jasotzeko-proposamena-onartu-du

Arte Ederren Bilboko Museoak azken hiru hamarkadetan osatutako nazioarteko arte garaikideko Bergé Bilduma dohaintzan jasotzeko proposamena onartu du

| 2024ko Uztailaren 11a

Bergé Bildumaren dohaintza 98 artelanek osatzen dute, eta 1980ko hamarkadaren amaieratik XX. mendearen lehenengo hamarkadara bitartean datatuak dira guztiak. Aipatzekoa da emakumeen artelanen ordezkaritza oparoa eta garai horretako jardun artistikoen aniztasun handia: pinturak, paper gaineko lanak, eskulturak, argazkiak, bideoak eta instalazioak.

lumbreras-galeriak-meszenasgo-bere-programarako-artista-gazteak-aukeratu-ditu

Lumbreras galeriak meszenasgo bere programarako artista gazteak aukeratu ditu

| 2024ko Uztailaren 8a

Gazteak Gazteei Deika (Joven Llama Joven, gazteleraz) egitasmorako irizpideak betetzen zituzten 70 hautagaitza jaso ditu Bilboko galeriak. Garazi Etxebarria Azurmendi, Aitana Rodriguez Albalejo, Alejandro Gonzales Oses eta Pablo Zabala dira 2024/2025 edizioan parte hartuko duten artista gazteak.

ez-amatasunaz-artisten-begietatik

(Ez)amatasunaz, artisten begietatik

Uzt. 07 | Edurne Begiristain [BERRIA.eus]

Amatasunak praktika artistiko eta kulturaletan duen eraginari buruz hausnartu dute hamar artistak, Gasteizen. Familia nukleotik harago doazen begiradak izan dituzte hizpide.

erromako-portu-zaharra-bilbo-erdian

Erromako portu zaharra Bilbo erdian

Uzt. 06 | Irene Barañano Diaz [BERRIA.eus]

Manu Muniategiandikoetxea artistak duela 2.000 urteko erromatar inperioan inspiratutako obra hirukoitza jarri du ikusgai Bilbon: 'Schola Navicolare di Traiano'. Erakusketa esperimentala da, eta udan ikusgai egongo da Azkuna zentroko terrazan.

tabakalera-errealitate-areagotuko-esperientzia-batean

Tabakalera, errealitate areagotuko esperientzia batean

| 2024ko Uztailaren 5a

Publizitate-kanpaina berritzaile batek errealitate areagotuaren bidez irudimenarekin bidaiatzea proposatzen digu. Iaz Zentroak abian jarritako kanpainaren jarraipena da, Espainiar estatu mailan lau sari jaso berri dituena.

Artekaria

Euskal Herriko Arte ataria

ZAPART sareak sortutako ataria duzu hau. Gure euskal lurralde txikiak duen artista eta azpiegitura aberastasun harrigarriari ikusgarritasuna eman nahi diogu Artekariarekin. Izan ere, hain eremu ttipi batean hainbeste museo (Artium, Oteiza, Arte Ederretakoak, Guggenheim…), arte zentro (Uharte zentroa, Tabakalera, Bilbaoarte…), areto publiko zein pribatu (Didam, Zitadela, Bastero, Portalea, Ospitalea, fundazioen aretoak…), galeria pribatu tradizionalak eta artistenak… hainbeste programazio eta artista lan ikusgai eta denbora berean ikusgarritasun oso zaila dagoela iruditzen zaigu. Horren konpontzen laguntzeko sortu dugu atari hau.

Artekaria

Artista profesionalen sarea

Zapart sareak Euskal Herriko sei lurralde historikoetan bizi eta lan egiten duten artista profesionalen saretzea eta horien lana sustatzea eta eskubideak defenditzea du helburu.